كنت بأحد المجالس وكان الكلام عن اصعب موقف مر عليك
وفيه احد الحضور كان يتكلم بحماس عن موقف هدد حياته الزوجيه.
يقول انا اطقطق على تطبيق اوبر وكريم في توصيل المشاوير
وبالعاده اطلع مصروف البيت اليومي منها والحال طيب ومتيسر .
يقول مره كنت انا وزوجتي بأحد المولات وفجأه الا مجموعة بنات مع بعض
وكأنهم يراقبون وضعي.
إلا جات واحده منهم وقالت توصلنا مشوار يافلان
يقول والله من صدمة الموقف حسيت بالعررق يتسلل مع
سلسلة ظهري وأم الركب مسكتني بمكاني
وعيون زوجتي مفتوحه من الموقف قد الريال .
بنات اللذين فقعو البيض في كراتينه
يقول
زوجتي على طول انسحبت من المكان وجري في السوق وانا
ولاقدرت انطق بأي كلمه .
صرفت البنات وقلت حطيتوني بموقف مع زوجتي وحاولت الحق
عليها افهمها الوضع .
ولكن مالقيتها بالمول.
دقيت عليها جوال تعطي مشغول . بعد ساعتين ارسلت امها رساله على جوالي
زوجتك موجوده عندنا بالبيت .
حاولت بكل الطرق اقناعها بأن الموقف عفوي ولالي اي علاقه فيهم لامن قريب
ولا من بعيد ولكن تقنع مين .. ؟
تقول لو عادي ماذكرو اسمك .
طيب الأسم يطلع بالتطبيق .. .. وش ذنبي .
يقول مارجعت الا بعشرة الاف وتعهد بعدم العمل على تطبيقات
التوصيل مهما كانت الأسباب .
مين المحق فيهم ..