وعليكم السلام والرحمه
وينعاد عليك الشهر وانت بصحه وسلامه
عوده حميده يابنت قصيمي العتيجه
اليوم مريت بنده واستصبت وتهولت مما رايت ماني مصدقه نفسي
فكل سنه استعيد ذكريات حلقه من حلقات طاش ماطاش تبع هالمقاضي واتذكرت كيف كنت اعتبر انها حلقه مبالغ فيها
الى ان بدات فعلا الاحظ هاللي كنت اعتبره مبالغ ياناس عربيتين وثلاث البعض ومزحومه بشكل غير طبيعي ليييييه ؟
مشتروات ماادري كيف يصرفونها وانواع القربعه فوضع الاغراض تكويم بشكل عشوائي
والغريب انه حتى الاجانب انعدوا منا ماشين على نفس رتمنا
والله الناس بعضها كانوا واقفين مو لاقين عربيات وينتظرون العمال يجيبون اللي برا المول !!
طيب الشهر اختلف والاكل بيختلف بس مو لهالدرجه
عني بالعاده مااجيب اغراض شهر ولا اتقيد بتاريخ معين اللي ينقص اجيبه بوقته وخلاص
اللي يتقيدون بمقاضي اخر كل شهر اعتقد هم اللي يسببون هالزحمه يجيبون اغراضهم المعتاده وفوقها حق رمضان
الله يبارك لنا ولكم فالشهر ويعينا وياكم على حسن الطاعه والفوز بالقبول