الموضوع
:
وشلون تحط لك أخويا وأنت نصلـــة
عرض مشاركة واحدة
#
1
14-10-05, 09:35 PM
علوووش
من نجوم المنتدى
وشلون تحط لك أخويا وأنت نصلـــة
السلام عليكم الله يرظى عليكم
وترا النصله يعني اللي لحاله وماغيره يتدودل مثل المفتاح اللي مابوه غيروه بالميداليه
يقول دحيم ولد خالتي هيا <<<<<<<<<< فكرته بس انه ناطله منه
ان اللي يبي يحط له خويا همن يصيرون شله همن ياخذون استراحه
همن يبدون يتناشدون عن بعظ لابد انهم مرو على بعظات الامور
قلت له وشلون ياطارق عبدالحكيم
تلقا سليم ولد العرج قاعدن بالعاير لحاله همن يلبق عزوز على الهيلكس عنده
ويطفي الموتر ويقعد يسولف هو واياوه لمدتن تقارب الساعه وخمس واربعون دقيقه
همن يقول له اركب خل ندور بالشارع حق الدوران همن يركب سليم
وقبل يدق عزوز السلف يطلع من الباب اللي بجمب العاير
اللي قاعدن بوه سليم ناصر ولد السعفه اللي تبيع عسكريم<<< والسعفه هذا لقب امه
لأنه طويله وعصلا ومشهوره بعسكريم التوت
ويقول ويييييين النيه الله يرظى عليكم همن يقولون له نبي نروح لشارع الدوران
همن يننننتك بينهم بالغماره تقل كنغر الله يرظى عليه <<<<<< انت يالكنغر
همن يدق عزوز السلف ويروحون لم الشارع ويدورون ولاصارت الساعة ثنعش
لبقو عند البوفيه حقت التركي ابواحمد <<<<< كل الاتراك اسمهم ابو احمد وراه مادري
همن وهو قاعدن يلف لهم الدجاج ويغطسه بالدهن ويعطيه كم تلقيمه من الزلطه
اللي له ثلاثت ايام ويمحط به له فنجالين شطه ويكب عليه بويه بيضاء
من نوع صب لي واللطع <<<<< يقول ابواحمد انه طحينه متعوبن عليه
الله يرظى عليه<<<<<< انتي يالطحينه
ياقف عندهم راعي جيب ربع ويطلع عبدالله اللي دارسن مع العزي بالرابعه
همن يلزم عليهم ويركبون معه عقب مامحط له شاورمتين
كان حاجزهن من التركي ابواحمد بالجوال قبل يجي بساعه
همن يركبون معه ويروحون للنفود وخذ ياهجوله لميييييييييييييين الساعه 8 الصبح
همن يرجعون لم الهيلكس <<<<< انتم ياسليم وعزوز وناصر ويروحون ينامون الله يرظى عليهم
همن لاصار بالليل وقامو كلم عليهم سليم وتواعدو عند عبدالله راع الجيب اللي عنده ثايه
همن ظربو بالفرشه على الدايري لهم تسم يوم
ويوم ذبحهم الحر ولفحات الهوا قررو انهم يدو رون لهم استراحه من امهات 4000الاف
لمين صارو شله الى هالحين <<<<< الله يرظى عليهم <<< انتم يالشلة
الشاهد من القصه
انه ان تسان ماتدخل به أبو شدق وإلا زعبور وإلا أبو هتون
فهي الشله بخير
الله يرظى عليهم وان تسانهم غطو خشومهم مثل العاده اللي انا خابر
فعز الله ان الدعوا انحاست الله يرظى عليه ..
ومثل ماقال الشاعر :
عزالله اني من توالفت وياه
حملت نفسي فوق مالا تطيقي
مشاركة هذا الرد في
Google
Facebook
Twitter
Digg
أنت معجب بهذا.
التوقيع
علوووش
مشاهدة ملفه الشخصي
إرسال رسالة خاصة إلى علوووش
البحث عن المشاركات التي كتبها علوووش