|
لا تكسحوني ردوا علي تكفون؟؟؟ (مجموعة من الشباب )
بسم الله الرحمن الرحيم كيف حالك جميعا سيداتي سادتي .... أتمنى إن الجميع بخير ,,, راح أتكلم بالموضوع على طول أنا شاب عمري 22 سنه لي فترة ابحث عن Group مجموعة من الشباب من عمري او اكبر شوي مني براسي مشروع يفيدنا كلنا كشباب وراح يفيدنا دنيا وأخره بإذن الله مشروعي هو نكون مجموعه اسمها ( مملكة الإنسانية ) تهدف للتغير الفكر عند المجتمع بااشياء كثيرة سلبية بعاداتنا وتقاليدنا بنفس الوقت ن ضمن الأهداف إننا نحدد يوم بالأسبوع لزيارة المرضى في المستشفيات- الله يشفيهم - وكل فترة لنا موضوع ,, مثل : 1- حقوق الحيوان ( نحمي الحيوانات اللي نشوفها ميته بالشوارع ومتسوي جلدها بلازفلت منظر يبكي ) 2- زيارة الأيتام 3- نشر مواضيع انسانية ونسوي نشرات ونوزعها باسم هالمجموعه . يعني نحدد يوم فالأسبوع مرة للمرضى ومرة للأيتام ومرة و و و و و و الخ ... أنا من عنيزة وبصراحة بحثت كثير عن احد يشاركني لكن للأسف لم أجد سوى الاستهتار والاستخفاف ولن استسلم لنظرة شبابنا الكسول ياريت احد يشاركني من شباب القصيم ويمكن بعد فتره نجد دعم من شخصيات كبيرة وووووو الخ وما ندري يمكن مشروعنا يلاقي تقبل كبير ونلاقي دعم من الدولة نفسها . مشروع إنساني وتربوي وأخلاقي أتمنى ألاقي احد يشاركني لي فتره 6 أشهر ابحث ولا لقيت طبعا أكيد البداية راح تكون متواضعة لأننا شباب وإمكانياتنا بسيطة لكن خطوة بخطوة وراح نجد مانريد وما يمنع انه البنات يشاركونا مثلا بالمواضيع او النشرات تكون احد البنات فاهمه بالتصاميم وتسوي لنا تصميم طبعا أكيد من دون اختلاط وننسق مع بعض واللي تنونه أنا جاهز أتمنى ألاقي تأييد ولاقي من يشاركني,,, انتظر ردوركم |
جزآك الله خير ..
و الله أنّك كفَو .. و أنا معك أن شاء الله |
فكره رائعه ماشاء الله ..
ان شاء الله تلاقي الدعم .. وتلاقي الشباب الي تحتويه دافعيه لمثل الاعمال هذي .. وممكن تنشأ لك مجموعه بالفيس .. وتعنونها بمسمى معين .. وان شاء الله تحصل مرادك.. بالتوفيق .. |
|
اي والله حنا بحااااااااجه لمثل هالافكاااااااااااار
وشبابنا في هالاجااازه بس الله يهديهم بالاستراحات وبالملاعب على الاقل يستفيدون شي ب3 شهور ذي مررررررررره اعجبتن الفكره وياللله قداااااااااااااااااااااام جزاكم اللله خيييييييييييير |
اشكركم كلكم على ردكم وبصراحه ضحكت من الفرحه ضحكت بصوت عالي ,,,
احب اشكر الجميع واخص بشكري لـ ( شجرة الاناناس ) بصراحه هذي بدايه الدعم المعنوي من اعماق قلبي الله يخليكم لنا اي شخص بفكر شجرة الاناناس والناس اللي ردوا هذا يدل على الرُقي في التفكير والاحساس ,,, شكرا شكرا شكرا |
الله يوفقك اخوي فيما يحبه الله ويرضاه...
|
موضوع جدآ رائع وفكره جنان وهو في بالي من زمان وانا من عنيزه وانا بدوري قمت وزرت الاطفال المرضى بمستشفى سعود بعنيزه وقدمت الهدايا لهم وزرت دار الايتام للبنات بعنيزه بس توقفت لمده لاني احتاج أحد يشجعني . واللي تشوف منكم يابنات عنيزه انها تقدر تتواصل معي اقول لها ياالله حطي يدي(a21) بيدك وعلى بركة الله .
|
|
مآشآءلله تبارك الله الله لايضرك بشر فكره رائعه
والله يعطيك العافيه وفكره صراحه اروع من الرائعه وإن شاءلله يشآركونك الشباب ولين توصلون للي تبون وانا اتوقع الفكره هاذي راح تفيدكم دنيا واخره ان شاءلله والله يوفقك واصل في الخير وصل الله رزقك سي يو ..| |
| الساعة الآن 05:21 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir