ياما حلا ياعبيد في وقـت الاسفـار=جذب الفراش وشبّ ضـوّ المنـارة
مع دلة(ن) تجذا على واهـج النـار=ونجر إلـى حـرّك تزايـد عبـاره
في ربعة(ن) ماهيب تحجب عن الجار=لا منّ خطو اللاش مـا شـبّ نـاره
النجـر دقّ وجاوبـه كـل مــرّار=مالفـه الملفـوف مـن دون جـاره
وأخير منها ركعتيـن(ن) بالاسحـار=لاطاب نـوم اللـي حياتـه خسـاره
تلقاه في يوم(ن) يضيعن(ن) الافكـار=يوم(ن)على المخلوق مااطول نهـاره
وقم في قصير البيت حشمه ومقـدار=لو جار فادمح له ولـو بـه خسـاره
ترى النبي وصّى على الجار لو جار=خذ الحـذر ياعبيـد عقـب النـذاره
رافق قويّ الديـن حفّـاظ الاسـرار=ينفعك في يوم(ن) يجي بـه كـراره
ترى الهوى والغيّ هن شرّ الاشـرار=ومن داس عار الناس داسـوا لعـاره
جنـب رديّ الكـار مافيـه تعـبـار=مافيـه مـن فعـل المناعيـر شـاره
جنب عنه خلـه لقصّـاف الاعمـار=واحفـظ وصتاتـي يارفيـع المنـاره
واسلم ودم بالخير يـا طيـر غيمـار=وصلوا على المختار ما غار غـاره