مرحبا تحيه عطره لكل من زار صفحتي
وورده حمراء >>>> ورده وحده بس
اطل عليكم من جديد موضوع في ذاكرتي وحبيت احتفظ فيه هنا
>>> تعرفون الذاكره مو ذاك الزود
هذا سلمكم الله
بعد الزواج ع طول سافرت بعدها بيومين وكانت اول رحله للخبر (وصار فيها موقف عمري ما انساه اقوله لكم بعدين 
) وثاني
رحله بعد ما رجعنا الرياض رحنا لجده ومن هنا بدات الحكاية
^_^
(في البيت)
قبل لا نطلع من البيت عشان نروح المطار (بالرياض)
زهبت العفش >>> وش انتي شايله 
وكنت محتاره مابين اني اخذ الدبله او لا
لاني خفت انها تضيع مني >>>دايم تضيع
وخصوصا انها غاليه علي
فقبل لا اطلع من البيت كنت افكر اخذها او لا اخذها او لا
وبعدين قلت ما يصير لازم البسها انا عروس 
وهذا شئ ضروري 
واخاف ان زوجي يحطها بخاطره اذا ما لبستها >> جديدين ما نعرف بعض
المهم
توكلت ع الله ولبستها وطلعت وركبت السياره
وكان زوجي يركب الشنطه ولما ركب انتبه لدبلتي
وتذكر انه ما لبس دبلته وراح ودخلت البيت وجاب الدبله
>>>طبعا اقصد دبلة زوجي هو كان ناسيها
وانطلقنا الى مطااااااااار الرياض
(في مطار الرياض)
قبل لا ندحل المطار انا متعوده احط كريم بيدي
بس اذا حطيت كريم اشيل الدبله
فشلت الدبله وحطيت كريم وبعدها ما اذكر شئ
وصلنا المطار
وحطينا السياره بالمواقف وبعدها بفتره
ركبنا الطياره
ولما جالسنا >>>> حنا الطامة الكبرى
وانا كنت جالسه بالمقعد بالطياره وقبل لا تقلع انتبهت
ايدي مافيها شئ وين الدبله
ما ادري وين راحت
انا انجنيت مستحيل يعني الدبله ضاعت
ياربي وش اسوي وش اقول يارب ما ينتبه لي زوجي
وكنت جالسه وافكر واقول اكيد انها طاحت بالسياره لما شلتها وحطيت
كريم نسيت اللبسها وكان كل املي انها تكون طايحه بالسياره
ومانكون طاحت بالشارع مثلا لما فتحت الباب طاحت
وانا كنت بموقف من جد خفت مووووووت
ادري هو ماراح يقول شئ بس انا بيها
وجلست ادعي واقول
( يارب استودعتك الدبله انك حفضها )
وادعي
وادعي
من كل قلبي
وانا كنت جالسه قالي وش فيك
قلت مافيني شئ >>> الله يعلم الي فيني 
قالي الا وش فيك ساكته
قلت لا بس خايفه من الطياره اخاف من الاقلاع >>> مدري من وين طلعت هالعذر
المهم
هو صدقني ومشت عليه
وانا يعلم ربي الي فيني ماني قادره اجلس على بعضي فيني قلق
ابي اروح ادورها
وطارت الطياره رايحين لــ جده
وحنا بالطريق >>> قصدي بالجو ههههههههههه
انتبه لي وقالي يؤ وين دبلتك
انا كن احد كب علي ماء بارد ياربي وش اقوله
احس اني تجمدت
وبعدها رديت عليه وقلت
انا اصلن ما اخذتها معي خفت انها تضيع >>> ايه هين
قال لي : لا انا شايفك وانتي لابستها حتى اني لما شفتك رحت وجبت دبلتي كنت ناسيها
شيطوووونه: لا وش فيك لا تدخل الشك فيني انا متاكده اني تاركتها بالبيت >>> واثقه بعد
قال : يمكن انا اتوهم >>> ياعمري قلبت راسه وصدق
وبيني وبينكم>> قربوا كلمت راس
((هو عادي اني اقوله انها طاحت مني مو مشكله بس ما حبيت اضيق خاطره ولا اخرب السفره وتكون سالفتنا كلها عن الدبله ومتى نرجع عشان ندورها))
المهم رحنا لـ جده ومن جده لمكه
وانا بالحرم ادعي ادعي اني ربي يجمع بيني وبين الدبله
ولما رجعنا
ووصلنا مطار الرياض وانا قلبي يطقطق ابي ادورها
وربي ماتصدقووووون الى راح اقوله لكم
ولما وصلنا المواقف الي بالمطار
تدرون وين لقيتها
لقيت الدبله طايحه ع الرصيف وكانت تلمع حتي زوجي هو الي لمحها وقالي شفتي انك كنتي جايبتها بس اشوا اننا لقيناها
وربي شئ عجيب
الدبله بالشارع عند الرصيف ولها اكثر من اسبوع ولا احد شافها
ولا احد اخذها لو هي بالسياره كان عادي بس هي بالشارع حول السياره
الحمدلله ان ربي رجعها لي وحفضها 
هذا كله من الدعاء
ما يستفاد من الموضوع
ـ كن صادقا بالدعاء مع ربك .. تتحقق أمانيك
ـ الدبله فلوسها حلال
ـ حافظ على أغراضك الثمين فما تفقده بإهمالك قد لا يعود أبدا
ـ عزيزتي الزوجه عندما تضعين الكريم على يديك لا تخلعي أي خاتم مهما كان حجمه .
Next
.×.×..موقف في الخبر محفور بالذاكره ..×.×