|
مين الرايق ؟!
بالله مين الرايق الي يعزم جماعته او اصدقاءه على الفطور برمضان ؟!
شيء مرهق للعائلة . ومرهق للزوجة والزوج ؟ احس الناس صارت قليل تعزم برمضان ماهو زي اول ! ماهو بس الي يعزم رايق او متحمس لفكرة وليمة الافطار ! والله حتى المعزوم ما وده يجي ، ويتمنى يجلس في بيته مع زوجته واطفاله اصلا الناس تجي معبسه ومكشره ولا لها نفس ! اتذكر السنة الماضيه انعزمت على الفطور برمضان عند اصدقاء مقربين بعد ما افطرت وقمت بطلع مع الباب التفت على الجالسين قلت ( عظم الله اجركم ) هههه مكشرين .. ولا فيه بهجه .. ولا فيه حياة او مشاعر . مجرد اجساد ! ومعذورين طبعاً لانهم وصلوا لاقصى مرحلة التحمل مع الجوع والعطش والذبول ولا يجونك الا قبل الاذان بعشرة دقايق هذا تعبه وهو ضيف .. كيف اهل البيت الي من الظهر يطبخون ويتعبون والله الافضل كل واحد يفطر في بيته واذا كنت تبغى الاجر يا كثر الطرق والحلول وناس فعلا مستحقين ماهو الشبعانين الي جاين في بيتك ههه |
رد: مين الرايق ؟!
الناس أنواع وأجناس ..... فيهم اللي خرمان زقاره ... واللي مههوس بالأكل وفجأه جاه الصيام ... وفيهم المتعاطي للمخدر .... وفيهم العصبي .... الخ القائمة .
هالنوعيات حاول تبتعد عنهم في شهر رمضان ولاتعاشرهم نهائيا ولاتستعزم لأحد منهم . لكن على النقيض الآخر هناك ناس قمة في السعاده والوناسه والكرم وهم صائمين ويرحبون بضيوفهم ويؤمنون بأنهم سيأخذون أجور إفطارهم من الله . الحمدلله لاجوع ولاعطش ولاشعور بالإنهاك ..... أنا متيقن إن هذا هو شعور الأغلبية . مصداق لكلامك حول صاحب التكشيره ..... أفطرنا قبل كم يوم عند واحد من الربع بمزرعته .... فيه واحد من الربع عاض على ليمونه ومكفهر الوجه ونفسه برأس خشمه ...... مازحته . قلت له : وراك عاض على ليمونه وشايل الدنيا فوق رأسك ؟ قال : انا خرمان زقاره ودايخ ونفسي برأس خشمي غصب علي . قلت له : أجل اليوم أخذنا أجر بزوجتك اللي تبي ترتاح من خشك هههههه |
رد: مين الرايق ؟!
هذولا فاضين. لاحق ع الجمعات عقب رمضان
|
رد: مين الرايق ؟!
حلوة اللمة والاهل والسوالف
ومافيها شيء لو اجتمعوا وكل واحد معه فطور بصراحة افتقد اللمة والاجتماع على الفطور 💔 الله يرحم ايام زمان 😭 الزمن ماتغير .. النفوس تغيرت اتكلم عن الاجتماعات اللي تكون خفيفه مافيها تكلف مافيها تصنع .. النفوس متصافية وخفيفة تطلع من المكان ولا احد يجيب طاريك اهل البيت مثلا يسوون الاساسيات واللي بيجيهم يسوون اطباق انا احب كذا واحرص اني ما اروح لعزيمة سواء فطور او زيارة الا معي شيء الله يرزقني كم انا طيبة 😇 - اما الفطور اللي تطلع فيه الاطقم الغالية والسفرة من والى ولازم ترتيب معين ومن اسبوع تجهز له ضده . كلمة اخيرة ( حسبي الله ونعم الوكيل على كل شخص خبيث يـ فرّق بين الناس ) لا وبعد قدام وجهك يحرّش عليك .. |
رد: مين الرايق ؟!
اقتباس:
عساي اقوم افطر. (qq15) |
رد: مين الرايق ؟!
اهلا مجد
الي اشوفه لا توجع رأسك بعزومه الافطار ولا تكلف على اهلك بها ولا تكلف الناس اذا تحب الخير اشترى ذبيحه وفرقها على الناس الي تريد أن تعزمهم لنفترض انك تريد أن تعزم على الافطار اربعه اشترى ذبيحه وفرقها بينهم وانتهي كل شي انا متأكد أن اللحمه احب اليهم الف مره من اعزمني وارهقني وكلفني وكلف اهلي الفلوس تعمل منك شيخ ورجل وطيب اذا ارخيت الريال بدون تكلفه على اهلك ولا على الناس .. |
رد: مين الرايق ؟!
السنه هاذي قايل لأهلي ترا مابغي شي علي الفطور مابي الا شوربه وفكونا من المعجنات والمقلييات بس برضه مايسمععون يسوونها وانا ازعل وكل يوم قبل المغرب اردد المقوله الين طفشوا مني لأنهم يتعبون في المطبخ وانا في الفطور اكل بس زبادي وشوربه واقوم بسرعه واحسسهم انو الي سويتووه كله في الفطوور ماله داعي
بس من يومين افطرت عند واحد جايه واحد اعرفه وجاملته قلت الفطور بكرا وتمم لي (vv) عاد انا الحين متورط مع الاهل والحنه حق الفطور لو رحت وقلت لاهلي عندي فطور سوو كذا وكذا صدقني يتقاضون في ولا يسوون شي بيقولون انت ماتحب المقليات والمعجنات بس اخوكم ماتمشي عليه عزمتهم في بوفيه مفتوح في الخبر في فندق قولدن بولقري النفر بخمسه وستين ريال وحنا ثلاثه ماكلفني 200 ريال واحسن من الحط والشيل والطبخ وقومه الظهر والحنه والرنه والي افطرو معي انبسطووا وغيرو جو من البيوت وارتحت انا افطرت علي راحتي ولا حاتي احد مشكله الفطور يصير فيه اسررراف وتعب الاهل حتي الي يعزم يقوم من الصبح ويجيب أغراض ويتبهذل ولا ينبسط ولا يفطر وكله من هالفطور المبارك |
رد: مين الرايق ؟!
اقتباس:
اعتقادي أن تكريم الاهل بالاكل مما يسونه هو اعظم هديه تقدمه لهم لا نعيش في نفسيه لن نأكل الا زبادي وكأننا نعيش عزوبيه او في طائره ومستجعلين نأكل اي شي من اكرام الاهل أنك تأكل مما يصعنون لكن اشرط عليهم أن لا يتكلفون هذا ولا وثانيا علمهم وشي تبي بالضبط فيه اكلات تسبب لك حساسيه اشترط عليهم وش تبي ما احب الانسان يكون سلبي كذا مع اهله لا ياكل مما يصنعونه او يأكل في فندق .. عود اهلك يطبخون لك ما تحبه بشروطك انت ودربهم على ذالك مرة وثنين وثلث حتى عندما تكبر يكون هذا روتين لهم ما يروحون الى اي شي الا وهم يقولون ( عشاء ابوكم لا تنسونه ) اما كونه تعيش في بيتك الي تنفق على الماء والكهرباء وتدفع الايجاب فيه وتكد على من فيه تعيش عيشة فندق او شقه مفروشه هذا اكبر خطا وراح تدفع ثمنه عندما تكبر لن تجد حولك الا احد يهتم فيك .. |
رد: مين الرايق ؟!
اقتباس:
محد يتكلم عن عزيمه الاهل للاهل ولا يتكلم عن طلعه شباب يتكلم عن التكلفه على الاهل وعن موقف العوائل من هذه الامور ولا يتكلم عن خمسة طالعين في مزرعه هو يتكلم عن الاثر على الاسره والاهل ولا يتكلم عن الاثر على شباب طالعين في مزرعه |
رد: مين الرايق ؟!
الله يقبل منا ومنكم
الصيام نعمة وراحة وسعادة والضيف ضيف الله وياليته يجي فرحت بضيف الليلة لكن ماكتب الله انه يفطر عندنا الليلة لكن ان شاء الله يعوضنا بليل ثاني لابد تعود نفسك وعيالك وبناتك واهلك على السعادة بقدوم الضيف الله لا يقطع الشيمة ولا العادات الطيبة ان تعودوا على غيرها يمكن يجي يوم تندم حين لا ينفع الندم وكل واحد يفسرها بطريقته طبعا انا لا اعني الهياط اللي ماهو لله الضيف اللي يجيك عاني والا اللي له واجب واضح وبدون تبذير حفظكم الله ومتعكم بالصحة والعافية وجعلكم |
| الساعة الآن 11:15 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir