المشكلة مشكلة فكر لا اكثر
أطالب بأن يكون من شروط الزواج الدورات الزوجية عند ناس ثقات
انا شخصيا تغيرت فكرتي عن الزواج والتعامل مع الزوج بعد أخذ دورات زوجيه
أهمها اخطاء التعامل مع الرجال
وسلوك الرجل في الزواج
عن طريق الكاتبه نوره الصفيري
صراحة هالانسانهزلها فضل كبير على كثير من البيوت
لهذا كل وحده على وشك الزواج لازم تثقف نفسها في أمور الزواج وتقرأ وتبحث هذي حياتك
الزواج مش طبخ ولا بيت ولا لبس ولا فراش
لا الزواج شراكة حياه اذا قدرتي تملكين قلب الرجل وتحوزين على اعجابه كل الأمور السابقة لتضبط معك
الرجال مايهمه وش ماركة الساعة او من وين شريتي قميص نومك او بكم مفرشك
لا طال عمرك يبي القبول اقبليه بكل مافيه ولاتحاولين تعدلين فيه الابايحاء المدح بس
قدري قدري قدريه يحتاج الى التقدير لو يجيب مقاضي البيت الواجبة عليه قدري هالشي له وأشكريه بكل لغات الحب عندك
ابتسامه وبؤسه وحضن
(انا مره جاب لبن قلت جعله من يسر يغنيك ويكثر خيرك مره شكراااا وبوسه سريعه قلت م
كنك داري ان خاطري فيه وهو لبن بريال ترى
صار قبل يجي يتصل وش خاطرك فيه بعد وطالبي واشكري بكل مافيك
الرجل المرأه تبني الاهتمام أكثر من التقدير
اهتم بتفاصيلها الصغيرة وش تحب هي هات ووضح لها جبت لانه تسحبينه
اهتم بشكلها شعرها بشرتها دايم الدوم امدح تعلم انك تلاحظ فيها كل يوم شي حلو
شعرها شكلها لبسها أكلها قهوتها مزاجها ابتسامتها نظافة بيتها كلامها ردود فعلها
دبّر نفسك عاد
علم نفسك اذا كشخت بتروح لزواج مثلا قل لها تكفين قولي إنكارك
يا ارض احفظي ماعليك انتبهي لنفسك.
هذا كفيل انك تسجل نقطة
دايم الدوم كلمة انتبهي لنفسك والله يحفظك ويخليك لي هذا تطير فيها
انا اقيس على نفسي
انا كل ماجئت اطلع بالسيارة يقول انتبهي لنفسك احرصي عليها ارجعي سالمة استودعت الله
مع أني اروح لبيت اهلي اللي هو جانب بيتي في نفس الحي ولا فرق الا شارعين
ومارسي معه نفس الشعور لإجراء يطلع قولي الله يحفظك انتبه لنفسك
في مناسباته ارفعيه لفوق
لآثار معزوم لزواج وكشخ قولي أوب أوب وش هالزين والطخامه وطيبيه ودخنيه وانفثي وقولي ماشاء الله بابنتي فيك
انا اشهد أني فزت بك
لاأقل يناير يشوف نفسه علي لأنك لو عكسنا الموقف تبين إنتي المدح وماراح تشوفين نفسك
إنتي عند اهلك ارسلي وحشتني بس ان كان زوجك من النوع المطروق اللي بيجي ياخذك لاتسوينها
ودايم الدوم عليكم اثنينكم بالدعاء بالتوفيق