|
مالذي حدث لا بالقوايل عندما باع حوشه
http://www.freewebtown.com/khazbaz/k...17-1-1428-2.ra [size=5][color=darkslategray]
الحوش
قلت آه يوم ان العيال إغصبوني= والجيب بعته كارهن واجبروني [/size][/grade] [/size]قلت القصيده كانكم تذكروني= جيبي وحوشي بالملايين يسوون وامنولن عندي قراش ومظلات= فيه الشجر خضر ودايم مظلات وقت الظهر فيه النسايم عليلات= ودايم عليه الاهل والربع يلفون واليوم جيبي راح والحوش راحي= من عقب حوشي خاطري ماستراحي بعته وابي يعيال منكم سماحي= انا اشهد اني مخطين ماغصبتون يومه رغب جاري بتأجير داره= وجوا له يبونه مدرسه للوزاره وقالوا نبي هالملحق اللي جواره= وجاني وقال إلحوشكم هم يريدون قلت ابشر ابعلمن ايفرحك ياجار= انا ارخصه لو كان في غال الاسعار قال اكتبه لي بيع مابيه بآجار= قلت اكتبه ياجار باللي تقولون ومن يوم بعت الحوش زادت إهمومي= ماغير ادوِّج بالشوارع واحومي وبفراشي ارقد ثـُمِّن افطن واقومي= وفي فتحة الشباك انا صرت مفتون ماغير لم الحوش راسي يويقي= واصيح واشرق في دموعي وريقي كلمه ولا في ردها لي مطيقي= الله إيربحهم ويكتب لي العون المشكله وشلون اعلم عيالي= وإلا امهم اقناعه من المحالي إلا ايلا من صرت عنده إلحالي= لا راحوا اعيالي مع الصبح يقرون ويومن قعدنا بالصباح انتقهوا= بديت المح له ابعمدن وسهوا واضحك وانا ابغى ضحكته واتشهوا= قالت لي وش بك وش بلاك انت مجنون وابدا اتحكك واتهرش على طول= أقول له ماقول أقول ماقول ويجيني السكر وضغط و كلسترول= غير الصداع وبسفل البطن قولون قلت اسمعي يابنت انا بعت حوشي= واللي شراه اليوم جاب القروشي ولحدن يعاندني ولحدن يهوشي= افرغت صكه بسمهم قبل تدرون قالت لي وشو قلت جاك العلامي= قالت وخبطه قلت هذا الكلامي قالت لي بعته قلت راح بسلامي= بعته طمع يابنت مانيب مديون قالت وش اللي مجبرك يوم تمضيه= وراك ما شاورتنا قبل تعطيه قلت اطلبه مني وانا لازم ارضيه= اخاف لا شاورتكم به تعيون قالت تبي تحجرنا مع دبشنا= ونترك وسيع الحوش ونترك إعششنا وإيلا تكلمنا تحزِّم إخششنا= وتهاوش عيالي بعد لايويقون ولا صار بالعطله وجوني عيالي= مع الضيوف وصار فيه اجتوالي يضيق فينا البيت واعزِّتالي= تبي عيالي بالشوارع يدوجون قلت انتهينا والذي صار مكتوب= ماينفع صياحك ولا شقة الثوب مانيب لا طالب ولا نيب مطلوب= ومن يطلبن ريال انا اعطيه مليون قالت لي هذي عادتك دايم الدوم= تخطي وتلحقنا العذاريب واللوم والله لا اصفِّي لك حسابك اليوم= ونِّي لكسِّر فوق هالراس كابون وتقوم للمطبخ وانا اركض وراها= وحاول امسكها وتسرع خطاها وتصرخ وتبكي ماعرف وش وراها= وتنكس وبيده مغرفه ويد ماعون ومن يوم جتني وافهم القصد كله= وعجزت رجولي لا تعدا محله وين انت ياباب النسا من يدله= وشلون باب الحوش انا آصلك وشلون وانا اطلق الساقين الاثنين للريح= وانقز وانا لك اصدم الباب واطيح والباب مقفولن ومعها المفاتيح= وبالضربه الاولى غدن خمسة سنون ومن خوفتي منها غدا مدخل البيت= ماتقل عمري رحت مع بابه وجيت مانيب خايف تضربن مير ذليت= والله يلوم اللي إلحالي يلومون وانا انّجم يوم الولي ماهداني= والمغرفه ضربه من الراس جاني بالر اس عشرن واربعن مع اذاني= وسبعن بكتفي وإسمكم تيتشوفون واطلع على باب المقلط اطياري= وطويت انا الفرشه وطار الغباري وصدمت دولابين معهن جداري= وقبله عثرت من الطفاقه بجالون ومن يوم شفت الباب حطيت رجلي= وانقز ثمان امتار للباب عجلي هي شافتن بالحوش بان الفرج لي= قالت لي جك المغرفه بين المتون ولو مالله اذراني وطمنت راسي= صارن إعظامُه كل عظمن بساسي ويروح مخي طعمتن للبساسي= وقالوا شهيد المغرفه مات مغبون وطلعت بالشارع الملم جروحي= ماشوف من دمي ولا اسمع ولا اوحي بكتفي رضوض وكل راسي افتوحي= صعرورن براسي غدا تقل عرجون والظهر بالشارع امسح فلاقي= وبالرجل دمي واعرقي إمتلاقي والبول من تحتي غدا تقل ساقي= كلش يصب وريحتي تقل ضربون مصلعن والبس فنيله وسروال= بالشمس والرمضا وحافي بلا نعال ولا معي مفتاح ولا فيه جوال= والظهر مِذِّن والجماعه يصلون وخبري بروحي واقفن عند بابي= انفخ على جروحي وبرِّد صوابي اثري اغميت وطحت فوق الترابي= وجوا الجماعه لم الاسعاف شالون وفضوا لي الانعاش غرفه إلحالي= وحطوا بي مغذي ولا اشعر بحالي وقعدت خمس ايام واربع ليالي= ناسن اتبنجني وناسن يخيطون وفي يوم سابع تقل فتَّحت عيني= بديت اشوف النور واللي يجيني وحالي بدت في يوم ثامن تزيني= بديت اعرف اللي يجون ويروحون ومن يومها حرمت مابيع حاجه= حتى ولو هي بيضة للدجاجه ومن بيعتي هالجيب ويَّا كراجه= عقبه طلع لي قلب وآذان وعيون |
أبا القوايل
يقدم لنا صور اجتماعية جميلة يعطيك ألف عافيه يا الخاز باز على أدائك الرائع تقبل تحياتي وتقديري |
ههههههههههههههههههههههههههههههههه
واللة ان ابا القوايل مبدع ويعرف كيف يصور الاحداث بشكل اللة يكون بعونة دايم مضروب |
رابط الحفظ اللة لا يهينك
|
امرؤ القيس
الله يخلي لنا ابالقوايل واللي قاعد يتحفنا بها لدرر في وقت ضاقت فيه الصدور حياك ربي |
راعي الطالة
وما كل من طال الطويلة طويل صح الساني الرابط موجود بس شكلك ما شفته داخل المربع رحم الله احمد ياسين والخزي والعار للخونةاذناب اليهود والنصاري |
ههههههههههههههه
مسكين الله يكون بعونه بارك الله فيك |
الله يعطيك العافيه مبدعنا
|
الفارس
حياك ربي وياهلا بك |
الصاعق
حياك ربي وياهلا بك |
| الساعة الآن 11:24 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir
