منتديات قصيمي نت - >> رحـله ألى مجهـوول !!؟>> مدعدع + بنت التمآتيك + أسيرة الذكرى + انا

الساعة : 9.30 صباحا

المكان : المطار

تحديدا : صالة الانتظار

الوضع : انتظار موعد اقلاع الطائره

أسرع : وين هو عمي مات يا مدعدع ...؟
مدعدع : بتايلند
أسرع : وراه عايش بذاك ..؟؟
مدعدع : بلآه دآشر الله يرحمه ويرحم اموات المسملين .. ترا مايجوز تذكر مساؤه قل بس محاسنه ..
أسرع : ايه صادق ..
مدعدع : البلا انه مابُه محاسن سربوت دآشر .. الله يرحمه ويرحم اموات المسلمين
أسيره : نبي الصدق وراه هو بذاك يا مدعدع .؟
مدعدع : من يوم حنا بزران وانا اخبره رايحن يدرس وبعد ما ابلشه الوالد الله يرحمه تعال ارجع نبيك تشتغل معنا انت متعلم رجع عقب 22 سنه ومعه شهادة لغه ماخذها من معهد .. (a24)
أسيره : هوو وش ذالهرج ..؟؟
مدعدع : ولا بعد طلع مزورها الملعون .. الله يرحمه ويرحم اموات المسملين
أسيره : واخزياه.. (qq167)
أسرع : ايه اخبر عمي يوم دخل علينا البيت توه واصل وعندنا الضيوف يستقبلونه كان عمي حالق شنبه وصابغ شعره اصفر ويوم قام يبوس ابوي قلت يبه وراك عازم الاتراك حقين المطعم ..؟؟ (a24)
مدعدع : الله يرحمه ويرحم اموات المسلمين ..
أسيره : طيب وراه رجع لذيك الديره ..؟
مدعدع : ابوي طرده عقب مادرا انه كان بس يدشر بذاك .. الله يرحمه ويرحم اموت المسلمين
أسيره : طيب انت وش دراك انه مات .؟ (qq22)
مدعدع : وانتم ماعندكم الا مدعدع وشو مدعدع,, كيف مدعدع ,, قلنا : الله يرحمه ويرحم اموات المسلمين (a24) أسرع : طيب علمني انا وماعليك منهن ..؟؟ (a24)
مدعدع : الي قالي عبود أبو شكه وخلاص كولوا تبن وانثبروا بذأ واسكتوا .. الله يرحمه ويرحم اموات المسلمين
أسيره : ايه ماعليك منه .. تعال نسولف يا أسرع وانا اختك (a24)
أسرع : وش نسولف فيه انتي ماعندك الا سواليف يوم نسافر للمزآرع والبرآن
أسيره : وانت ووجهك وين قد سافرت غير المزآرع.؟ ..بس تذكر يوم نسرق الدجاجه من المزرعه الي جمبنا ونقعد نضغط عليه نبيه تنزلنا بيض (zm)
أسرع : ههههههههه ايه وماتت وعيونه تدودلن من كثر الضغط عليه تقول مجآنين ههههه .. بس اوصصصص لايسمعك اخوك ذآ العله مدعدع والله ان يفرشنا بذأ .. (a24)
بنوته : يله يقولون بتقلع الطياره خلونا نركب ..
مدعدع : ايه طيب طيب لاتعلينا .. ليت اهلي نايمين من بعد ماجابوني كان افتكيت من ذالكمخ المجمعين عندي .. الله يرحمه ويرحم اموات المسملين (a24)

الساعة : 11.00 صباحا

المكان : الطائره

تحديدا : على مقاعد الطائره

الوضع : متربطين يحترون الاقلاع

أسيره : يله كلن يتمسك ترا بينطلقون ..
أسرع : هذه الطياره بدت تنطلق اويلاه والله من الوناسه الي بي .. (qq22)
بنوته : وراها ذالطيار تقل انه مسرع بزياده الله يدفع عنا البلا .. (z)
أسرع : واااوو والله انك صادقه حتى شوفي كتوفي طالعه قدام صدري متر من الضغط.. (a24)
بنوته : أي والله وش بوه ذا طايربنا ..

مدعدع : اقول كولي تبن واسكتي ماتشوفين وجهي وشلون هو متشفط وعيوني طالعه تقول عنز صوامليه من سرعت ذالحمار الي يسوق بنا.. (a24)
اسيرة : شوف براطمها كيف صايرة (z)
مدعدع : اشوف وين هو فيه .. ايه ذا الله يسلمك اخرت السيلكون .. (a24)

بنوته : ماتلاحظون هجدت الطياره ..؟؟
الكابتن : اسنام عنيكم ونحمته وبنكاته .. منحبا بكم معنا عنى متن اطائنه المتجهه بمشيئته انى تاينند في مطان بانكوك ادوني .. مدة انحنه انبع ساعات وانبع وانبعين دقيقه .. نتمنى ان تكون نحنه سعيده نكم .. وننحب بكم انا الكابتن نائد النايق ومناحين اطائنه وشكناً .. :c010:
أسيره : وش هو يقول ذا ..؟؟
أسرع : الظاهر ريحت مساعد الكابتن مخيسه عشان كذا تلقين الكابتن مسكر خشمه بيده ويحكي بالمايك .. (a24)
مدعدع : لو سمحت يا الطيب ..!!
المضيف : سم ..؟؟
مدعدع : وشبه كذا يحكي الكابتن ..؟؟
المضيف : هو كذا يتكلم عنده مشكله بالنطق .. الام والراء ينطقهم نون ..
مدعدع : اكيد احد كااويه وهو صغير .. الله يرحمه ويرحم اموات المسلمين
المضيف : كل شي جايز .. تامر شي ثاني ..؟
مدعدع : سلامتك .. الله يرحمه ويرحم اموات المسلمين

الساعة : 1.00 مساء

المكان : الطائره

تحديدا : مقاعد الطائره

الوضع : لا يزالون متربطين والطياره ترقل..

أسيره : هوو وش بها الطياره تهز كذا ..
أسرع : الظاهر ان الكابتن حاطه على الهزاز .. (a24)
أسيره : ول وش ذا لعنبوهم والله ياهي تهز بنا تقول خلاط .. (a24)
مدعدع : الله يرحمه ويرحم اموات المسلمين ..
بنوته : ورا المضيفين قاموا يرتاكضون لايصير فيه بلا وحنا ماندري .. (qq1)
الكابتن : انجاء من نكاب اطائنه ان ينبطوا احزمت امقاعد ... وشكنا
أسرع : تقل الطياره قامت تدحدر ورا .. (q104)
أسيره : وش تدحدر الطياره قاعده تنزل للارض يا ويلييييييييييييييييه الطياره تطييييييح (a28)
مدعدع : الله يرحمه ويرحم اموات المسلمين
بنوته : هوو وش ذالي يصير بنا ياربيييييييييه .. (g)
أسرع : ورا العالم كذا تصارخ .. يمه وش ذالي يصير بديت انخرش ها1
أسيره : الطياره تطيييييح بنمووووت (g)
بنوته : يمااااااااه وينك فيه ابيـك :khmas258:
أسرع : ابي الحمام .. (a24)
أسيره : يا ويليييييييييييييييييييييييييييه

الساعة : مجهول ؟؟ (صباح )

المكان : ارض مجهوله ؟؟

تحديدا : ارض شبه صحراويه بلا ملامح ..

الوضع : حطام طائره واجزاء متعبثره في كل مكان ..

أسيره : واو ياراسي راسي يماوو يماوو راسي يمه يمه راسي .. > يماوو يعني يمه بس مع حنت الالم ,, (a24)
أسيره : وين شنطتي بس ولا الباقي ماعلي امنُه ..
مدعدع : لا الله الا الله .. مابقا احد وش ذالي صارلنا ..؟؟
أسرع : اكيد الكابتن هالحمار نام وطلع عن الخط وانقلبنا .. (a24)
بنوته : وش ذا الريحه .. ماتشمون ريحه خايسه ..؟؟ (qq1)
أسرع : لا لا مانشم شي ..!!! (a24)
أسيره : أي والله وش ذالخياس ..؟؟
بنوته : تقل ريحت جاموس ميت له سنه ..
أسيره : أسرع وراك مبعد ..؟؟
أسرع : مافيني شي !!! (q104)
أسيره : عمى !! أسرع وش ذالريحه الله يخزيك ..؟؟ (a14)
أسرع : انا قايلكم ابي الحمام قبل ماتطيح الطياره وش اسويلكم .. (qq22)
مدعدع : اقول ورا ماتتلطمون بتبن وتمشون نبي نلقى حل لهالبلا الي حنا به ...
أسرع : انتم توحون ..؟؟ فيه صوت جاي من هناك ..؟؟
أسيره : اقول لاتصرف تبينا ننسى ريحتك يا الخايس ..
أسرع : ورا ماتتلايطين .. مآني بأمزح ماتوحين انتي ..؟؟
أسيره : الا وهو صادق بوه صوت مناك ..؟؟
مدعدع : خل نروح نشوف يمكنه احد باقي حي ..
أسيره : انا بروح ادور شنطتي ..
بنوته : هوو من هو ذا ..؟؟
مدعدع: انت من انت ..؟؟
الرجال : انا نائد النايق ..أسرع : ايه ذا الكابتن الكربه .. (a24)
مدعدع : وش الي صار بنا ..؟؟
الكابتن : صانوووووخ ضنبنا. . وبعدين طاحت الطيانه على الانض ..
أسرع : اتحداك تقول غرغرينا ..(a14)
مدعدع : اقول اللفقه .. وش نسوي برايك يا كابتن .. معن شكلك يقول انك حمار بس ان شالله يجي منك شي ..
الكابتن : اول عنموني انتم من وين ..؟؟
بنوته : من القصيم ..
أسرع : لا .. اصص انتي .. حنا من عرعر ..(a24)
بنوته : وشو ..؟؟ وش تقول انت ..؟؟
أسرع : اصص .. تحت الحصاة الرقطا ..
الكابتن : عن عن ..!!؟؟ (q69)
أسرع : هههههههههههههه عن عن هذا طلع شكمان موب ديره هههههههههه (a24)
مدعدع : اقول يا كابتن القربعانه تلايط بس واللفقه ماوراك الا الضيعه انت ووجهك ..
أسيره : ابشركم لقيت شنطتي ..
صالح : وشبها زود عشان تهتمين فيها ..
أسيره : ايه بلاك ماتدري يا الهيس .. هذي بوه وقود الحياة ..
أسرع : افاا صرتي تشفطين بانزين يا أسيروه وحنا ماندري ..!! (a24)
أسيره : هذا والله الي بيخليني اخذ شماغ مدعدع وافره واقعد اللسعك لين تتوب ..
أسرع : لا بس كلش ولا التلسيع الشماغ يغدي سوط بيدك ..
مدعدع : اقول خلونا نمشي عسانا نلقى احد يعلمنا وش نسوي ولانشوفلنا دبره ..
أسيره : يماااااااااااااه وشو ذا ..؟؟ انت وش تبي ..
الرجال : كل واحد يطلع الي بجيبه واي شي معاكم هاتوه يله ..
مدعدع : والله مامعي شي وازينلك لاتقرب ..
الحرامي : اقول اخلص هات الي معك
أسرع : والله انت الي لو معك حفاظه عطنا .. يمكن اغطي ولو شوي من البلاوي الي سويتها ..(qq22)
بنوته : يمااااااه .. الطياره طاحت بنا وبغينا نموت همن يجينا حرامي والله اني مقروووده .. (qq11)
مدعدع : حسبي الله عليك ياعمي ..
الحرامي : اخلصوا علي هاتوا الي معكم ..

الساعة : مجهول ؟؟ ( مساء )

المكان : ارض مجهوله ؟؟

تحديدا : ارض شبه صحراويه بلا ملامح ..

الوضع : ماشين بوسط صحرا وتوهم مسروقين حتى الجوازات انسرقت .. وأسيره أعطت الحرامي كل ذهبه بس يترك لها الشنطه ..

أسيره : وه بس تعبنا خلونا نرتاح شوي ..
أسرع : أي والله صادقه اختي ..
مدعدع: اقعدوا بذأ .. ننام الليله بذأ وباكر يحلها الف حلال ..
أسرع : اقول يا أسيره ودي بس اعرف وش سالفتك انتي وذالشنطه وبعدين وراه الحرامي يوم فتح تركها لك ومشى ..؟؟
أسيره : انا عطيته كل ذهبي والي بوه مايهمه ولا يعرف قيمته ..
بنوته : اشوف ورينا وش بوه ..
أسيره : هاه ناظروا ..
أسرع : كراث ..!! وصاجتنا وقود الحياة واخرتها كراث .. اجل هذا وقودك يا العنز ... (a24)
أسيره : اقول تلطم بتبن واللفقه وعشان حكيـك مهناش اكل معنا ..!!
أسرع : لا خلاص اتوب .. (qq22)
أسيره : أيه وين الليمون نغمس وحنا ناكل ..
بنوته : امحشيه بوجه اخوك مدعدع احمض من الليمون هو ونفسه الخايسه ذي .. (a24)
مدعدع : اقول يله ناموا انتم هنا يابنات وحنا بنروح هناك ننام ..
أسيره : وين بتقعدون ..؟
مدعدع : هناك محنا مبعدين بس نبيكم تنامون براحتكم ..
أسرع : يله مشينا ..
أسيره : اخلص هالرزمتين وانام ..
أسرع : تصبحون على خير ..
أسيره : خخخخخخخخخخخخبشششششششش
بنوته : خخخخخخخخخخبشششششششش
مدعدع : خخخخخخخخخخخبشششش .. حسبي الله عليك يا عمي .. خخخخخخبشششش
أسرع : واااااااو مدعدع مدعدع ناظر ناظر فيه ذيـب جاي يم خواتي ..
مدعدع : وين هو فيه..؟؟
أسرع : بذاك شووفه ..
مدعدع : ايه ليته ياكلهن ونخلص وعقبهم يحلي عليك ونفتك .. (a24)
أسرع : ناظر قاعد يشمشمهم .. وش عنده لا يكون مضيع شي واحد خواتي سارقينه .؟ .. انا خابرهن انواع الحرمنه .. (zm)
مدعدع : صدق انك ثور .. هو يدور اذا معهن فلوس ولا شي .. (a24)
أسرع : ناظر للحين يشمشم .. شف قاعد يشم أثم أسيره .. هاه شف الذيب طاح .. وش جاه ..؟؟
مدعدع : مدري ..
أسرع : اكيد صرعته ريحة أثم أسيره عقب الكراث .. (a24)
مدعدع : اجل جابت اجله ..
أسرع : شف قام الذيب ..!! ناظر وشلون يتطروح .. هههههه اكيد بيرجع لبيته وبيفرشه ابوه يحسبه سكران مايدري انه شام أثم أسيره ههههههههه (a24)
مدعدع : ايه اقول نم بس ..

الساعة : مجهول ؟؟ ( صباح )

المكان : ارض مجهوله ؟؟

تحديدا : صحراء بلا ملامح ..

الوضع : توهم صاحين من النوم وكشت بنوته طالعه وأسيره تتثاوب وتحك راسه وكل مامرت ذبانه من عند اثمه طاحت بالارض ميته ..

أسيره : يلآ تعالوا نفطر ..
أسرع : وانتي الى هالحين تعلفين بذا الكراث يا العنز ..
بنوته : ليه ناوي تفطرنا بمفطح انت ووجهك ..؟؟
مدعدع: .. يالله صباح خير
أسرع : تعالوا شوفو وش فيه هناك ..
بنوته : وشو ورناا ..
أسرع : نآظري بذاك .. تشوفين ذاك المبنى الكبير ..؟؟
أسيره : أي والله وشو ذا ..؟؟
بنوته : خلونا نروح لمهم يمكن يساعدونا ..
مدعدع : اقول يله مشينا ..

الساعة : مجهول ؟؟ ( صباح )
المكان : قلعه كبيره وسط الصحراء
تحديدا : امام بوابة القلعه

الوضع : يدورون الجرس ..

مدعدع : يا اهل البيت .. ما فيه احد بذأ ..؟؟
أسرع : الا احد به ... بس نيآم..
مدعدع : ورا ماتلايط لا اقطع العقال على ظهرك .. (qq11)
أسرع: وراه ظهري طاولة مطبخ وعقالك الدجاج يومنك تبي تقطعه بظهري .. (a24)
مدعدع : اقول اسكت لا العن سنسفيلك بذأ ..
أسيره : خلاص تعالوا هذاي فتحت الباب .. هم تاركينه مفتوح
بنوته : في رجال جاينا تغطي يا أسيره .. (qq22)
مدعدع : السلام عليكم ..

الرجل : اهلن بكم ..

مدعدع : هو بيته من ذا ..؟؟

الرجل : هذه كنيسة البابا جوزيف الثاني ..

أسرع : وراه عاد الثاني مالقا احد يغششه بالاختبارات وماجاب الاول .. (a24)

أسيره : هوو كنيسه ..!!

بنوته : هييي مابقى الا ذي اخرتها كنايس .. محنا بداخلين ..

مدعدع : اقول كولوا تبن لايسمعكم الرجال .. ان درى اننا مسملين والله ان يذبحنا .. حنا بنموت من التعب والعطش .. بس ناخذ الي نبي ونتركهم ..

اسرع : أي والله وهو صادق مدعدع ..

مدعدع : بنسوي انفسنا منهم ..

اسرع : ايه ماعليك ازهله ..

الرجل : انا ادعى الاب جون .. ومن انتم ..؟؟

أسرع : هذا البابا مدعدع وذي الاخت أسيره والاخت بنوته وانا ابوك أسرع .. (a14)

مدعدع : لعنبوك وش ذالنكبه الي جدعتناا بها ..؟؟

أسرع : يا ابن الحلال تتسهل انشالله ولا انهم يذبحونا ..

مدعدع : الا ماقلتلي ياجون وش اقرب مدينه لمكم ..؟؟

جون : تبعد مايقارب اربع مائة كيلو وهي قرية صغيره ..

مدعدع : نبي مدينه .. نبي شي يوصلنا لاهلنا ..

جون : اقرب المدن تبعد الفين متر وهي في حدود الدوله المجاوره ..

اسيره : وين حنا فيه ..؟؟ وش ذالديره ..

جون : نحن في منطقة حدوديه بين دولتين ..

أسرع : وشو ..!! منطقه حدوديه ..!! يعني مانقدر نطلع لامنا ولامنا ..

جون : نعم لاتستطيع .. ومالذي تريده من الدول المجاوره .. انت هنا في كنيسة البابا جوزيف الثاني .. وهو افضل مكانٍ للقيام بصلاوتك وعباداتك .. وتكريس روحك لتعبد ..

أسرع : أي والله وبعد كل هالهرج سيده على جهنم .. :c010:

The End