يامتلف الروح سدي باح
من عشرتك ويش مصلوحي
حبك ذبحني بغير سلاح
قلبي من الغبن مجروحي
لولا الحيا كان اصيح اصياح
اخاف تلحق على روحي
تليتني تل دلو رماح
ياكامل الزين مسموحي
راعي الهوا لو يبي يرتاح
ماهوب يسمع ولا يوحي
اشوف في خدك الوضاح
موت له الدرب مفتوحي
ترى الهوا فيه زرق ارماح
ماهو سواليف ومزوحي

الشاعر / أحمد الناصر

وش القصة يابعيد الهقاوي أشوفك مهيض اليوم

طيب ممكن تسلفنا إسم الشاعر ولا إسم القصيدة أو أول بيت

يعني شي يتعبربه أخوك { دلوله }

مثل إني ما أقولك خـذ تعبر بها القصيدة لين أشوف

إلى بعيد الهقاوي مع التحية ... أهـدي هـذة القصيدة

يقول الشاعر

من يقول الزين ما يكمل حلاه
كل شي في حبيبي اكتمل
الله الي كمله والله عطاه
ما بقى للزين في خلي محل
العيون احلى من عيون المها
شافها قلبي وصفق واحتفل
نظرته من فتنته شعلة حياة
والجفون من الحيا فيها كسل
ساهم رمشه على الخد وسناه
كن لمعة وجنته ورد وطل
والشفايا كنها جمر الغضا
تحرس الريق المحلى بالعسل
مايج من فوق متنه ما طواه
لون شلال مع المغرب نزل
انطلق جيده يماري في بهاه
فوق مياس تغزل واعتدل
والرشاقه فيه من ظبي الفلاه
لي مشى كنه على الريح انتقل
ريحته مثل المطر فوق الصفاه
باسم مثل البشاير بالامل
جامع من كل زين منتهاه
مستحيل الوصف في خلي سهل
كايد ما هو يلين لمن بغاه
يرتفع عن كل سقطات الزلل

إسـلـــــم لإخـــــــــوك يــــــابـعـــــدي