منتديات قصيمي نت

منتديات قصيمي نت (http://www.qassimy.com/vb/index.php)
-   الأمراض النفسية والمشاكل الزوجية (http://www.qassimy.com/vb/forumdisplay.php?f=23)
-   -   مساعدة بمعالج شعبي في الرياض (http://www.qassimy.com/vb/showthread.php?t=335810)

راسي يوجعني 09-04-10 02:28 PM

مساعدة بمعالج شعبي في الرياض
 
بسم الله الرحمن الرحيم
السلام عليكم ورحمة الله

يااخواني احتاج لمعالج شعبي او معالجة شعبية في الرياض تسوي لي صبخة للراس لاني اعتقد ان عندي فتحة بالراس تسبب لي تعب ووساوس وحزن ودورت قالو لي ام ناصر في احد قرى القصيم اسمها الذيبيه وضربت لها مشوار وقالو مافيه الا بد الفجر وام سعود في الخرج ممتازه بس اخاف اروح لها ويطلع ماتعالج رجال او لها وقت محدد ايضا المسافه مهيب قريبه
اللي يعرف بالرياض يساعدني الله بجزاه كل خير
وهل اللي موجودات بسوق حجاب معروفات بالطب لاني سمعت ان فيه دجل واجد وبعضهم مسمية نفسها طبيبه وهي ماتعرف ودي بوحده او واحد معروف
وهل اللي في سوق حجاب بتفحص راسي والا بس تعطيني وهو غير مؤكد ان عندي فتحة بالراس
وهل لو اخذت وماعندي فتحة وحطيت الصبخة بتضرني
الله يجزاكم خير ساعدوني الله يعافيكم

دلفينه 09-04-10 10:45 PM

طيب ليش ماتروح للمستشفى
خل الطب الشعبي أخر شيء
أنا من الرياض بس والله ما أعرف احد عشان افيدك
وبالنسبه للعجز الي في سوق حجاب هج منهم بعضهم حتى سحرات الله لايبلانا
أتمنى لك الشفاء العاجل

راسي يوجعني 09-04-10 11:47 PM

الله يجزاك خير اختي دلفينه
المستشفيات ماعندهم الا طب نفسي
والادوية النفسية جربتها سنين طويله تهديك طالما انك تاكلها عقب ماتتركها ترجع على ماكنت اذا مهوب اردى
حسبي الله ونعم الوكيل على الرجال اللي عند ام ناصر في قرية على طريق المدينة المنورة وطاق له 450 كيلو اقوله جايك من الرياض يقول ماعلي منك تعال عقب الفجر وين اروح انا لين بكرى انام بالبر

آسيه 10-04-10 02:53 AM

طيب أخوي وين الفتحات000أعلى الرأس000او الجنب الايمن
اذا أعلى الرأس تسبب النسيان واللي على يمين الدوخه000والصباخه انا جربت وصفه وفادتني لان كان عندي000اربع فتحات000وهي
بيالة سدر
بيالة حنا
ملعقة ملح خشن لاتحط الملح الناعم ساسا وغيره
ملعقة زنجبيل0
وحاول تقرأ عليهم الفاتحه000واية الكرسي00والمعوذتين000
والايه(لو أنزلنا هذا الكتاب على جبل 00الخ0000وتراني جربتها بدون
قرأن مفيده بس سبحان الله000بالقرأن النتائج مررره عجيبه000سبحان الله فيه شفاء للناس

راسي يوجعني 10-04-10 10:40 AM

اختي اسية الله يجزاك خير
انا مدري عندي فتحات بالراس او لا لكن رحت لمشائخ للقراءة وقالو لي ان اغلب الظن ان فيه فتحة والا محد فحص راسي لاني مالقيت احد
طيب يا اختي انا بسوي وصفتك ان شاء الله لكن لو ماكان عندي فتحات بتضرني ؟
والمقادير اللي قلتي عليها احطها مع كم مقدار من المويه وهل يصلح احط مويه مقري فيها ؟
وطريقة وضعها شلون احلق شعري بعدين انشرها على راسي واخليه لمدة كم؟
وكم مرة اسويها؟ وهل فيه اشياء اتجنبها ؟
الله يجزاك خير ولا يوريك مكروه

دلفينه 10-04-10 10:57 AM

أخوي اذا تخطيط الرأس سليم معناتها أنك موسوس اوفيك عين عليك بالقراءة

@ساهي@ 10-04-10 11:27 AM

اختي اشير عليكي والقرب لكي والذي سمعت عنهاا انهااا ممتاازه وكثير من الزملاء ذهب لهااا ام سعود في الخرج واحده باا وحده بس ترهاا غااليه شوي في العلاج بس بااا اذن الله جديده احسن لكي من المصااريف اليوميه دون جدوه الله يستر عليك ويشفيك

راسي يوجعني 10-04-10 11:53 AM

ام سعود اشهر من نار على علم لكن ماودي يصير اللي صار
شلون طريقتها ومواعيدها ومتى تعالج
وهل تفحص الرجال او مختصه بالنساء فقط
بالنسبة للسعر مافيه مشكلة بس ابي العافيه
اكرر شكري لكم

أميرة بذوقي 10-04-10 12:04 PM

وعليكم السلام ورحمة الله وبركاته

أسأل الله العلي القدير يشفيك ويذهب مافيك

من بأس...

توكل على الله الشافي ولاتجعل الشفاء في يد أحد

من خلقه...

وأن كنت رجل لاتضع هالصبخات بتجعل لون شعرك أحمر

ولكن تغسل بماء وسدر وملح خشن والأفضل لو تتغسل فيه وتنام عليه

ويكون وقت الظهر .. مجرب بقوة الله الشافي سبحانه وتعالى

وأشرب مويه وسدر


ونصيحة’’


لاتتعلق أن الشفاء بيد أحد أنتبه سوف ينزرع بداخلك ويضعف إيمانك

بقوة وقدرت العلي القدير...


وتبسم ماالمرض إلا أبتلاء من الله أن صبرت فلك الآجر وأن سخطت فلك السخط


تمنيآتي لك بالشفاء

راسي يوجعني 10-04-10 01:32 PM

الامر بسيط بالنسبة للشعر وتغير لونه
احلقه على الصفر ولا يبان
لكن الصبخة كم تحط مرة ؟ وكم المدة اللي تحط على الراس ؟


الساعة الآن 10:18 AM.

Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By Almuhajir