كلامك جميل ومايقوله الا من يقدر احتياجات البشر العاطفيه والنفسيه والجسديه
والله استغرب من شاب عمره طق 35 ماتزوج عشان فقر والا بطاله
ويجي يشكي بالمنتديات العزوبيه ذبحتني يقول
الانسان لايبالغ بطلباته واحلامه
وياما اسرار يجعلها الله باضعف خلقه
واذا البركه وجدت فكل شي يتيسر
ذكرتيني بنفس ياهمكم.. وصلت الثلاثين وماتزوجت
وفعلا شي مؤلم وبمنتهى الغباء
اي نعم هناك نواقص ومنغصات.. لكن ايضا هناك مميزات ونعم من الله
يكفي كمية العشق والحب المكبوته، واللي تتفجر
ويكفي تقدير وجود اسره وتقدير المسؤليه
ويكفي حب الاطفال والرغبه فيهم
الحياه قصيره، والاستثمار بالاولاد طويل الاجل
يحتاج من الانسان يبدأ بدري حتى يمديه يربي ويعلم ويكبر
لكن كل شي بقضاءٍ وقدر، والمكتوب لامفر منه
والزواج قسمه ونصيب، ومن حق الجميع الاختيار
لكن المبالغه قد تؤذي
تلاقين بنت بالثلاثين وجالسه تتشرط
والا شاب فقير وجالس يسوي فيها عزة نفس وماتزوج وحده تصرف علي
وغيره وغيره
سيد البشر عليه السلام تزوج خديجه وهي؛
1- امرأه سبق لها الزواج والانجاب
2- غنيه ونفعته بماله
3- اكبر منه بالسن
وكل هالامور ماكانت عوائق، بل كانت خديجه احب نساءه اليه على الاطلاق