مرحبا بكل اللي دخلوا يقرون وش فيه وسط هالموضوع
انا عارف ان نصكم ان كان موب اكثركم منهبلين يوم قروء الموضوع
لان يعرفون ان صاحب الموضوع <<< اللي هو انا ضايع مع اللبنانيات
وخصوصا الشيفه اليسا <<< سبحان مغير الاحوال
>>>> كني اسمع عشر طعش واحد يصفقون اعمارهم كفوف يقولون حنا بحلم ولا وش
ولا خمس طعش واحد يفركون عيونهم يقولون ذا ماغيره الحب الأول
ايه كنك تشوف يوم شفت موضوعك قلت وش عنده فتى منفوحه
انا الحب الأول ابن هذا البلد المعطاء <<< يبي وظيفه
اول شي جب شهاده حسن سيره ( حسن والا محمد ) <<<< والله من التميلح
والتابعيه طبعن لاتنساها اجل هي الدعوه لعب
واثبات من المطار انك ماقد سافرت برى ولا تعديت حدود ديرتك >>> حشى بيعرس ذا والا يبي وظيفه
كل هذي مقدمه للموضوع اللي ابتكلم عنه
وش رايكم تقطعون الخط وتروقون على الموضوع
لااااااااااتوصينا اول ماشفت الموضوع اللي كنه معروض وانا ماصعتن السلك مصع
بسم الله نبدء بالموضوع
انا اشوف هالايام ان بعض شبابنا طايرين بالعجه باللبنانيات والامريكيات
ولايهونون بناتنا اللي طايرين بتوم كروز وميشيل <<< حق ميشو شو
يعني الحين ليش هم اتجهوا لصوب << (( متعوب عليها )) ذيك الدير
ليش مايعجبون فيني <<< من زينك ياشيخ
انا بصراحه طايرتن بوهتي مع محمد السليم وهذا ميشيل ما فيه من الملح لو قطبه اذا جاء يقول ايلاااااااااااااك كنه واحد ضاربه كهرب خط 220
بصراحه يعني كل ماشفت موضوع لقيت واحد يقول اجمل بنت هي اليسا
<<< تخسي والله لو يشوفها بدون مكياج ولا عمليات تجميل كان اغمى عليه من شينها
وبعد لو تشوف بنتنا توم كروز قبل مايدخل غرفه الحلاقه كان عرفت ان اشين واحد
بديرتها احسن منه بالف مره
هذي عاد كثر منها كم بيض الحمام
مشكلتنا حنا <<< يعني كل ابونا
اننا نطير بالعجه لما نشوف بياض ولا عيون وساع
مثل عيون باسكال مشعلاني<<< انا اشك عيونها ممططينها ثنين ليين صارت سذا
ولا مافيه عيون كبر عيونها <<< راحت فيها بكره يمكن تسمعون خبر انها صارت عمياء
انا ادري عنكم دخنت سبودنا من باسكال هذي
عيونها هاللي ذابحتكم كل ماشفتها تذكرت الجربوع المدخول عليه بجحره
مواضيعنا او ردودنا نلقى حرب من الشباب على البنات والعكس <<< عجاز
نلقى الواحد يذب على الثانيه يقول لها انتي
شينه ووجهك كله خشم .. وعيونها صغار كنها مصاقيل
واهم شي يذكرونه ان ركبهها سود
<<< هذي ترفع ظغط البنات من جد وانا بعد ترفع ظغطي <<< مع الخيل ياشقراء لا بجد الحين وش دراك ان ركبها سود انت وخشك يالتمساح ياشيخ والله اشك ان ركبها انظف من وجهك
<<<< بيتصفق من التماسيح
هههههههههههههههههههههههههههههههههه عاش واقف
عاد بناتنا تلقاها انواع الصلخ على العيال وخذ ياشّب عليهم
انت وبراطمك ذا السود ... ولا شنبك اللي غاط في خشتك
واهم شي اللي يرفع ظغط الشباب اذا قالت له البنت رح انت وكرشتك اللي سابقتك
<<< يااختي يقدر يسوي رجيم وينحف لاتضيقين صدره
والله حنا صازين يجيك الواحد معصقل وله كرشه كنه بعرصي منتفخ بطنه
<<<< اشوا اني معصقل <<< بس ماعليه يجيني من الذب دايم يقولون رح
ياشيخ كثر من ملابسك لايطيرك الهواء
ما اردى منذا الا ذا
بس لو جينا للجد مال الواحد الا ولد ديرته او بنت ديرته وكل هالكلام اللي فوق مزح بمزح
ولا كل واحد ضايع مع الثاني
كل واحد يحتسي عن نفسه
خلوني ابدء بنا كشباب <<< شباب ولا هلال <<< ياقدمك
والله يافيه ناس مزايين من جد يخلونك تسعبل حتى لو انك من جنسهم
يعني عليهم طول وبياض وعيون وشي خيالي
والله اشياء ماتلقونها في رجاجيل الدير الثانيه
صح ان بعض الشباب ثقيل دمه ووجه بايخ بس عاد نلقى فيه اشياء ثانيه حلوه
يمكن يصير يعرف يشخص شخصيه الكوبراء <<< اهم شخصيه عند الشاب السعودي
ايه والله ما مشى سوق المريتو ( النشا) الا عندنا
تلقى غترهم تتاغر نشاء
صح ان رجاجيلنا قراوي وشاطفين التقّدم ولكن ياحبي لهم كلامهم عسل على القلب
يازينهم ليين قالوا وشلونتش وش اخبارتس ..تبين اوديتس لااي سوق اليوم <<< ماتسمع الا انواع التصفير
هههههههههههههههههههههههههههههههههههه طيب اللي يكاكون يقولون وش لونك وش اخبارك من بيبزاهم ذولا حتى البسبوسه يسمونها بكبوكه من زود التمدن :o
يعني نلخص شخصيتنا كشباب او رجاجيل او شياب في
1/الجمال <<< قولوا ماشاء الله
( الا بنقول خلق الله حسن )
2/الاخلاق <<< مع الجنس الناعم فقط ..!!
( اي اخلاق وهو يناديها ياهيش سوي وياهيش طسي)3/
الكـّرم <<< انا اشهد اننا في الكرم لامنافس لنا
( انا اشهد بعد وهذا يطيح على روسنا حنا وش وراهم هم )4/
الغيره <<< عاد هذي اهم شي فينا
( ايه والله كل سعودي لازم يغار يامال التغار )
يااخي يازينهم زيناه بناتنا كلهم حلى ورقه وجمال <<< يارب اغفر لي
لا جد بناتنا وربي حلوات وحليوات <<< يعني موب لازم كلهم يطلعون زيون
هههههههههههههههههههههههههه اجل يارب اغفر لي
الا والله كل بنياتنا يطرحون الطير من السما >>>>>>>>>>. يارب اغفر لي بعد انا معه
يعني الحين ليين جتك ولبست الشنقيط << جنز ضيق بس على روايه جدتي اسمه شنقيط
انتسان جدتك تقول شنقيط مانشره على جدتي اللي تسميه المحنقط
والله ياعندنا بنات احسن واحسن واحسن مليون مره من اليسا وطقتها
بس حنا يالشباب مانقدر نشوف لان بناتنا يتغطون وماتشوف الا زوال اسود
ولكن لو بغيت اسأل امك ولااخواتك <<< لاتسال الا كانك تبي تزوج ولا غيره لاتسال
عن مواصفات البنت لان هالشي حرام
وان كانك تبي تشوف الزين شف امك واخواتك وعماتك وخالتك <<< وان كانهم شيون عاد وش اسوي لنسلكم ذا اللي كله شين
ههههههههههههههههههههههههههههههههههههههه اهم شي الاخلاق وحب الوطن
المشكله ان دايم الشباب يقولون ان بناتنا جمالهم من العدسات والرموش الصناعيه
والمكياج والديرما <<< للعجز بس
المشكله انهم مايدرون ان جمال بنات الفضائيات كله من عمليات التجميل من نفخ الشفايف ولاتصغيرها << ماطلعت شفه ذي ولا من تفخ الخشم ولاتنسيمه << طالعه كوره ولا من شد الوجه
ايه علمهم الوحده تلقاها متفخه لو تنغزها انفشت وصارت كنها خرقتن ماكويت 1/
الجمال <<< رباني
( ولا تنسى الخصله بعد )2/
العفه والحشمه <<< والله ماتلقاها الا في بناتنا
( صح السانك )3/الاخلاق والدين <<< يازين اخلاقهم زيناه
( ماعليك زود )
4/ الطبخ <<< يمدحون الو محل فطاير توصلون للبيت لا جد يازين طبخ بناتنا بس المشكله امهاتنا مايعطونهم فرصه << لقيت لكم تصريفه يالبنات
( ههههههه ايه عطوا الحر فرررررصه والا بتشوفون مواهب وبدع )
1/ ان شبابنا الاحلى وبناتنا الاجمل ولاعزاء لشباب وبنات الفضائيات
( ماسذبت)2/
ترى انا كاتب الموضوع وانا بكامل قواى العقليه والجسميه
( محد فوق راسك متأكد )
3/ الموضوع قابل للنقاش سواءً نقاش بدون ضحك او بضحك
<<< الله من زين الاسلوب
( الله من التميلح وانت الصاز ) 4/
لازم نفتخر بجمالنا ولا ترى بيروحون فيها الجيل القادم وياخوفي عليهم من الانتحار
( ايه لازم نفتخر بجمالنا ولاتهون ناقاتنا ) >>>>. فاهمه غلط 5/
كل واحد يدخل الموضوع يرد .. بس يعلمني انه قرء
الموضوع ( ايه والله قريته كل ابوه من سلسل للطلاق عليكم )
اخوكم شاب من السعوديه
الحب الأول <<< بس تراه شين
( ماجبت جديد الكتاب مبين من عنوانه )
مشكووووووووووووووووووور اخوي
الموضوع مررررررررررررررررررررره رهيب ويوسع الصدر
وعاد اللي ما استاسع صدره يروح لاقرب خياط يوسعه بخمستريل