|
لقيت بالعتبان خمسه عذاريب
قصه وقصيده ومناسبتها هي كـــان الـجـنـدي ثــامـر بـــن فــلاح بن شامان الـشـمري فــي دوره عـسـكريه مـسـؤولـهـا الــمـقـدم تـراحـيب بن سويلم الـعـتـيبي . وقد تعرض الجندي ثامر لإطــلاق نــار غـيـر مـقـصود ومـكـث عــدة ايــام فــي الـمـستشفى. وعــاد بـعـد ان تـمـت دورة زمـلائـه وتـمـكن مــن الـتـخرج مـعـهم فأرسل والده فـــلاح بـــن شـامـان الـشـمري هــذه الـقـصيده: سـلام منـي للمقـدم تراحـيـب اعداد ما خط القلـم بيـد كتٌـاب وعداد ما غنوا هل الفطر الشيـب بأرضٍ خليه ما بها غير الاعشاب وأعداد ما ذعذع نسيـم الهباهيـب وأعداد ما سجيت رجلي للاقـراب ما هي غريبه منك يا كاسب الطيب حلياك من نجـمٍ تبيـن ولاغـاب شريف ما يدخل على ساسك العيب من يفعل الحسنا بالاجواد ما خاب لقيت بالعتبـان خمسـة عذاريـب الطيب والنخوه وتقديـر الاجنـاب دون الخوي يا طون حر اللواهيب وان حدت الدنيا يفكون الانشـاب فـــرد عـلـيـه: تـراحـيب بـــن سـويـلم الـعـتيبي قـائـلاً: حي الكتاب اللي من الشمٌري جيب اقولها بالصـدق مانـي بكـذاب يا مرحبا عد النجـوم المراقيـب ترحيب مشتاقٍ ليا شاف الاحبـاب بكتاب ابن شامان رجل المواجيب فيه الجواهر بين صايغ وحسـاب بنيت له بأقصى ضميري دواليـب هذا الرصيد اللي كنزته وراء الباب من شأن ثامر يرخصن المطاليـب خوينا الطيب له الحـق غصـاب خوينا ننصاب مثلـه ليـا صيـب نمرض معه ونطيب مثله ليا طاب يا عل ما يفتق على مثله الجيـب والله يجيره من صواديف الاسباب |
الطيب لانزرع في أرضه ينبت بطيب
مليون نعم وعزالله ياكثر عيوب هالقبيلة ولاعلى الشمري زود شكرا يا ميكانيكي |
حيالله ميكانيكي
تسلم يمينك على هالمشاركه الرائعه ونورتنا بتواجدك معنا في القسم في انتظار جديدك القادم |
يازين فعل الطيب
بيض الله وجهك ميكانيكي |
مشكور وبيض الله وجهك |
اقتباس:
الطيب فاهل الطيب يثمر .شرواك وشروى من يقرأ الرد ونعم بحااااالك بيض الله وجهك العفو ياشريف الشمال |
اقتباس:
ويمينك على الرد المنتدى منور بالي فيه وانا اخوووك مشكورة على الرد |
اقتباس:
يستاهلون الطيب شمر العاصي ووجهك يالغامض |
اقتباس:
العفو ووجهـــــــــــــك |
والله والنعم بعتيبة وشمر
قصة توضح مقدار تقدير الرجال للمواقف مودتي ,,, |
| الساعة الآن 06:21 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir