صار لي فترة وإنا أقرا في هذا المنتدى الشامل والرائع و أول مرة اكتب عن معاناتي السابقة اللي أنكتب لها الحل بفضل الله وبالتالي قررت أشارككم همومكم وحبيت تستفيدون من قصتي أن بعد كل صبر فرج من الحي القيوم مع العمل بالأسباب ....
إنا صارلي 14سنة متزوجة ما استعملت موانع بالمرة في بداية الأمر بدأت الدورة تأتي بالألم كبيرة بعدين بدأت تجي بأوقات مختلفة ..ومانكتب لي الحمل ..إلا بعد 10 سنوات..طبعاً ماخليت ولا شئ إلا و استخدمته من وصفات الحريم....
وأكلت كل أنواع الإعشاب... أروح لكل حرمة يمدحونها الناس..وهذي تأخذ مني والثانية ومبالغ كبيرة وياليتها تفيدني بشي ..وبعد 6 سنوات من زواجي طبعا بعد ذهابنا إنا وزجي لكل دكتور يمدحونه .... أو مستشفى يثنون عليه ... داخل السعودية وخارجها ... وماكتب ربي شي ...كل مرة تكون نتيجة الفحوصات سليمة بس ماأدري ليش مايصير الحمل وهذا نتيجة فحوصاتي :
FHS 5.3
THS 3.9
Prolactin 13.7
LH 3.4
و فحوصات زوجي:
Sperm concentration 40
Total sperm count 120
Motile sperms 50
Total motile sperms 60
Normal morphology 20
Abnormal morphology 80

و كان كل دكتور يعين لي أيام التبويض و لم يحصل حمل ثم الشهور اللي بعدها يحددون لي أيام التبويض مع دواء اكلوميد وبعض الأحيان اخذ الإبر وافحص في يوم 21 وتكون نتيجة هرمون بروجستيرون25 و لم يحصل حمل ..
بعد ذلك قررت الصبر وعدم المتابعة لأن الكل أجمع أنه بعد سنوات يحصل الحمل لكن لم يحصل حمل ....؟؟

يقولون كل شيء طبيعي و أنا مؤمنة أن كل شيء بيد الله عزوجل لكن كنت أتضايق من نظرات الناس وأسئلة الاقارب ...
ولكن الأمل بالله كبير .. ومع البحث بالاسباب التي سخرها ربي لنا ...

بعدها ذهبت عند استشاري دلتني عليه وحدة من الصديقات وقرات بمنتديات مختلفة عنه كثير يمدحونه .. مع إني بوقتها كنت جدا يائسة لكن قلت أجرب ماتضرني التجربة شي ...
رحت إنا وزوجي للا ستشاري وطلب منا عمل تحاليل وفحوصات وسويناها وطلعت قريبة من النتيجة السابقة بفارق بسيط ماعدا تحليل أشكال الحيوانات المنوية كانت نتيجته مختلفة عن السابق ... قال لنا الدكتور ..عند زوجي تشوهات في إشكال الحيوانات .... واستغربنا كثير لأن في الغالب يكون التشخيص لزوجي دوالي في الخصيتين ... والحمدلله كانت نتيجتي سليمة ....لكن المانع الرئيسي للحمل هو تشوهات الحيوانات المنوية لزوجك ولايوجد لديه دوالي ..وفيه حل واحد اقترحه عليكم ..
اقترح علينا الدكتور اننا نعمل طفل أنابيب عن طريق التلقيح المجهري ماأدري بالبداية استنكرت الطريقة وماأعرفها وشرح لنا الدكتور الطريقة بصراحة خفت كثير بس ماشاء الله عليه ريحني شوي بالشرح حقه ورجعت للبيت وانا مترددة وزوجي يقول جربنا كل الطرق وماكتب ربي شي يمكن هذا هو الحل اللي ربي سخره لنا خلينا نبدأ فيه .. اتصلت على الشيخ وسألته عن حكم طفل الأنابيب وقال لي حلال لكن يفضل الدكتور الثقة ويكون له خبرة في مهنته وارتحت أكثر لأن هذا الاستشاري ماشاء الله عليه ممتاز بشهادة بعض المريضات اللي عالجوا عنده .. وبعدها استخرت كم مرة وقرأت في هذا المنتدى عن تجارب بعض الأخوات حسيت إن هذا علاج استفاد منه كثير من الناس ..توكلنا على الله وبدأنا العلاج .

لازم نبدأ العلاج أول يوم من الدورة الشهرية وانتظرت حتى جاءتني الدورة واتصلت على الدكتور وسويت أشعة للمبايض والرحم وكانت النتيجة سليمة عطاني أبر منشطة للمبايض لمدة أسبوع بعدها راجعت الدكتور عشان نتأكد إن كل شي سليم وصرت احضر للعيادة بين فترة وأخرى للمتابعة ثم أخذت الإبرة التفجيرية وكنت خايفة منها بس الحمدلله عدت على خير طبعا طلب الدكتور سائل من زوجي وأحضرناها وقت تجميع البويضات وكان فيه الم بسيط وبعدها ب3 أيام سوى لي الدكتور ترجيع الأجنة ... وكنت طول الوقت ادعي ربي انه يكتب لي الخير وطلب مني الدكتور الامتناع عن الجماع مدة 14 يوم ... وإجراء تحليل بعد 14 يوم .
بعد 12 يوم ماصبرت قلت للي زوجي باعمل تحليل... قال لي اصبري أنتي متسرعة دائم ...زعلت ..وقال لي يالله نروح والله يعينني المهم عملت ..عند المستوصف اللي جنب بيتي و كان بصراحة إي كلام إنا ماثق فيهم..قالت لي الممرضه مبروك أنتي حامل ماصدقتها..قلت لزوجي ودي أروح لمكان مضمون .قال يالله مشينا لنفس الدكتور ورحنا وإحنا مو مصدقين..وفعلا طلعت حامل على طول تصدقنا بالي نقدر عليه..والحمدلله الحمدلله الحمدلله ..
واستمرت متابعة الحمل وإنا مو مصدقة حتى شفت المولود والحمدلله ...
وبعد سنتين جبت مولودي الثاني عن طريق طفل الأنابيب وكانت تقريبا نفس الطريقة الأولى بعد محاولتين مانجحت والمحاولة الثالثة نجحت وحملت ..
والحمدلله أولادي موجودين بجانبي ومبسوطة معهم بعد معاناة 10 سنوات ...
والشكر لله ثم للدكتور اللي يسير ربي عن طريقه العلاج ولصديقتي التي دلتني عليه