ساكنه بملحق اهلي انا وزوجي000!؟
 

السلام عليكم ورحمه الله وبركاته

حبيت اطرح مشكلتي بمنتديات قصيمي لعلي استفيد ويستفاد من مشكلتي

انا بالعربي حبيت واحد دامت علاقتنا سنه كان طيب وحنون

واخر شي تزوجنا

وقعد سنه كامله بالرياض يدرس واحتريه ينقل للقصيم واخر شي نقل لبريده

واحتريه يحط لي بيت ولاحط يجي على هالحاله يوم اربعاء وخميس يجي بالليل ولايطلع الا الظهر
ينام عند اهلي بالملحق حتى مايتمشى بي ويوسع صدري
وش اسوى مع ذا الرجال
ويعطين كل شهر الف
حتىماعندي اخوان يوقفونه عند حده عندي ابوي مسكين تعب من الهواش معه

ياجماعة الخير ابي مشورتكم وش الحل انا خلاص كرهت الدنيا منه

لاحول ولا قوة الا بالله


الله يعيننا واياك

عمر المنسلح الله يعطيك العافية

لا حول ولا قوه الا بالله


تفاهمي معه يمكن يفيد قولي له اساعدك وتساعدني ونشتري لنا شقه

يمكن يتفهم الوضع

طيب ليه يسوي كذا !
وش الاسباب يعني ؟ !
لما تتهاوشون وش اعذاره
بصراحه ياقلبي يمكن ندم ع الزواج ويبي يطلق قال اسوي كذا .. ويبيها تجي منك وتطلبين الطلاق ..
وشاف ماوراك أخوان بعد كملت ..

هذا مشكلة الحب قبل الزواج ..
تخلف خليجي لازال يدب في عروقهم ..

اقول ازيدكن من الشعر بيت اهله مايدرون انه متزوج

وانا ماقصرت قلت له طلقن والا ابعلم اهلك ورفض الطلاق كل هاذا حسد وحقد وغل

وراتبه الله يخليكن فوق الخمسه الاف
ويقول علي ديون

وش ذا الزواج


اتمنى أن يكون هناك مصداقيه بكلامك


الا اذا انتي غير سعوديه يمكن تكون


وش هالسالفه هذي متى ولفتيها


اتوقع والله اعلم انه حلم

اهاااااا من ورى أهله بعد
وانتِ ياقلبي ليه تاخذين واحد من ورى أهله
إّذا عرف السبب بطل العجب ..
سمعتي بزواج المسيار هذا هو انتي متزوجه مسيار ..
يعني ياقلبي هضم الحقوق وظلمك لا عجب فيه !!
يعني لو تشكين من هنا لبكره ماحد بينصرك !!
والله ظلم ذا الزواج ظلم ..

اول مره اكون مع الطلاق ..
ربي يفرج همك يالغلا

لا ماخذها مسيار مو غريبه .. بس انتي منتدي داريه بأسمه !
كذا زواج الظلم ..
قمة في الظلم ..
الله يعين بنات الناس اللي مروا بهذا الزواج

والله ثم والله يااخواتي واخوي عمر اني ماكذبت والله العظيم ولابكلمه

هاذي قصتي من اولها لاخرها