منتديات قصيمي نت - قصيـدة இ آخــر دروبـــي இ ●• فهـد المسـاعد•●

◄◄ســلآم عليكم ■■

قصيدة Oآخر دروبيO

.. هي تقريباً اخر قصيدة نزلت للشاعر فهد المساعد ..

يا بشر تكفون حلـّو عن سـمايه
ما يصيب الهرج لو الهرج صـوبي

كم سكـت لـكم بما فـيه الكفاية
اشتمـونـي لو زعلتوا واشـمتوا بي

عـيبوني واتـركوني فـي عـمـايه
واتـركـوا لـي واحد يرضى عيوبي

اتركـوا لي واحـد يـمـسح شقـايه
كـل مـا حـط الـزمـن دوبه ودوبي

ذاك والله لـو ذكرت انـه ورايـــه
اشعر إن الكون كله وسـط ثـوبــي

يـكفـي انـه لـو يـسولف للمرايه
كن صوته يهمـس لصورته.. ذوبـي

كيف أنا ما أذوب ما دامه مـعايه
اسمعه وأسهر معه لاول ذنوبـي

كل ما قال الـسهر درب الـغوايـة
قلت كـله من عيونـك هبـّـلوا بي

وكـل ما قـال الـخطا ماهـو خطايه
قلت له قل للعيـون الـسـود تـوبي

ضيعتـني واسـأل الله الهدايـه
وين أجيب العقل.. أجيبه من جيوبي؟؟

من يـعرفـك ما يدل الـعقل راية
يا شروق العمر.. مدري يا غروبي

أذكر انك كـنت لي مثل الـهوايـة
لو تروح ولو تجي يـبقى شـحوبي

بس مدري كيف صرت اليوم غايــة
وصرت أجي وأروح مدري عن دروبي

يا بعد عـمر الكـتـابـة والـقراية
يا الـشـمالي يابـو الملح الجـنـوبي

لا قـريـت اللي كـتـبته يا رجـايه
رح وبلـغ ربـعي اللي جننـوا بـي

قـلهم يمكـن يـخلون الـوشـايـة
و إن تـمـادوا خـلهم مهما حكوا بي

أنت خـلـك بس في الـدنيا عـزايه
لا تفكر في العـواذل وأنت صوبـي

ادري إن كــل درب ولـه نـهايـة
بـس أنـا بـاقـي معك لآخر دروبي

◄◄وهذي هي القصيدة بصوت الشاعر ►►

http://www.saaup.com//./extension/mp3.gif

دُمتم بخـيرhttp://www.qassimy.com/vb/images/icons/icon7.gif