31-03-06, 10:40 PM
|
|
الله على اللي شفتها يوم الاثنين/عز الخوي
للحفظ
http://www.qassimy.com/up/users/baz/000140.rm
الطرق الثاني
http://www.freewebtown.com/khazbaz/00140.rm
الطرق الثالث
http://www.freewebtown.com/khazbaz/0000140.rm
الله على اللي شفتها يـوم الاثنيـن= في شـارع فيـه الخلايـق تزاحـم
ساعة لحظته قلـت بالله يـا زيـن= أرفق علـى قلـبٍ همومـه تلاطـم
ترى بي جروح مـن العـام للحيـن= لا تفتـح جـروح نبيهـا تـلاحـم
قال : أنت غادي قلت غادي ومسكين= بس أنتظر خـل المشاعـر تناغـم
قال : أنتبه للهرج وأعرف معك مين= لا تحسبني صرت بأصبعـك خاتـم
إلا أنت وش دلك دروب المحبيـن = وش اوقعك بحر الهوى والمنـادم
قلت العفو يا كامل الحسـن والزيـن= أنـا بخيـصٍ بالمعـانـي وفـاهـم
الحب مـا يعـرف فقيـر وغنييـن= من عهد قيس اللـي تعلـق بفاطـم
إن كانهـا بالمـال حنـا فقيـريـن= وإن كانها بالعشـق فا نا نزاحـم
وإن كانها بأنسابنـا قلـت تدرين= حنـا لنـا مجـد عظيـم وملاحـم
ويومه سمع قولي حلف لي يمينيـن= إنه علـى مـا قـال بالحيـل نـادم
وأغضى بعينه وألتفت قايـل ويـن= أسمك ورقمك يمكـن إنـا نتفاهـم
[
|