|
أرتق/ى بأسلوبك
ً
مابين كسب القلوب وكسر القلوب خيط رفيع اسمه الاسلوب فبأسلوبك الجميل سيقبل كل الناس الي حولك نصيحتك وكل انواع عتابك وباسلوبك الفض وقساوتك سيرفض كل من حولك نصيحتك فالاسلوب مهاره تكتسب قد يفتقدها شخص جامعي متعلم وقد يكتسبها شخص جاهل قد لايعرف يخط حتى بالقلم فالاسلوب تربيه نفس ومهاره وذوق وحياه فيأسلوبك أنت تحدد أما الناس يحبونك او يكرهونك او يتبعون نصيحتك او ينفرون منك << أرتق / ى باسلوبك ً |
رد: أرتق / ى بأسلوبك
هذا اقوله لبعض لاهل الدين
الي كرهوا المسلمين بالدين والنصيحه اسلوبكم فض اسلوبكم اتعب نفسيات المسلمين الناس فيها خير وتحب الخير وانتم تهدمون كل شي في انفسهم وكل خير فيهم انتم ربي سخركم تحملون رساله ساميه رساله النبي عليه السلام تذكرون المسلمين بها كيف المسلمين بيتقبلون منكم وأسلوبكم فض ( ولو كنت فض غليظ القلب لانفضوا من حولك ) المسلمين يعرفون الدين بس يحتاجون تذكير لان الانسان يغفل << الله يكفينا غفله القلوب ارجوكم اتبعوا اللين بالنصح والاسلوب الجميل ولا اتركوا النصح والدين لاهله انتم مو اهل له حببوا المسلمين وغير المسلمين بالدين ارتق / ى بأسلوبك |
رد: أرتق / ى بأسلوبك
ترا انت عايش مع ناس مسلمين عارفين الدين يحتاجون منك بس تذكير باسلوبك اللطيف
ربي اصطفاكم عن غيركم انكم اهل الدين عايشين في بلاد مسلمين الرسول عايش مع يهود تعرفون معني اليهود دين ثاني عقيده مختلفه وكان اطهر قلب كان احسن اسلوب في تعامله معهم حبب لهم الاسلام انتم عايشين مع مسلمين كرهتوهم بالاسلام تعطون صوره سئيه عن الاسلام <<< انا ماتكلم عن نفسي انا مايقدم ولا يأخر اسلوبكم عندى الي بقناعاتي ماتأثرون به << والحمد الله مادخل بنقاشات عقيمه مع احد بس تكفون باقي المسلمين خفوا عليهم اذا انتم تحبون الدين وانتم من اهل الدين احملوا الرساله امانه في ارقابكم ولا اتركوا المسلمين والنقاش معهم باسم الدين هنا باسلوبكم الفض انتم ماتمثلون الدين ولا انتم اهله خلاص وصل كلامي ولا ،،، لا |
رد: أرتق / ى بأسلوبك
بعدين بقولكم حاجه ثانيه
الي عنده نصحيه تكون بالخفا الله يجزاكم خير اتركوا نصيحه العلن تراها مب نصيحه << هذا اسميها تشمت النصيحه بالخفا اكثر وقع واكثر تقبل ونصيحه العلن اعتبرها وقاحه وقله ادب لازم الناصح يشعر بمشاعر المنصوح له هدفك سامي تبغي نتيجه صح او لا ليه تخلي الشخص فى مواقف مخجله امام الاخرين هل انت مايهمك الدين او مافيك شي من صفات اهل الدين هل انت تدعي انك متدين بس ماضبطت معك تحتاج دراسه وتعلم كثير اشوفهم يتكلمون باشياء حلوه وكلام سليم بس الاسلوب والتعامل زفت ماتعرف باداب النصيحه خذ لك بريك اسبوع اقراء اسمع بابن باز وش يقول عن اداب النصيحه كلام جميل وكلام نحتاجكم تتبعونه الاسلوب ثم الاسلوب ثم الاسلوب |
رد: أرتق / ى بأسلوبك
اولا يجب ان ترتقين بنفسك اولا ولاتجاهرين بالمعاصي والمنكرات هنا .حتى ماتتعرضين للتوبيخ اللي تستحقينه لما تستفزين الاخرين بممارستك للمنكرات والمعاصي .
وكمثال فقط : مجاهرتك بحضورك لحفلات الغناء المختلطه والرقص فيها والترويج لها بيننا..... هذا بحد ذاته منكر وجريمه يستوجب طردك من المنتدى . مجاهرتك بسفرك انتي وصديقاتك للبحرين بدون محرم ..وتقولين : بلا محرم بلا هم . وهذا استهزاء بوجود المحرم الذي امر به نبينا الكريم . وهذا منكر وجريمه وتعدي صارخ على حكم شرعي وعصيان مباشر لامر نبينا الكريم ..يستوجب طردك من المنتدى . مجاهرتك بحبك للغناء والطرب وفنانك المفضل ( عبدالمجيد عبدالله ) وانه رفيق دربك في سفراتك .... وانتي تعرفين موقف ديننا الحنيف و منهجنا و انه يحرم الغناء وسماعه . وووووو اذن خليكي محترمه وفيك ع الاقل ذرة حياء ولاتعتدين على احكام ديننا الاسلامي ولاتجاهرين بمنكراتك ومعاصيك ,علشان ماتسمعين توبيخ . تراك مو بوذيه توك معلنه اسلامك عشان نعاملك باللين والرفق . انتي مسلمه بنت مسلم ومولوده في بلد مسلم . ويجب عليك ان تسترين على نفسك او لاتلومين الا نفسك لما يجي احدهم يمسح بوجهك الارض لما تستعرضين منكراتك ومعاصيك بيننا واللي تغضب ربنا جل جلاله . |
رد: أرتق / ى بأسلوبك
اقتباس:
هل سمعتي صوتهم ؟ كبلوهم وقطعوا صدى صوتهم المحاذير التي كانوا رجال الدين يحذرون منها وقعت ولكن الغريب بإن الفتن حضرت ورجال الدين غابوا لا بل غُيبوا ستذكرني أذا عاشرت غيري وستبكي عشرتي زمناً طويلا |
رد: أرتق / ى بأسلوبك
الله يصلح قلبك من وبخني << لازم تفهم غلط
من قال سافرت للبحرين بدون محرم << شف كيف تكذب علي والله ولا طبيت البحرين ومن قال اني اسمع عبد المجيد بالسفر << عبد المجيد اكبر من انك تستمع له بسفر وبسياره يحتاج مكان رايق تركز معه نادر جدا اسمع له بسياره حتي لو سمعت له اضطر اغير الالبوم اخاف اصدم الوضع مايشجع تسمع له بسفره << فهمت على علي فكره من زمان ماسمعت لعبد المجيد تمر علي مقاطع بتويتر بالسناب بس والله مبطي ماجلست علي البومه جلسه لاني جوي تعبان مو رايقه مره اقسم بالله ياذمون ماتكلم بالموضوع عن نفسي اقسم بالله ماشفت منكم توبيخ بالعكس ترا انت كم مره اثنيت علي واطريتني بردودك بكلام حلو صح ممزوج بنقد بس عادي عندي والله ماعتبره توبيخ وكثير من ردودي انت تهربت عن الرد على لانك ماتبغي تغلط على فاهمه عليك ماشوف اسلوبك معي مو كويس بس اسلوبك مو حلو مع الاعضاء الباقي انا كلامي بوجه عام مو عن نفسي اسلوب اللين مو بس للبوذيين والكفار واليهود الرسول اتبع اللين مع الصحابه لو الرسول اتبع الشده والغلظه مع الصحابه الي اسلموا توقع راح يستمرون بالاسلام ؟ اي شي فيه شده وغلظه ينفر منه المسلمين وكان يوصي الصحابه باللين والرفق الله يهديك بس ياذمون لاتتعدي علي الاسلام وعلي انك ويجب عليك تقتدي بالرسول في التعامل بحجه انك تبغي توضح اني على غلط ماحد معصوم ترا كل انسان يغلط ويذنب ويتوب التوبه ليه مفتوحه لان الانسان يغلط ويذنب ويتوب ماحد معصوم ابدن ابدن |
رد: أرتق / ى بأسلوبك
اقتباس:
ً الي اتكلم عنهم مو رجال الدين بمعني رجل دين اتكلم عن رجل مصلح غيور على دينه وده ينصح فيه خير بس مافيه من الدين شي لان اسلوبه مو حلو ودنا نذكر بعض باسلوب نتقبله من بعض ً |
رد: أرتق / ى بأسلوبك
لاحد يفهم اني كتبت الموضوع ان فيه احد غلط على
بالعكس والله ماشفت شي كلها وجهات نظر بس فيه تصادمات اشوفها واسلوب قوي وشده وكلا يسن سكينه علي الثاني هذا الي من اجله قلت لازم ايها الشخص المتدين الي تحب الدين تتبع اسلوب لطيف يجذب الناس وتغيرهم للشي الي انت تشوفه مناسب بحكم خبرتك الدينيه فهمتوا علي والله ماشفت شي لو شفت شي كتبته للي وجهه لي كلام على رده |
رد: أرتق / ى بأسلوبك
>>>>
هذي اضافه بضيفها لردي عليك ياذمون بس عيت المشاركه تتعدل <<<< لاتتعدي علي الاسلام وعلي انك يجب عليك تقتدي بالرسول في التعامل بحجه انك تبغي توضح اني على غلط << كذا انت تجاهر بالاسلوب الغلط وانت اعرف بالدين منى وانت اعلم منى وانت يمكن دارس الدين اكثر منى هذا الي اقوله كثير متعلم بس جاهل وكثير جاهل مايخط القلم بس من اسلوبه تجده متعلم وفاهم انت شفت احد كامل ومعصوم نغلط ونندم ونذنب ونتوب الحمد الله القلب فيه حياه والضمير فيه احساس |
| الساعة الآن 01:12 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir