|
تحــــــسبني ســـــهله؟؟
تحسب كلامك منه الاحســــاس قد طار
تحسب فعـــــولك بدّلت نظــــرتي غير تحســـــــبني سهله تجــتذبني بالاشعار تنظم حروف الزّيف وتســـــبك بتزوير تحسبني من اهل الـهوى ومن هل العار اللي تماشـــــي خطوتـــــك دون تفكير إنـزح طــــــــريقك لاتفـــــكّر وتحتار تخسى تطول الشـــمّ لو ويــش مايصير ظنّك بجاري شــــهوتك حسْب تختار؟ اثني عزومك لاتـــــــــجي يمّي تشبير إلحق ركابك قبـــــل ينويــك الاعصار درب(ن)مخالف صوبه الخطوه ماتسير إنشد عن اربـــوعي وناشــد عن الدّار من شان تركـــد لاتجـــيك المنـــاشير بنت البدو حــرّه ومن نســل الاحرار بنت الرّجــال اللي لهــــــم كلّ تقدير بنت الحروب اللي عــلم فوقه النـــار دوم بعلالي ذكــــــرهم دون تغــــيير لاعشت ادنّي راســــــــهم لاولاصار حتى لو اوصل للصّـــــعوب المقاهير فخر(ن) مديد(ن) ماعلى قولي انكار يمكن سمــــعته لكــــــن ابغيه تذكير بيّحت لك عن ماخفى وزحت الاستار والحين جالك صوبي لو ذرّه تفكير؟؟ خذها نصيحه واحتـــــفظ فيها تذكار {فعلك يبيّن معــــــدنك دون تزوير} وسلامتكم... الـــغامـــضه |
اقتباس:
الله الله الله ياسلام ياسلام كفو كفو ومليون كفو يابنت الرجال صح لسانك مليارات ولا يسدون وعلا شانك وبيض الله وجهك عز الله هذا القصيد اللي تطربله النفس ويرفع الراس الـــغامضه الله يرفع قدرك ولا يهينك على هذه الشامخه التي عانقت السحاب قمه في الجزاله والحبك قصيده قاتله بكل ماتعنيه هذه الكلمه من معنى تقبلي إعجابي الشديد بما خطه قلمك لاهنتي لاهنتي يا بنت الحروب |
الله الله الله,,,
ماشاءالله تبارك الرحمن,, شاعرتنا واختنا الفاضله,,,الغــــــــــــــــــآمضة,, يسلم جنابك ولاهنت ولاهان بوحك على هذه المتميزة,, حقيقة قصيدة تستحق التميز قصيدة تقشعر معها الابدآآن,, فيها العزة والشرف والنقى وقوة المعنى والافتخار والاعتــزاز,, تحتوي كل المعاني المتكامله فيما يتعلّق بسبك قصيدة ولا اجمل,, اهنيك على هذا البوح الشامخ والباذخ الذي يرتقي لقمم الفتاة الاصيلة,, تحياتي لسموك الكريم ممزوج بكل الاعجاب والتقدير لبوح قلمك الـــــراقي ,, دمت من الله بكل الخير,,ولك من الله اجمل وازكى السلام,, ,,,,, تعتبر قصيدة الاسبوع,,, وتكريما لها تستحق التقييم ,, والتثبيت,, |
ماشاءالله .
صح لسانك اختي الغامضه. ابدعتي يابنت الاجواد. سلم منطووقك من كل شر. .. |
كفوو كفوو
والنعم والله بحرب والقبايل كلهاا الحقيقيه أبدعتي والابداع مو جديد عليك شاعرة متمكنه من ادوات الشعر ولها رونق خاص صح لسانك والله ياشاعرتنا العذبه |
صح لسانك مليون
ونعم لك حق تفاخرين ولهم حق يفتخرون با الغامضة |
صح لسانك يالحربيه
شاعره رائعه وخاتمه للقصيده اروع كنت مبدعه وفي ابهاء حالاتك تحياتي |
الغـــــــامضه.!! لـطْآإلمآ أبْصرتٌ فيّ عيّن حَرّفٍك غُيوٌمٍ إجْتمَعت لـ/تَسْكٌب لنا.. عطراً لآ مطراً.. فالرآئعوٌن آمّثآلكٍ..لآيحتآجوٌن الآطرآء.. كبيّرٌ بنبْضك..وعذَبٌ بٍجَزّلك.. فـ/ عٍد اليآسْمين الآن و لآتخطئ .. حَسْبي آنك مٌشْتآقٌ إلى إحتضآن ريحْه.. |
الــعرم..
حيّا الله هالحضور السامي ياخوي كلماتك وإطرائك يثلج الصدر.. لاعدمت هالمرور الراقي .. سلمت ولاهنت |
صح لسانك
تستحق التثبيت |
| الساعة الآن 09:35 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir