منتديات قصيمي نت - قصيدة شعرية عن الخيانة

السلام عليكم

اقدم لكم هذة القصيدة الشعرية

ولا ادري قد تجدون صعبوة في الفهم لانها

قصيدة كما نطلق عليها في ليبيا

شعر شعبي

وتقول القصيدة

ياعزيز ابدعت...بالعين ريتك ما عليك سمعت...خوان عشره

مــاعد فيها
ريت الفضيـحه ماسمعــت عليها
خـــــونه اقـــدرت اتديرها تجنيها
شيطان عقلك ف الخطـــا تبعـت
خليتنى حــــــاير ونحكــــى بيها
حتى ونا عزمـــى قــوى دمعت
لكــن بــعد مـــا دنيتى جـــافيها
لاحســاس واحـــــد دنيتك ودعت
وكيف ما انسيت او سيرتى ناسيها
بالشمع لاحمـــر سيرتك شمعت

عينى عينك
ما تقول عشرة عمر بينى او بينك
طــار الحشم منك وناســى دينك
حيرتنى ليش ع الخطا اســـرعت
وخليت ليش العار فـــــوق جبينك
وليش النذاله شـــورها اندفعـــت
ومثلت ليش الحب طــول اسنينك
ومعــاى ليش البال مـــــا وسعت
اخســـاره القيتك زور فى تكوينك
اوكذبه كبيرة ف الزمــــان طلعت

وين وعودك
وين الكلام السمح وين او ورودك
درت الخطا والعيب فت احــدودك
نحسابك معايا ف الحنان شبــعت
الباين ورثته من اجــدود اجدودك
غـــدر المحبه طــاوعك طــاوعت
هديت عمـــرى الله ايهد اهدودك
كيسان مــــرك خاطــرى جرعت
فكيت مــــن قلبى اليوم اقيودك
يكفـيك مــا فيا اللـــى وجــعــت

ياعزيز ابدعت...

ان شاء الله عجبتكم

وعلى الله فهمتو علي اللهجة الليبية