يا ذا الجلال اللي عروشك فوق واملاكك حـدر
ومهماً تسامت بـه عروشـه مستحيـل يطولهـا
يــا حــي يــا قـيّــوم يـــا ذا الأنـافــة والـكـبـر
مـا نافسـك فـي عظمتـك مكـر العبـاد وهولـهـا
وما نافسك من عمّر بيوته علـى سطـح القمـر
واللّـي ترسـي فــوق أقالـيـم المـيـاه سطولـهـا
ما انته بحاجة مـن عبـد ولا بحاجـة مـن كفـر
ولا بـحـاجــة ثــابــت الـدنـيــا ولا مـنـقـولـهـا
أنت السميع لمن حمد وأنت المزيد لمـن شكـر
واللـي مـا يشكـر نعمـة المنعـم عليـه تزولـهـا
يـاذا الجبـروت العظـيـم ويــا القـديـر المقـتـدر
تفـزع لنـا فـي معضـلات مـا نـريـس حلولـهـا
تلعـب بنـا خــلاّن فرغتـنـا كـمـا لـعـب الـكـور
أن اقبلت صاحوا لها وأن دبّـرت صاحـوا لهـا
لا هبّنا الطايف بعض الأحيان فـي فيـة عصـر
شهـب الليـالـي مــن ورانــا يسحـبـن ذيولـهـا
أنت السلام اللي لـك الإسـلام وانـت المشمخـر
اللـي عجايـب قدرتـك فـي المعجبـيـن ذهولـهـا
سلام يا محمد رسول الله راعي الوجـه الأغـر
وسـلام يــا روح ملائـكـة السـمـا صـلّـوا لـهـا
سـلام يـا بـو بكـر يـا عثمـان يـا علـي وعمـر
وسـلام يـا سـبـع الآفــاق أطلالـهـا وسفولـهـا
سلام يا صـدق النـوى سـلام يـا وسـع الصـدر
ســلام يــا مفـتـاح بـيـبـان الـفــرج وقفـولـهـا
وسلام يا شمس الضحى تشرق على بر وبحر
وتشـرق علـى كـل الديـار جبالـهـا وسهولـهـا
وسـلام يـا غـر السحـاب اللـي تبجـح بالمـطـر
وشـم الجبـال اللـي تبجـح بالسـحـاب قذولـهـا
وسلام يـا هـوج الريـاح اللـي عطاهـا مستمـر
مهما خذوا منهـا مـن الحسنـات مـا ردوا لهـا
ليـت الرحـاب اللـي لنـا بوجيههـا حـق وقــدر
ما تضمحـل مـن الزمـان ولا نشـوف سمولهـا
و ياليتنا لاما سرحنا اليوم الأبيـض مـن فجـر
تبطي عبـات الليـل مـا تضفـي عليـه سدولهـا
ولاّ ليامـنـهـا ضـفــن سـدولـهـا يـطـلـع بــــدر
يا صل ضياه اللي على الكـوره تطـق طبولهـا
المعتبـر يآخـذ علـى الدنيـا دروس مـن العـبـر
والـنـاس يكسـبـهـا معامـلـهـا بـقــد عقـولـهـا
أحيان تصدف لعبـة الشاطـر مـع غلطـة عمـر
مـره .. لكـن لا عـدت الغلطـة مـا عـاد ينولهـا
حنـا عرفنـا كلنـا مـا طـال مــن شــيء قـصـر
والأحلام ماتوا قبلنـا شرهيـن مـا وصلـوا لهـا
حتـى الجمـال اللـي تحمّلهـا الهقـاوي بالصبـر
يالله بحمـلـتـهـا تــقــوم وتــــدّرج بحـمـولـهـا
والـحـب سيـسـان العـبـادة والعـبـادة بالجـهـر
ان مـا قـدرت تقولهـا وجـه الصحيـح يقولـهـا
يسرون عميـان المحبـة تيـه فـي غـدرا الغـدر
لـلـي تـحـد سيوفـهـا والـلــي تـعــن خيـولـهـا
ولا تفـكـر فـــي غـنــاة ولا تـفـكـر فـــي فـقــر
وتشفع لبيضان الصدور احضوضها وفعولهـا
واهــل التكـلـف بالمعـرفـة والتصـنـع بالبـشـر
والله مهي حول الصحيح ولا الصحيح بحولها
اللـي يفضّـل مـا يقيـم بـو ميـه مـن بـو عشـر
حتـى الفضوليـة عـن الفاضـل بطـل مفعلـوهـا
اللـي تخبـره لحيتـه ذا ..طولهـا يصـبـح بــزر
واللـي تخبـره بـزر يصبـح لحيتـه ذا ..طولهـا