منتديات قصيمي نت - ( .. السكون اللي سبق يالعاصفة ..)

منتديات قصيمي نت (http://www.qassimy.com/vb/index.php)

- خـيـمـة الشعر والموروث الشعبي (http://www.qassimy.com/vb/forumdisplay.php?f=12)

- - ( .. السكون اللي سبق يالعاصفة ..) (http://www.qassimy.com/vb/showthread.php?t=638777)

( .. السكون اللي سبق يالعاصفة ..)

بسم الله الرحمن الرحيم .

السلام عليكم ورحمة الله

ومساء الخير للجميع .بعد طول غياب قلت .

يامنـقـي في الرطب يا خـارفه .. اطـرد ..الطيـر.. المـهـيـض ..لالفا

اتصــــدد عـن مشــاعـر جـارفة .. وناح قمري .. في نخلكم واختفا

اختـفـى وسـط النخيـل الوارفة ..المهـيـض ليـت .. لو لحـظـة غفا

واستــوى للقـاف شـاعر صارفه ..صارفه صـرف السبايك واحتفا

احتـــفـا بأبـيـــات جــت متحـالفة ..من مشاعر صدق ماعنكم خفا

والسكون اللي سبق يالعاصفة .. دمــر الحـب.. المعـتـق.. وانكفا

والصــقــيــع اللي تكـون عـارفه .. جـمـد .الاشواق في دم الصفا

ويـن رحـتـي ياصـدوق العـاطفة ..قلبـي.. قلبي.. بالمـواجع اكتفا

ويـن .. ياروحٍ.. مـعـي.. متـوالفة ..ليه .رحتي في غياهيب الجفا

يـوم .. كنـتـي بالمحــيا شـارفة ..الله اكبر.. كيـف .تعطـيـن القفا

ياضـلوعٍ.. بالصــدر .. متــخـالفة ..اندهي بأسمـه..وقولي له افا

ليـه.. كنك.. في عذابـي حالفة ..وليه جمر. الشـوق يالطربة طفا

دمعتي .. بالعـين حارت واقـفة .. ماحـفـظـها غيـر مـرجـي الوفا

روح.. وحدة .. بيننا مـتناصفة .. وان تلاقن ..اتـحـد سـر الشفا

علها صدفـة .. تجي لـو طارفة .. واستـلـذ النـوم ..ياحضن الدفا

للاستماع وتحميل الملف هنا

وسلامتكم ..(a13)

حجز المقعد الاول

للتحميل وللاستمتاع بالسكون

لي عودة

وانت سالم وغانم

اهلا وسهلا ومرحبا وحي الله الاخ الغالي والصديق العزيز الحبيب الوفي كاتم الونه

حضورك وعودتك شي كبير وكثير وكريم فكيف وانت تحمل لنا هذة الجزله الفريدة

بحق اثلجت صدورنا ياكاتم بهذة المنقية الجزله والمطعمة بالجواهر والاحجار الكريمة

صح كلك ياكاتم الونه حتى ترضى

تقبل تحياتي وتقديري وامتناني ودي

اقتباس:

المشاركة الأصلية كتبت بواسطة شريف الشمال (المشاركة 11004096)

الله يسلمك من كل شر يالغالي . ابوفايز

الله يبقيك ويحفظك يالحبيب

صح بدنك ولاهنت والجزالة والابداع والاصالة عندك دائما

الله يثلج صدرك بكل ماتتمناه مشرفنا الكبير

لاهنت ولاهان غاليك

وافر المحبة والغلاااااا

اخووووووك

أنت !!

هلا والله يامرحبا مليون بك ياخوي ، عودتك أسعدتنا والله
.
.
روح.. وحدة .. بيننا مـتناصفة
وان تلاقن ..اتـحـد سـر الشفا

علها صدفـة .. تجي لـو طارفة
واستـلـذ النـوم ..ياحضن الدفا

الله الله عليك .. مااكتفيت عزالله ، لكنك أطربتنا بحق
صح لسانك على هالجزلة شاعرنا
لاعدمناك ..

صح لسانك وعلا شانك
ياصديقي يا أجمل شاعر

كالعادة قاف جزل وأبيات
قوية كما عهدناك من سنين
لم تتغير ابداً
أشمر اللحظة اللي جمعتنا معك هنا

اقتباس:

المشاركة الأصلية كتبت بواسطة شــتآت (المشاركة 11008538)

نعم انا .. وزادنا شرف مرورك الكريم . شاعرتنا الكبيرة

شــتآت

المرحب باقي . والله يجعلك سعيدة دائما

وزادك طربا بالسعادة والهناء

صح بدنك والله يرفع قدرك ويحفظك

والجزالة منكم وفيكم

لاهنتِ ولاهان غاليك اخيتي

وياهلااااااااااااااا

روح.. وحدة .. بيننا مـتناصفة
وان تلاقن ..اتـحـد سـر الشفا

علها صدفـة .. تجي لـو طارفة
واستـلـذ النـوم ..ياحضن الدفا

الله الله عليك .. مااكتفيت عزالله ، لكنك أطربتنا بحق
صح لسانك على هالجزلة شاعرنا
لاعدمناك ..