[قـلـب جـبـار]

أجامل وابتسم وأضحك وأنا في داخلي مقهور أحاول أكتم أحزاني ورى صدري واخبيها أحاول أكتم همومي واخبيها وأنا مجبور وأحاول قد ما أقدر أبعد عن حراويها لو إني كنت بنطقها مع إنها واقفة بالزور ولكن لازم أكتمها ولا أبين معانيها ولو بعض البشر تدري وتكشف خافي المستور أببلش في شماتتها وبتعب من حكاويها طبيعة ماتفارقهم طبيعة من قديم عصور فراحك يا القفى تطرد وتنبش في خوافيها وإذا طاح الرجل مره وصار من الزمن مكسور تجي له طعنة في ظهره تفاجأ ما درى فيها تفاجأ مادرى باللي يصير ومن وراه يدور وخابت هقوته فيهم بعدما كان هاقيها لاجل هذا كتمت الهم في صدري وأنا معذور همومي وسط قلبي أخبيها واخليها وإذا زاد الحزن فيني كأني بعالم مهجور كأني بدنيتي وحدي كل الناس جافيها مصير الهم يترحل وأعيش بدنيتي مسرور مصير الهم ينساني ونفسي مايعنيها مصير القلب لو يظلِم يجي يوم ويشوف النور مصير الناس تتبدل وتتغير مماشيها ولكن بكتم همومي واخبيها وانا مجبور وطبع الهم ما يهنى بغير ضلوع راعيها

مشاركة هذا الرد في Google Facebook Twitter Digg

أنت معجب بهذا.