|
****
ابغى جواب على سؤالي و بكل صراحة
والي عنده شي بنفسه يقوله ماراح ازعل من احد على فكرة طاحت على راسه بشكل عفوي بقدر زعلي من اخفاءها وانكارها او ادعاء غيرها عودتي للمشاركة بالمنتدى بفترة قصيرة من وفاة زوجي ...اترونه عيبا او قلة احترام له او تبلد او قلة حيا او او او ...كلن وش يجي على راسه شفت ملاحظة لنجمة بعدها تساؤل لشموخ بدوية على ما اعتقد والان جاتني رسالة اشكر صاحبها لانه جا مباشرة وقال الي بخاطره الي عنده شي يقوله بوجهي ...بظهري والله ماني مسامحته |
رد: ****
بكل شفافيه .. (لن اصف عودتك باي وصف) فلا يحق لي ذلك وكل واحد اعرف بنفسه ... ولكنني فعلا "مستغرب منها" وبهالسرعه .. والامور الى الان جديده .. عجيب جدا مشاعرك الاجابه بما انك طلبتي اجابه شفافه وفي النهايه انا لادخل لي بالموضوع هو فقط انطباع عن امر حدث امامي |
رد: ****
ردي على وضعك كتبته بوضوح في موضوعك السابق
عيشي وضعك بما تعتقدين انه صحيح . ولاتهمك أي اراء مستفزه او ناقده فربعنا طبيعتهم ناقده سواء تصرفتي بطريقه صح او خطأ . عن نفسي اشوف وضعك طبيعي وتقبلك للوضع وتعايشك مع اثاره تحسب لك لاعليك . ومضه . ترى عندنا الناس يدارون الغني والواصل لفووق لو حصل عنده حالة وفاه ولا تأثر قالو من قوة الأيمان والثبات . ولو بكى وتاثر بالموقف قالو من شده حبه للفقيد وبره فيه جعلت من فقده كارثه عليه لذلك قيسي مواقفهم من خلال المشهد اللي شرحته لك. والباقي طنش تعش تنتعش . ولا تدققين تراها سوالف ليل . (ash) |
رد: ****
اقتباس:
انت تشوف الوضع طبيعي هذا رايك ...... فلا تعمم حكمك ورايك على الناس وان خالفوه ففيهم وفيهم.. يمكن البلاء برأيك انت |
رد: ****
اهلاً ريما ..
صبرّ الله قلبك على فراقه وجمعكِ به وبمن تحبين في جنته بنظري لايحق لأحد ان يتدخل في عودتك ويفسر اسبابه ... لكل شخص منا خصوصياته وطريقته المختلفه سواء في التعبير عن الحزن او الفرح منهم من يلجأ الى المنتدى في وقت حزنه ليعبر عن ما في داخله ومنهم من يشارك لينسى ألمه وحزنه وان كانت هناك اسباب اخرى فما الهدف من البحث ورائها؟ لاتهتمي لما يقال عنكِ الأهم ان تفعلي مايناسبكِ انتِ فقط كوني بخير ياجميلة (j) |
رد: ****
لكل مجتمع وصف لحالتك ولكل مكان عادات واحكام ..
ممكن عندكم الامر عادي والحزن في القلب . والخروج من قالب الحزن هو الفوز والفرح عند المحيطين بك . لكن عندنا يختلف على حسب المفقود او المتوفي .. حتى الواتساب ماينفتح عند البعض اشهر ليس حزن لكن خوف من الانتقادات اللاذعه .. انا صراحه دامك طلبتي الصراحه انتقدت دخولك وبغيت اعقب على ردك الفراشات ومدري ايش برد ينتقد عودتك بكل هالسرعه لكن راعيت مشاعر الحزن اللي عندك ولاعاد فيني مجادلات تعبت وشيبت ... |
رد: ****
اقتباس:
قبله كان الي حاولي يواسون لا تبكي لا تسكتي كلي اشربي كلي اشربي لا تقعدي لوحدك ابات معك كلميني تكلمي معنا كيف كيف...برابع يوم حسيت لاول مرة بالجوع و طلبت لاكل و بكل لقمة احس بتانيب الضمير اني جعت هههه بيني وبين نفسي اتخيل الي حولي يقول بها السرعة رجعتي تاكلي بها السرعة رجعتي تنظفي البيت بها السرعة فتحتي الكتب تدرسي ولادك..ولك خاطر ؟! فالناس حولك يقولون لك لا تحزني قومي...وان قمت يقولون لك الله ليش قمتي؟! ماني غافلة عن افكار الي حولي من اراهم راي العين ومن اتحسس ما يشعرون باحرفهم وحتى الصمت...في صمت معبر بشكل رهيييب يقيسون محبتك لفقيدك من شدة جنونك بفقده يعني يطبطبون و يواسون ويقربوا الاكل لفمك ...بس لازم تكون ذكي بما يكفي ان لا تفتح شدقك! يعني نصير مجبرين نحزن بين انفسنا و نحزن للناس قلت لك...استغرابك لا استغربه لاني استغربت من نفسي والايام الي راح تظهر لي حقيقتي لنفسي هل انا فعلا ما احس ...او اني مثل الغنمة الي سرقها الحديد ولسا مو واعية انها مذبوحة |
رد: ****
اقتباس:
ان سالني احد الحين كيف تحسي بحلف له اني والله لا احس بالحزن ابدا برجع عقلي يدور على سبب منطقي للوضع القى بس لا يكلف الله نفسا الا وسعها يعني يا فلانة انتي خلقك الله كذا لما عشته وما تعيشينه وما قد تعيشنه قادما ..لو كنتي مخلوق هش...ما وقفتي على رجليك...تقبلي حقيقة انك كائن متبلد مع ذلك ايضا تجيني حالات احس بهستيرية داخلي ...كانه شي يموت داخلي ولا راضي يموت ..بغضب من كلشي و لا شي محدد حتى اوجه له غضبي وابرد |
رد: ****
اقتباس:
الواحد يقدر يحارب كل من حوله ويصبر على ذلك اطول فترة...الا نفسه و حقيقته راح تغلبه مهما قاوم يعني كان فيني ما ادخل للمنتدى و اغيب كم شهر لاتفادى كلام احد او تفكيره ...لكن نفسي قالت ادخلي ...دخلت...اذا قالت اطلعي بطلع يستحيل ان ادعي الكابة و الانغلاق لخاطر احد...ما اقدر حتى لو حاولت انا كذا ...اذا حسيت اني بخير وقادرة دخلت...اذا غبت فبكون غايبة لاشياء منعتني حقيقة وليس برستيج ابدا |
رد: ****
اقتباس:
خاله توفى قبل سنتين ...زوجته جات لعندنا روحها بتزهق من البكاء على زوجي وزوجها ايضا ...المراة للان تتعالج نفسيا عند اخصائي...انا كنت اقول لها تعوذي من ابليس عوض ما هي تجي تطبطب علي! كل واحد و داخله و قدرته وكيف يعبر و شنو دافن بصدره انا ما ادري صراحة وش فيني الامر لايتعلق فقط بالوفاة ....ترى حتى فترة السبع اشهر الاخيرة من الاحتضار كانت عجيبة قبلها اشياء لو حكيتها تقولي كيف تخطيتيها لا علاقة لها بمرض زوجي او وفاته حاليا حاليا في مشاكل مضطرة اخوضها بعد واتعامل مع بشر تقولي لو دريت عنها كيف قادرة تمسكي نفسك شوف ..انا لست جماد...احس بالم الاخر و ابكي واضحك واغضب وكوول شي لكن احس في عندي صمام امان بما يتعلق بمشاعري ...لما تصل الامور لمنعطف خطير...تنطفئ قدرة الاحساس عندي ولا يعود يشتغل فيا الا الدماغ حاليا كذا ....باااااااردة...بس اخطط وارسم وابني براسي بنتي ..بعد ثلاث ايام من وفاة ابوها عملت امتحان فيزياء اخذت 19/20 ...تفوق كان بيتهم مافيه شي...وترى امها الي كانت متربعة الارض معها تدرسها! على قدر ما قد ابدو قاسية ...على قدر ما احمد الله على ذلك...وعلى قدر ايضا ما تمنيت اني ما اكون مضطرة لما انا عليه الي يجي براسك قوله اسوء من الادعاء عندي ...الشفقة فلا يعتقد احد اني اقول ما اقوله ليشفق علي...لي من عزة النفس ما اهد به الكون لذلك ما احكيه عن نفسي ..مجرد افراغ ما بي ...ولو كان المنتدى يحتوي فردا يعرفني شخصيا ما كنت تكلمت ابدا |
| الساعة الآن 05:04 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir