الموضوع
:
..//.. يآقرٍب وٍأشنطن وٍلندن وٍبآرٍيس .. ح ـذفت ح ـصى للي رصيدهـ ملآيين .. //..
عرض مشاركة واحدة
#
9
26-09-09, 03:49 PM
۾ـمَـڵوُـۆڂ آڵوـۆڝآآيْفّ ..||~
ذبحنيْ جرحڪ بقلبـﮯ ... علاآمه ليه ماإ يبرێ!
اقتباس:
المشاركة الأصلية كتبت بواسطة ! طرطيعهـ !
.
.
.
السسلآم عليكم ورحمة الله وبركاتهـ ..
وعليكم السلآم والرحمهـ
تدرون بي اني رحت للرياض ثمن الشرقيه .. وشمينا ريحة البحرين ..
قولي قصم
الرياض رحناها وزرنا خيتنا .. وهي اول مره لي اسافر لمكان بعيد << -- ماشافت خير ..
وصار اخونا في الله زوج اختي يدور بنا بامكان الرياض المشهور .. وداني برج الفصيليه ماخارجني هع .. وداني برج المملكه برضوا ماخارجني ..
يآشيــننآ حنآ اللي برآ الرياض لاجينآ الرياض على طول الفيصليه والمملكهـ
بس اللي انبسطت يوم شفته مكان التلفزيون القناه الاولى هع هع .. صورته بس مانزلت الصوره عالجهاز ومالي حيله
.
يآ ذآ المبنى اللي ماغيروهـ من الاف السنين
رحنا للدرعيه .. اللي مثلوا فيها سعيدان وعليان ..
.. خذينا لفه ومشينا ..
مآشفتوهمـ ؟! >> ابو الدلآخهـ
اما الثماااااااااااااااااااااااااامه .. اللي يطعسون فيها ..
هذا شيء ثاااني خاالص ..
من وصلت وانا اصااااااااارخ .. وقفوا يرحم والديك وقفوا خلينا نركض بها .. << -- في عز الصيام ..
ويقفون وانا ادعس خمس ميه ابي اوصل للقمه .. انا والبزران نجري نجري .. يوم وصلت للقمه ..
حسستيني تركبين الهملايا موب طعس في الثمامه
اشوف اخوي واهلي نقااط .. مرره صغااار .. واقول هييييييييه اكبروا << -- يعني قربوا ..
وهم حبه حبه يطلعون .. ويقفون استراحه ويشربون ريق .. اختي اللي ساكنه بالرياض تجري تقولي استنييني .. قلت خلاص خلاص وربي انك عجزتي ماعادك شاابه ..
والبزران يحفرون قلت ليه تحفرون قالوا ندور كنز .. واطب معهم احفر .. ونحفر حفره واحط فيها بنت خالتي وندفن فيها .. ويوم دفناها رحنا قلنا هيا اقعدي لا تقومين ونكمل مشي .. الا ويجي همر يطعس من عندي .. بسم الله من وين جااء هالهمر المكان كان فاضي ..
هههههههههههههههههه اجل كنز شدعوهـ علاء الدين
واهلي لسا وراهم مشوار يقولون طرررررررررطيعه انزلي يابنت انزلي اقول لحضه ثواني بلعب شوي واجيكم ..
يآبزرتس هههههههههههههه
وهم يبوني انزل عشان في جيبي تحووس عندي وخايفين لا يخطفني ولا شي
<< -- قسم بالله انه راح يسوي خير
موب ان راح يسوي خير .. ان خطفتس يسوي خير فآهلتس مير يفتكون منتس
يوم جيت انزل .. قلت لازم اجري عشان هي نزله وراح يكون شعوري حلو .. وقد اختي وخالتي والباقين وصلوا للقمه مثلي << -- مافيها تعدد
قلت غلا وش رايك ننزل جري .. قالت يلا .. الحين حنا نشوف اخوي وولد خالتي وزوج اختي نقاااط ..
لآ لآ لآ لآ لآ لآ بتطيحين
يوم جريت شوي الا اشوفه قرييييييييييب مررره ادعس فرمل الا واطيح على وجهي .. اقول والله ان تراب الرياض مايوسخ العبايه ..
احسسن قايلن لتس اسسمعي كلآمي
اجل تراب الرياض مايوسخ
وبعدين حركنا عالخبر ..
وهذا اخوي وهو يسووق ..
اااااااااااخ لو تشوفون شكلي يوم وصلت بحر الخبر ..
وهذي بنت خالتي الصغيره .. ههههههههههههههههههههه
انا قعدت احفر عند البحر << -- كل ماراحت مكان سوت حفريات ..
ويوم احفر يطلع لي مويه .. اقول لاختي يوووووووم كفشت بييييير .. قالت ياغبيه انتي عند البحر ..
كششششفت بير هههههههههههههههههههههههههههههههههه
وهذي صورت البير .. هع هع
..
يعني كنت بسوي قلعه بس ماحالفني الوقت
قلعهـ اجل افلقيني
وهذي بنت خالتي الصغيره مو كانها اول مره تشوف بير
وهذي صوره جماعيه للسيارات اللي معانا ..
واللي واقف هذا اخوي راز الفيس
..
ويوم جينا نحرك ونستأجر فندق .. تقولي خالتي وش رايك تركبين معانا بالسياره .. وانا معدمه من الطين من ساسي لراسي ..
وولد خاليت يقول بصوت واطي لا يامي لا يامي .. << -- مايبيني اخرب سيارته توها جديده ..
يوم سمعته قال كذا عاندت وركبت معاهم وعدمت سيارته وبردت حرتي ..
ههههههههههههههههههههههههههههههه
يالنحيسهـ لو اني منهـ تسان وحنا نمشي 120 اقطتس بالشارع العام
وبعدها رحنا لفندق اسمه السلام
.. ونمنا وصحينا بالليل ورحنا برضوا البحر نطرطع
..
بس ماصورت شي كثير
..
بس قبل برويك هذا السوق اسمه الراشد مادري يمكن غلطانه ..
حنا عندنا راشد انتوا ماعندكم >> بزر
يالبيــــــهـ بس
وهذي صورت اخوي يوم يكلم ولد خالتي يقوله بنصلي بالمسجد ذا
وهذا هو المسجد ..
وش باقي لنا امممم امممم
..
ايه يوم ردينا لمكه .. كان العيد بكره هع هع ..
فانا واختي وخالتي ناقصنا كم شي للعيد ورحنا سوق بمكه ..
انا كان قاصني بس شيء واحد واخذته
.. وقعدت امشي ورى اختي وخالتي ..
مدري وش سرحت بووه .. وشوي مالقاهم قدامي .. ادور عليهم وادور عليهم وادور
مالقيتهم .. رحت للمحاسب والفلوس مو معي << -- ذكيه . . حاسبت وقالي هاتي الفلوس قلت له والله انا ضايعه واختي معاها الفلوس مالقيتها .. << -- خانقتها العبره ..
قعد يضحك يقول انتي نونو عان تضيعين << -- على فكره كااااااااشخ ومزيون وكانه باول يوم بالعيد وسعودي
وقال طيب دقي عليهم قلت كاجبت معي جوال .. طلع جواله وقال اخذي دقي من جوالي .. <<
انا فكرت مادري ما ارتحت له ..
قلت له يؤؤؤؤؤؤ شوفهم شوفهم شكرا لقيتهم الحين اجيك واحاسب الملابس خلها عندك .. << -- وانا كذابه مالقيتهم ..
زمانهم حايسيين الدنيا علي << -- واثقه
..
ودورت شوي ومالقيتهم ورجعت للمحاسب .. وقفت عنده ساكته .. قالي انتي اللي اوله ضايعه .. قلت ايه << -- تبي تبكي
قال مالقيتيهم قلت لا مالقيتهم .. قال طيب منتي حافظه رقهم .. قلت لا والله قال رقم ابوك احد من اقاربك ؟
سكتت مارديت عليه << -- ماتبي تدق على اهلها بالبيت عشان مايحرمونها من السوق
..
قال طيب تعالي معي .. قلت ويين ..؟ قال لا تخافين بوديك مكان الضايعين اللي يذيعون اسمك بووه ..
وخزيتاه على اخر عمري اروح من قائمة الضائعين .؟
ههههههههههههههههههههههه اتخيل شكلك بين البزآرين
وهو مشى قدامي وانا وراه .. ودخلت مكان الضائعين كلهم بزراااان ..
.. وكلهم يصيحون وانا خلاص البكوه نااشبه .. وصرت اصيح من ورى الغطايه << -- على السكاتي ..
قالي تنادينهم انتي ولا حنا نذيع اسمك .. قلت لا انا اناديهم .. قلت ياخااااااااله انا طرطيعه تعالي اخذيني انا بالبوابه الرئيسيه ..
وشوي يجي المحاسب معاه كيس اغراضي .. قال خذي .. قلت والفلوس .. قال خذي ياشيخه .. << -- مسوي كريم دفع عني ..
وبعد نص ساعه تجي خالتي واختي .. وانا ابسطت ويقول الرجال اكيد هذولا اهلك ..؟
يوم قال كذا حسيت حالي من الحال البزران .. واطنشه واروح ..
ويوم اروح البيت .. انفض كيس اغراضي ابي اوريهم وش شريت .. الا وانا انفض بووه تطير ورقه منه ..
طالعت الا مكتوب رقم وابو سعيد ..
.. حسبته مسوي نشامه هالمحاسب بس طااح من عيني
وهذي هي نهاية العشره الاواخر من رمضان ..
..
فتكم بعافيه ..
موضوع خطيـــــــــــــــــــــــــــــــــــــــــــر
واحلى تقييم كبر رآستس
مشاركة هذا الرد في
Google
Facebook
Twitter
Digg
أنت معجب بهذا.
التوقيع
AsK mE any
Questions
۾ـمَـڵوُـۆڂ آڵوـۆڝآآيْفّ ..||~
مشاهدة ملفه الشخصي
إرسال رسالة خاصة إلى ۾ـمَـڵوُـۆڂ آڵوـۆڝآآيْفّ ..||~
البحث عن المشاركات التي كتبها ۾ـمَـڵوُـۆڂ آڵوـۆڝآآيْفّ ..||~