|
حالي حال وتعبت من هل حال ...انصحوني
اااه ياقلبي انا قلبي محروق على حالي
عمري 20 وخطبني رجال عمره 48 واهلي شافه طيب وحنون وكريم وقالو ملكي عجبك الوضع كملتي ماعجبك افسخي الملكه ولي 6 شهور واسلوبه وتصرفاته ماتعجبني صح انه طيب وكريم كل شهر شهرين يرسل 10 او 15 الف مصروف لي وبعد الزواج يبني لي بيت عند اهلي ويكتبه بأسمي بسس انا ابغا اهتمام وحب ابغا رجال يكون زي ضلي معاي بكل حالاتي وكل الناس يتكلمون بنتك صغيره زوجتيها واحد قد ابوها وانا كررهت نفسي كل وحده زوجها مو متزوج عليها ومعاها وقريبين من اعمار بعض وافكر بعض الا انا متزوجه متزوج كبير وعنده عيال اكبر مني ومن عيوبه يكذب ويوعد ويخلف حتى مو راضي يوريني اهله ولا يعرفني عليهم لانهم من منطقه بعيده عننا بس مرتين كلمت وحده يقول انها امه انا ماصرت اصدقه احسسه يكذب كثير \ وانا الحين ابغا الطلاق وخايفه من كلمت مطلقه وانتبهو انا قلت مملكه وما شفته طول 6 شهور الا مرتين لانه موفاضي لي ومشغغول عني وخايف يواجه اناس فيني وانا طالبتكم احسبوني وحده من اخواتكم وانصحووني انا فكرت اطلق الحين احسن من يوم اطلق وانا مو بنت او يكون معاي اطفال وفي نفس الوقت انا بححاجه لزوج طيب وحنون ويكون معاي وقريب مني فالله يخليكم انصحوني ومرات افكر انو انا ماعندي الاشهادة متوسط واكره الدراسه واكثر الرجال يبغون مدرسات جامعيات اخاف اجلسس وماعاد اللقا نصيب ومحتاره وخايفه من زواجي منه سااعدوني وانصحوني عشان اخذ قراري النهائي ولو عندكم اي سؤال او استفسار عن حالي انا حاضره وشــكرا.. |
الله يخلللللليكم ردو على لو بكلمه
*_* |
انتي ونا اختك متوهقه ملكتي واصبحتي زوجته
لاكن لايكلف الله نفس الا وسعها ولاانتي مجبوره تعيشين بالدف المشاعر والرغبه من ربي الحل يالطيبه الإستخاره وادعي ربك يارب ان كنت تعلم انه سعاده لي في ديني ودنياي استمر معاه وان كان شر تبعدده عني وتعوضني خير وانتبهي تشبكين اوتعلقين مع غيره واأنتي بذمته عشان ربي ماينكبك لأن هذا يعتبر خيانه ولا توفقين === وأي اسأله اعتبريني اختك |
الله يعينك
انتي متأكده من اخلاقه ؟؟يعني ملتزم ويخاف ربه ويصلي وبعدين يااختي الاستخارة افضل شي والله يوفقك |
نصيحة صلي استخارة كثري من قراءة سورة البقرة
حبيبتي لاتقول شهادي متوسط ماحد يجي وتضيع نفسك نصيبك راح يجيك لحد بابك فلا تحزني ربنا يوفقك ويصلح حالك ويرزقك بالزوج الصالح والذرية المباركة |
شوفي النصيب عند الله والمكتوب حاصل من كلامك عن الرجل ثري ويكذب ومتزوج وفي منطقة بعيده وناوي يسكنك حول اهلك آرى التشاور مع اهلك بهدوء وإذا استخرتي عن هذا الزواج ربما يكون افضل بالتوفيق |
انت وش عليكي من كلام الناس
إذا انت راضيه هذا أهم شيء.. وترا الزواج تفاهم ومسؤليه وتضحيات من كل الطرفين مادام هو كريم معك..فاهذا طريقته بالحب.. واذا على الكذب اختي لاتكونين ملحاحه بالطلبات والتساؤلات إذا انتم لسه ملكين ولا صار فيه زواج .. يمكن مأجل هالشيء...لما بعد الدخله..والرجوع من السفر ويقدمك لأهله كزوجه..مثلك مثل الأولى إذا المساله كذا فاصبري.. أما إذا متزوجين ليه مايعرفك على أهله أنت زوجته مو غريبه.. |
حياك الله قريت كلامك اللي كتبتية وحسيت ان عندك تناقضات غريبة في وصفك لزوجك تقولين طيب وكريم وعاطفي وبعدها بشوية وفي نفس الصفحة جبتي صفات مش كويسة فية مثل الكذب مع انك ماوضحتي كذب عليك في ايش ؟ مسألة انة يخبي عنك اهلة فيمكن لانة مايبي احد يعرف حتى يتزوجك و حتى لايحصل مشاكل بينة وبين زوجتة او اهلة ويمكن يكون المتضرر الاول منها انتي . مادام انة يرسل لك مابين عشرة وخمسة عشر الف كل شهرين ومستعد لبناء بيت خاص فيك عند اهلك فالرجال شاريك ومستعد يضحي بكل شيء لاجلك . اما فارق السن وانة اكبر منك فما اعتقد انك ارتبطتي بة ووافقتي علية الا وانتي عارفة كل شيء عنة وعن تفاصل حياتة فلا تقنعي نفسك بملاحظات انتي عارفتها مسبقتا ها1 انا اتوقع ان فية ناس جالس يزن وراك ويحاول نبش بعض العيوب الغير مؤثرة حتى يكرهك في الزواج من هذا الرجل.ويأثر على قرارك حولة ويزين لك امور معاكسة لمصلحتك انتي صاحبة القرار ومن خلال سردك فمن النادر ان تجدي في هذا الزمن مواصفات متكاملة مثل ماوصفتي فيها العريس. لذلك اعيدي النظر كويس وادرسي الموضوع من كل جوانبة وتذكري ان فية بنات متزوجات من ازواج اصغر منهم وعايشين في جحيم لايطاق ولاتحكمين على بيوت زوجية بالسعادة من الشكل الخارجي فاغلب البيوت فيها مشاكل لاحصر لها ولكنها ظاهريا بين الناس كانهم عايشين في جنان الارض ها1 لا تتهوري ولا تتسرعي في القرار فالعوانس في المملكة اعدادهم مذهلة وفي تزايد في ضل عزوف الشباب عن الزواج وعدم تحمل المسئوليه لذلك استخيري ربك وفكري كويس وادرسي الوضع من جميع الجوانب لان هذا قرارك انتي وحياتك انتي وهذي حياة زوجية ابدية باذن الله . لذلك انصحك الا تستمعي من الغير ممن يشوشون الافكار ولا يريدون الخير للغير خلي قرارك بيدك وبيد من تثقين انة يريد لك الخير فقط طبعا كول الكلام الي فوق وجهة نظر خاصة حول الموضوع وما اشوفة انا انة صحيح وهو لايعني ان رأيي هو الصح :whwhwh: وفقك الله وسدد رأيك لأختيار افضل الحلول لحياتك متمنيا لك سعادة لاتنتهي :whwhwh: |
بينكم 28 سنة فرق كبييييير
ماهو سهل راج يطلع التأثير بعدين ... توك صغيرة والعمر قداامك ....بعدين انت ملكة يعني ماهو زواج فعلي توك على البر استخيري ..ماعليك من احد اللي مقتنعة فيه سويه هذه حياااتك انت .....مو حيااة غيرررك |
اختي انا ابكون اخوك الناصح لماهوا في مصلحتك
فوالله انني صادق فيما اقول وحولك ساتكلم على اساس انك اختي وادور مصلحتها ومايسعدها 1/ ابعدي عن جميع الشكوووك والضنون والمؤثرات الي حولك ( ترا الحساد واجد ) 2/ انتي عمرك عشرين وهو عمره 48 وهذا قمة الرجوله والنضج لاتخافين من فارق السن 3/ بما انك قابلتيه فحتم ستكووونين قد زالة الرهبه بينك وبينه لذالك ستعرفين شخصيته 4 / سبب العنوسه عندنا هي من كلمة خايفه ومادري انجح او افشل مع العلم ان مؤشرات النجاح ماتبين الى بعد الزواج وهي بيدك 5/ من كلامك انه كريم وماقصر معك وانتي بالملكه باذن الله سيكووون اكرم بعد الزواج 6 / لو كان كذاب ولعاب مانتظر هالفتره كان سواها خبط ولزق من دووون فرصه لاكن الرجال واثق من نفسه ومعطيك الفرصه والمده الكافيه للتفكير 7 / انتي مؤهلك متوسط صدقيني ماراح يجيك الى اقل من مستواه 8 / عليك بصلاة الاستخاره وبعدها اعقليها وتوكملي دمتي بصحة وعافيه وحياة سعيده ملاحظة / والله ثم والله ان فيه كم بنت تتمناه او تتمنى اقل منه همسة / اوخيتي اقسم بالله العظيم انني اكتب هذه الاسطر وانا لا اعرفك ولا اعرفه لاكن تكلمت من النصيحة وحب الخير للناس |
| الساعة الآن 02:37 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir