|
عمر السنين🔮🔮🔮
السلام عليكم..
كيف حالكم ياأعضاء قصيمي الأعزاء.. قبل فترة كنت بقروب مهتم بتطوير الذات جات رسالة عن قرب دخول 2019 ومع السوالف جات رسائل عن ذكريات زمان.. وكانت لحظات جميلة وذكريات حلوه ولاتسأل عن مشاعر الحنين.. شوي شوي..ويتشعب الحديث عن تراكمات بعض الأمور. مثل بعض الكتيبات.. وأناشيد زمان وكيف إنها أثرت فينا ياجيل السبعينات والثمانينيات.. مثل كتيبات احذري التلفون يافتاة الإسلام.. وكيف كان التخويف والتحذير وكيف سبب لهم تراكمات نفسيه وتركت أثر في نفوسهم خصوصا البنات.. لدرجة بعضهن تقول أصبحنا نرى الشباب ذئاب ووحوش مفترسه وكائنات سيئه بغيضه.. كله من هالمواعظ والتحذيرات !! جاك الذيب وجاك الموت هذا غير الكفن والعقاب.. بعضهن تقول ماتنام الليل خوفا من القبر والعذاب.. ماكأن الله أنزل رحمة.. كل شيء تخويف..تخويف بصراحة ماحسيت بأي شيء من هالقبيل.. مدري أنا ماكو إحساس وضمير:876564: والا هم. كل شيء يخوفهم؟ سؤال.. أنتم هل تشعرون بالغضب..وهل تحملون تلك الطرق تعبكم النفسي؟ وهل فعلا هم سبب تعب وأمراض جيلنا؟ |
رد: عمر السنين🔮🔮🔮
التسلط والمنع أفضل من التعري والأختلاط ومساواة المرأة بالرجل
يشهد الله أني ما أقدر أناظر بعين موظفة الاستقبال في أي مكان أستحي وبعض البنات اليوم صارن رجال بس متلطم |
رد: عمر السنين🔮🔮🔮
بالعكس الخوف احسن من السبهللا
قلب المؤمن معلق بين الرجاء والخوف والدعوة تكون بالترغيب والترهيب اما اذا كان كل شي ترهيب ترهيب هذا مازين الله لاتضره معصية ولا تنفعه طاعه لكن عنده جنه ونار الجنه لمن أطاعه والنار لمن عصاه |
رد: عمر السنين🔮🔮🔮
ومن قالك ان الرجل ماهو ذيب ؟
والله الذيب احيانا يرحمك والرجل ما يرحمك لان المقصود من المواد التحذيرية في تلك المرحلة ، والتي كانت تحذر من الرجل المقصود منها الرجل الغير محرم لك ، وكانوا يحذرون من التليفون لانه الوسيلة الوحيدة لاصطياد الفتيات .. والان تعددت الوسائل وتنوعت واصبح الوضع بالعكس ، البنات هم الي يغازلون والمفروض كل وحده تحذر من الرجل اكثر من حذرها من الموت ولا تستثني اي رجل ، لو كان يعلمك القرآن |
رد: عمر السنين🔮🔮🔮
......
حذفت الرد مالي ومال الجمس الاسمر |
رد: عمر السنين🔮🔮🔮
ماعشت الزمن هذاك صراحة
بس احيان تقع عيني ع كتيبات معينه انا اكثر شي يعجبني غلاف الكتاب او الكتيب ادخل معاه جوو مثل لما يتكلم عن الجنة او البرزخ او اشياء غيبية بشكل عام اجلس اتخيل .... ليومك هذا استمتع بالرسومات هذيك لدرجة انها اصبحت مثل الماضي الحلو انت اعتقد انك تتحدثي عن زمن الصحوة زمن الصحوة كان وقتها الاجيال هذيك تحب الحريم مثل الزمن هذا لكن الرغبة في الوصول كانت تبيها تكون بطرق مشروعة بنات الجيل هذا مايبون الاسلوب هذا يبون حب وغزل ينتهي بزواج مو الكل طبعا ولكن هذا اللي جالسين نشعر به انا لو كنت اعرف ان الرجال صادقين كان ايدتهم ووقفت معاهم ولكن الرجل جاي من ثقافة ماترضا بهذا الشي وان طاوعها في بداية العلاقة للشهوة اللي متملكته فوقتها الا انه غالبا يبي يصحى ضميره الذكوري ويرجع لمذهب اسلافه لسه الرجل ما تطور للمرحلة اللي وصلت لها المراة ولكن انا اتوقع ان تمكين المراة بيسرع من الوصول لنقطة التلاقي المقصودة انا هنا مجرد قارئ للمستقبل فقط . |
رد: عمر السنين🔮🔮🔮
طبعا اي تغيير يكون له ضحايا كثر ونحن الان نعيش هذي المرحلة
في قادم الايام لو استمر الوضع ع هذي الوتيرة بتشوف اشياء كنت تعتبرها جريمة بتشوفها شي عادي ممكن ماتتقبلها لنفسك ولكن تبي تتعايش معها بشكل طبيعي التغيير قادم لامحالة طبيعية الحياة كذا ولا من يبي يجون الغرباء ! |
رد: عمر السنين🔮🔮🔮
ومن نافلة القول اللي احب اني اعلق عليها ان مو كل تغيير سيء
بالعكس فيه اشياء ضروري تتغير ( لاحد يسالني وشهي لان العقل مايستحضر منها اي شي هلاء )< هلاء هذي بتخلي البعض يفكر اني شامي (علوي )مندس(q39) الحرمه اسوء شي انك تتعامل معاها بانها كائن بلا عقل وهم في الحقيقة الان تحسهم كذا:SmileyBunny: |
رد: عمر السنين🔮🔮🔮
مقدمآت الشريط صرآخ وطلق نآري (qq166) http://www.qassimy.com/vb/images/mis...t-top-left.gifاقتباس:http://www.qassimy.com/vb/images/mis...-top-right.gifhttp://www.qassimy.com/vb/images/mis...p-right-10.gif .. لدرجة بعضهن تقول أصبحنا نرى الشباب ذئاب ووحوش مفترسه وكائنات سيئه بغيضه.. كله من هالمواعظ والتحذيرات !! جاك الذيب وجاك الموت هذا غير الكفن والعقاب.. بعضهن تقول ماتنام الليل خوفا من القبر والعذاب.. http://www.qassimy.com/vb/images/mis...t-bot-left.gifhttp://www.qassimy.com/vb/images/mis...-bot-right.gif صح مع إنه الطبيعه والفطره إننآ نميل لبعضنآ ونحب بعضنآ خلونآ نشوف الذكر مجرد كلب مسعور مآعنده قيم وأخلآق تمنعه (qq122) وممكن تكون المرأه كمآن مفترسه مو بس هـ الذكر إللي صوروه ذيب المهم كثرة الكبت والمحآذير سيئه ويقآبلهآ التسيب والإهمآل الإعتدآل ب الحيآه في كل أمورنآ جمييييل لآإفرآط ولآتفريط وكل م أتذكر بعض الأكآذيب وقتهآ عن ثعبآن القبر وعن مدري وش وش وش وكمية الرعب إللي بثوهآ في نفوسنآ وقتهآ أحرمونآ حيآتنآ الطبيعيه إللي نعيشهآ ع الفطره(q30) كآنوآ يقدرون يحذرون ويبشرون بطرق وأسآليب طيبه وأكثر صدق من هذيك التهآويل وصوري إللي أحرقتهآ :khmas258: مرآحل عمري قبل الزوآج شيء مقهوره عليه .. |
رد: عمر السنين🔮🔮🔮
اقتباس:
الكلام هذاك كان يوافق زمنه والدليل ان اغلب الناس كانت متعايشة معه وراضيه به الان الوضع تغير صح خطا المهم انه تغير حكاية ان الرجال كلاب هم ف الحقيفة ذئاب مفترسة خلينا نخفف الوصف شوي(wtg) طبعا مو الكل فيه من يحترم عقد الشراكة اللي بينه وببين زوجته وانه مايفكر يخل به مع اي وحده صراحه الحريم فتنه واستغرب من اللي مايفتنن منهن بستثناء الاربعينات وانت طالع هذوله بين انهن اخوات وبين انهم بمثابة شباب فرحلة ههه اغلبنا فيه نزعة الذئب هذا شي طبيعي المهم انه يكون ذئب مستانس ماياكل الا مايوضع له في داخل قفصه😋 |
| الساعة الآن 04:39 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir