17-02-14, 11:20 AM
|
|
|
اهديت لك يازين قلبي هديه
اهديت لك يازين قلبي هديه وش عاد تهدين
يازين لا مريت سلم عليه يا كامل الزين
لو بصبعك يازين رد التحيه ياداعج العين
كويت قلبي كيه فوق كيه من بين ضلعين
ياروح روحي رد الروح عليه شفت العذابين
ارحم تراني زرت حوض المنيه والموت قافين
والى ذبحتني بليا خطيه وش تستفيدين
رمح الهوى له قاعده عسكريه بين الحجاجين
فيها صواريخ وفيها مدفعيه لك مستعدين
رميتني بالفرد والبندقيه وانت متحدين
هذي طعونك بينات وخفيه يوم انت ترمين
سلمت روحي رافع لك يديه حسب القوانين
انا صويب وعلتي باطنيه محد مداوين
الا انت يابو قذله هلهليه بدواك تشفين
ياغصن ورد في ذرا ظل فيه يشرب من العين
يشرب من الشلال صبح وعشيه بين البساتين
يابو ثمان تقل ثلج برديه بين الشفاتين
لو شافوا العشاق ذيك الشفيه صاروا مجانين
امين رب البيت يضخرك ليه ايضا قل امين
ونعبش انا وياك عيشه هنيه رغم الحسودين
منساك انا ما دامت الروح فيه لو كنت نا سين
|