منتديات قصيمي نت

منتديات قصيمي نت (http://www.qassimy.com/vb/index.php)
-   ملتقى الحوار الفكري المفتوح (http://www.qassimy.com/vb/forumdisplay.php?f=5)
-   -   المزاج والنفسية اليوم .... زفت (http://www.qassimy.com/vb/showthread.php?t=57439)

الصواعق 31-01-06 02:01 AM

المزاج والنفسية اليوم .... زفت
 

السلام عليكم


المزاجية لدى تتغير من فترة لفترة ، مرة سعيد ، مرة حزين ، أحيانا متفاءل وبعض الأحيان متشائم ، مرة طموحي يصل إلى الثريا ، ومرة أخرى لا تتعدى أخمص قدمي وصايرة الدنيا عندي (( ماتسوى تبن ))

وربما هذا شيء عادي الكل يمر به كل الناس ويعتبر شيء عادي لا تستحق كتابة سطرين ناهيك عن موضوع كامل ..!

ولكن اليوم ،يوم غريب جدا لدي
دعوني أختصر لكم ماحدث لي
في البارحة ذهبت إلى مولد (( في الأساس داخل النت حتى أكتب الموضوع عن ماحدث لي في المولد ، لكن المزاجية غلبت علي وهوّنت عنه )) وبعد ماعدت منه كنت أريد أن أسخر مما قرأته وأن أصف ماحدث لي هنا في المنتدى ، ولكن قلت الصباح رباح .
أويت للفراش ونمت وحلمت (( كابوس )) وصحيت مفزوعا من الحلم وكان قبل آذان الفجر بقليل ، فتمددت على الفراش وجلست أفكر وأفكر وأرمي همومي على هذه المخذة التي أضمها وكأنها (( عشيقتي )) ولا أخفيكم في بعض الاوقات أجلس أحكي لها وأفكر معها ..وأبادلها الحديث وأتغزل فيها . وأتخيلها بدر البدور ولا قوت القلوب ، ولا أدري أني أكلم مخدة إا عندما أضيء نور الغرفة ....!
مالكم بالطويلة
صحيت الفجر وصليت وقلت مالك إلا البحر يابوعابد ، ودقيت سلف ورحت هناك وأول ماوصلت هناك وأفتح الشباك أشم ريحة (( فطيس )) وتسد نفسي ، وقلت يمدحون الفراش (( عاد لي النعاس )) وأويت إلى الفراش وجلست هناك في الغرفة أمسك أقرب كتاب وطلع كتاب (( مختار الصحاح )) وأقرأ الغلاف وثم أرمي الكتاب أقصى الغرفة وقلت لابوك لا أبو من كتبك (( ناقص فحصى..! )) وأغط راسي وأنام وأقوم على كب سطل الماء من أبوي وأسمع كلمته الرنانة (( قم الصلاة يالوح )) وجلست أناضره بقهر وأقول بنفسي (( ياحلاة من يسوي حركة المقص مثل برت هارت )) المهم وأصلي الظهر وأفتح النت على أساس أكتب لكم الموضوع اللي قلته لكم ، مااش النفسية والمزاجية تعبانة . قلت يارجال العصر يمكن تركب معك ، أطلع الغرفة وأجلس أقرأ ذكريات في بيت الموتى لديستوفيسكي (( شوفوا المزاج )) المهم غطيت راسي بالكتاب وخذ لك نومة وأقوم على صلاة العصر .

قمت وصليتنا العصر ولعلنا بالخير وتقهويت مع الأهل . وأبي الفسية تفتح أحس أني مخنوق ، قلت يا رجال أطلع ورح تمشى في الشارع وخذ لك لفة ، أول ماطلعت من البيت لقيت هوشة بين هنود ، وقلت يا ذي النيلة نبي شيء يفتح النفس ناقص هواش وغثى وأتفرج عليهم وهم يتضاربون لين شفت واحد مسخها زود على الثاني وفكيت بينهم وثمن رجعت البيت ، وأنا مزاجي مقفل قلت مالك إلا البلاي ستيشن من زمان عنّه ووأروح للجهاز وألعب كورة قدم وأندك (( 7/1 ))
مع أنه بالعادة أني أفوز أنا بهذي النتيجة .! .. قلت يارجال غير الشريط وحط شريت مضاربة وحط فلم مضاربات وحط حرتك بهالدنيا على هالشريط ، وأجلس ألعب وألقى الضرب يجيني أنا ...!
المهم أطفش وأطلع برى البيت أتمشى بالسيارة وأجلس ألعب بالجوال كل مادقيت على أحد طلع مشغول ولا مقفل الجوال ..!!
قلت (( الحين يوم صرت أبيكم وأبي أسولف معكم محد معبرني..! قابلوني لو رديت عليكم يالجحلّط .. والله لافصل الجوال مرة ثانية )) << يحس أنه مهم .. مايدري انه محد طاق له خبر .!
رجعت البيت وصليت المغرب ، وجلست أتفرج على التفلزيون وشفت فلم بط تسبدي زوود

فلم الغيرة مفصولة ، رجل يحب وحدة وذيك الوحدة تسحب عليه وتحب خوية ورفيق دربه ، والخوي خان صديقه وحب ذيك وعاشرها ، وطلعت الحرمة حامل من الأول ، لكن مصرة تتركه وتحب الثاني وتولد وتززوج الثاني والأول يجلس يربي الولد وصار صديقه وماتركه وعلاقتهم تحسنت أكثر ..!

الله يذكرك بالخير يالهادي (( أخو هارون الرشيد )) كان غيور جدا ، وعندما رأى أمه الخيرزان الناس تجي حولها وتروح ويقضون حوائجها عنده ، قام بالحجر عليها وتوعد الذي يدخل إليها بالقتل ، كل هذا بسبب الغيرة وما قال عادي عادي
شلون لو كانت حبيبته ولا زوجته ..!
أشك أنه بيقطعه حتت حتت وبيخليها كفته

وكذلك سليمان عبدالملك الأموي (( أنا في الحقيقة ماطيق هالخليفة )) كان غيور جدا وكان دايم يخصي المغنين ويكرههم بسبب قوله أنها بريد الزنا وانها تخرب النساء
وياسلام عليه
تخيلوا سليمان بن عبدالملك مكان عبدالله بن عبدالعزيز (( وش راح يسوي بالوليد بن طلال وآل براهيم )) اللي يدعون للزنا والدعارة من خلال أفلامهم .. ياترى ماذا سيعمل ؟

هذا ماصار لي اليوم وإلى الان الحالة والنفسية سيئة جدا جدا ، ولا أعلم لماذا ؟

قد يأتي أحد الأعضاء ويقول : (( وش فيك جايب قصة حياتك ، وش لنا دخل فيك ؟ )) أقول له
هذه المساحة فقط للفضفضة ..

ومن هذا الموضوع احب أسأل ..
أخوتي الكرام
أكيد احد مرّ عليه مثل مامر علي اليوم ، (( نفسية زفت ))
وش تسون بهذا الوقت؟
تستسلمون للفراش وتنامون ؟
أم تحلسوا وتفكروا؟
أو بماذا تقضون الوقت والفراغ ؟


و
و
ودمتم بود :)

العاذريه 31-01-06 02:15 AM

اول شي بسم الله على قلبك والبلا مبيّن من توقيعك
اديها ملبن تديك طراوة
ثاني شي استغفر ربك واحمده على النعمة اللي انت فيها ويكفيك انك تقدر تقول اللي بقلبك بدون ما تخاف من احد
الصواعق
موضوعك كنه قرصان على عصير بردقان
المفروض تصير زيي لاني اذا شفت هوشة اسفهل وتنفرج اساريري ياربي لك الحمد وتذكر انت هوشتي بتركيا يوم اقولك وغيييره وغييير ه كثير>>والله من الشر
بالنهاية اقولك الله يوسع صديرك ياخوي
وتستطيع ان تواجه المستحيل بـ
(إحسان الوضوء وركعتين لايعلم بهما غير الله تشكي بها همك وتطلب الفرج منه سبحانة)



الصواعق
تعال للترفيهي دامني شاترة انا وباقي خلنا نكمل عليك

الصواعق 31-01-06 02:19 AM

اقتباس:

المشاركة الأصلية كتبت بواسطة بشـــــاير
اول شي بسم الله على قلبك والبلا مبيّن من توقيعك
اديها ملبن تديك طراوة
ثاني شي استغفر ربك واحمده على النعمة اللي انت فيها ويكفيك انك تقدر تقول اللي بقلبك بدون ما تخاف من احد
الصواعق
موضوعك كنه قرصان على عصير بردقان
المفروض تصير زيي لاني اذا شفت هوشة اسفهل وتنفرج اساريري ياربي لك الحمد وتذكر انت هوشتي بتركيا يوم اقولك وغيييره وغييير ه كثير>>والله من الشر
بالنهاية اقولك الله يوسع صديرك ياخوي
وتستطيع ان تواجه المستحيل بـ
(إحسان الوضوء وركعتين لايعلم بهما غير الله تشكي بها همك وتطلب الفرج منه سبحانة)



الصواعق
تعال للترفيهي دامني شاترة انا وباقي خلنا نكمل عليك

هههههه
حي الله والله

تدرين من الصبح وفاتح الصفحة على الترفيهي وعجزت أرد
حتى بموضوعي ماقدرت أرد مدري ليه ..!

وبخصوص موضوعي قرصان على عصير بردقان ..
أول مرة أشوف أحد أنصف موضوع من مواضيعي
أنا أحسها كذى دايم (asl)

والله يسلمك
ومشكورة على جبرك خاطري

بس صدق النفسية زفت وماتسمح لي أروح الترفيهي باتسر ولا عقبه يمكن تروح العنزة وندهر هناك

والحمدلله على العافية واللهم لا اعتراض

وبالمناسبة أهديك أغنية أمي مسافرة وحعمل حفلة اللي يغنونها المصارية
إن شاءالله تعجبك

العاذريه 31-01-06 02:20 AM

ايه ..نسيت ارد..!

أخوتي الكرام
أكيد احد مرّ عليه مثل مامر علي اليوم ، (( نفسية زفت ))



اللي يقولك لا كذاااب والشكوى لله


وش تسون بهذا الوقت؟

علمتك وانا امك>>مصدقه

تستسلمون للفراش وتنامون ؟


يمين بالله مرت علي هالحالة البارح وحسيت اعوذبالله ان روحي بتطلع والحمدلله عدت على خير



أم تحلسوا وتفكروا؟


قل(لااله الا انت سبحانك اني كنت من الظالمين)

أو بماذا تقضون الوقت والفراغ ؟


متوزع طلعات وزيارات واستقبال امة محمد>>بيتهم خري مري عسى الله يديمها
واحب اقرا احيانا وادخل نت كل دايم ..هذا اللي ببالي

المتحد 31-01-06 02:24 AM

شئ طبيعي
وكل شخص يعرف حجم وبعد ( تطينة ) المزاج
إذا هي تجي وتروح بنظام المناعه الداخليه خير
وإذا هي ماتندف إلا بمسكنات
غير من نظامك
أو تعلق بأي شئ يسببلك الإنتعاش
ولاتجرب الخلوه بدون ضوابط
لإنها بوابه ماتعرف هي أتوماتيك وألا باب حديد
أجل مصقوع بسبعه واحد شكل قولك بلنتي
خخخخخ << هذي بس لزوم الفرفشه
.

الصواعق 31-01-06 02:29 AM

اقتباس:

المشاركة الأصلية كتبت بواسطة بشـــــاير
ايه ..نسيت ارد..!

أخوتي الكرام
أكيد احد مرّ عليه مثل مامر علي اليوم ، (( نفسية زفت ))



اللي يقولك لا كذاااب والشكوى لله


وش تسون بهذا الوقت؟

علمتك وانا امك>>مصدقه

تستسلمون للفراش وتنامون ؟


يمين بالله مرت علي هالحالة البارح وحسيت اعوذبالله ان روحي بتطلع والحمدلله عدت على خير



أم تحلسوا وتفكروا؟


قل(لااله الا انت سبحانك اني كنت من الظالمين)

أو بماذا تقضون الوقت والفراغ ؟


متوزع طلعات وزيارات واستقبال امة محمد>>بيتهم خري مري عسى الله يديمها
واحب اقرا احيانا وادخل نت كل دايم ..هذا اللي ببالي

خري مري << الله يحوم تسبدك وش هالكلام ؟ (q41)

<<< من زين الطبايع مالقى إلا هالكلمتين يعلق عليها

بشاير
الله يجازاك خير وترى كل هالأدعية قالته لي أمي الله يحفظها ولا جابت نتيجة
اللهم لا شماته << أقصد لا اعتراض
والحمدلله على كل حال

الصواعق 31-01-06 02:36 AM

اقتباس:

المشاركة الأصلية كتبت بواسطة المتحد
شئ طبيعي
وكل شخص يعرف حجم وبعد ( تطينة ) المزاج
إذا هي تجي وتروح بنظام المناعه الداخليه خير
وإذا هي ماتندف إلا بمسكنات
غير من نظامك
أو تعلق بأي شئ يسببلك الإنتعاش
ولاتجرب الخلوه بدون ضوابط
لإنها بوابه ماتعرف هي أتوماتيك وألا باب حديد
أجل مصقوع بسبعه واحد شكل قولك بلنتي
خخخخخ << هذي بس لزوم الفرفشه
.

والله من تالي يالمتحد صارت ماتندف الا بمسكنات
المشكلة محل السوبيا مسكر ولا كان دفيناها بكم قدحا من السوبيا المعتقة .. يمكن يمشي الحال وتفتح بوجهي الدنيا

وبخصوص أني أغير نظامي .. وش قصدك ؟ << تحتاج تفسير
وبخصوص الخلوة ، ياخوي بهالوقت ماطيق أجلس مع أحد ، ولو جلست جلست ساكت .

وبخصوص الدكة
تصدق الهدف جبته بأول هجمة .. وثمن انهمرت السبعة في المرمى كالسيل الجارف .. وترى الوقت خمس دقايق (( شلون لو صارت عشر ))
بس لا تستهين ترى لعيّب وادكك لو تبي (ask)

المتحد 31-01-06 02:43 AM

بس لا تستهين ترى لعيّب وادكك لو تبي (ask)

تبطي
الظاهر تعرف دروقبا وكريسبو ودوف وكول
وجونسن ومكاليل ولمبارد جرب وأطلع اوفر 2
بتجي شام الحين وتقول شو يالصواعق قلبت الموضوع سوالف
<< يمزح والله ياشام بس ماسكه تستسه
.

العاذريه 31-01-06 02:49 AM

اقتباس:

المشاركة الأصلية كتبت بواسطة الصواعق
خري مري << الله يحوم تسبدك وش هالكلام ؟ (q41)

<<< من زين الطبايع مالقى إلا هالكلمتين يعلق عليها

بشاير
الله يجازاك خير وترى كل هالأدعية قالته لي أمي الله يحفظها ولا جابت نتيجة
اللهم لا شماته << أقصد لا اعتراض
والحمدلله على كل حال

قصدي رايحيين جايين وجع يوجعك

الصواعق
ساااادّه كل مايجيك<<ابووك يالقلبات
واللهم لا شماته

شام
تكفين اقلعيه بقريح>>اقاله عصبت

شيخة الكعبي 31-01-06 03:06 AM

وعليكم السلام ورحمة الله وبركاته


هلا بأخـويـة بوعابد :)

الله يعينك وترانا كلنا فالهوى سوا .. مثل مايقولون يوم لك ويوم عليك !


بس ان شالله نفسيتك الحين تمام ؟!




بالنسبة لأسئلتك


أنا مزاجية كل يوم لي حال !

مرة مستانسة ومرة حزينه ومرة مضايقة ومرة بطير من الفرحة بس ليش مادري


مزاجيات دوت كووم



يوم اتضايق ادعي ربي يفرج عني واقرا قرآن واكثر شي ادش النت وبالاخص قصيمي واتجنت فتح المسنجر عشان ماكلم حد ولا اضيق على حد !


بس اكره حد يكلمني يوم اتضايق

وماحب حد يتصل فيني وقتها ولا احب حد يكون وياي اقفل على عمري باب الغرفة واقعد بروحي


وايلس اسمع اناشيد خصوصا الحزينه وادخل جو وياها واصيح هههه



وعاد يمر قدامي شريط الذكريات الحزينه الأليمة

واتضايق أكثر




الساعة الآن 11:00 AM.

Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By Almuhajir