|
روايتي 3: الله يخليك ضمني و حسسني بالامان
قريباا روايتي الثالثه
ابغاا اشووف حماسكمم لان راح تكون الروايه 50 باااارت سوال 1:تبغون اعلمكم الشخصيات مع الروايه او اقولها لحال و ابدا بروايه سوال 2: تبغون ادخل عبارات مع الروايه او لا راح اقتبس بعض الافكار من روايات اخرى و منها بيكون من تأليفي اشوفكم قريبا |
رد: روايتي 3: الله يخليك ضمني و حسسني بالامان
السلام عليكم رورو .. بأمانه يعجبني إصرارك على الاستمراريه ما شاء الله عليك رغم إن مافي تفاعل للأسف نلاحظ إن عدد المشاهدات كثير ولكن المرور يكون من شخصين ... مدري ليه المتابع بما إنه أتعب نفسه وقرأ شو اللي يمنعه يحط تعليق لو هو بسيط ترى هالشي يساعد الشخص يستمر ويقدم الأفضل يكل مره لكن رغم هذا ما زلت أشوف إصرار رورو نقطه إيجابيه بشخصك تحسب لك عكسي تماماً كنت أحب انزل شيلات وقصائد من إختياراتي لكن لعدم وجود تشجيع بصراحه صرت نادر أنزل شي صحيح نحن إذا نطرح شي يكون لأنفسنا .. ولكن ما ننكر إن المرور والتشجيع يعطي دافع قوي لكي نستمر بالنسبه لروايتك القادمه أنتظرها على احر من الجمر إجابه على سؤالك .. إذا بالروايه شخصيات كثير لا تذكريها ككل بصراحه ننسى الأسماء هههههه سؤالك الثاني ما فهمته ياليت توضحي عندي إقتراح ... ليه ما تدخلي مع الروايه مقاطع شعريه كصوت أقصد طبعا هالشي إذا كان مسموح من قبل الإداره حلو التغير وندش جو ثاني علشان المتابع ما يحس بملل طبيعة الانسان ملوول والروايه تتكون من 50 بارت مثل ما ذكرتي فهنا لابد تدخلي شي يغير علينا جو القراءه هو مجرد إقتراح لا أكثر وايد حكيت ههههههه أنتظر إبداعك القادم عزيزتي تحيتي لك |
رد: روايتي 3: الله يخليك ضمني و حسسني بالامان
هلا رورو
فرحتي كبيرة ببقائك معنا برواية أخرى وانا مع كل الكلام اللي قالته سما بالنسبة لاقتراحات الرواية .. وبالنسبة للمقاطع الصوتية مسموح لكن بدون موسيقى وان شاءالله نثبت الرواية الجديدة بالقسم طول الفتره القادمة فأنتِ يارورو مثابره واصرارك يستحق المكافأة انتظرك بشوق |
رد: روايتي 3: الله يخليك ضمني و حسسني بالامان
اقتباس:
. . يالله منك ي سماء صافيه تعرفي قد ايش بتجنني بتعليقاتك الله لا يحرمني من وجودك من جد انتي طبعتي بصمه لك يعني اذا ما شفت تعليقاتك احزن و امل اذا نزت و ما شفتيهاا انت منجد شي ايجابي برواياتي بنسبه لسوالي الثاني هوو اقتارحك يعني اني ادخل فروايه ابيات شعر و مقصايد اشوي من كلمات اغاني و لي الشرف انك تتكلي واااايد و انتظر ابداعات عليقاتك ي عمري استناكي بفارغ صبري لتعليقاتك يي تشوق دمتي ورده عاطره |
رد: روايتي 3: الله يخليك ضمني و حسسني بالامان
اقتباس:
الصراحه يا قلبي ما اعرف كيف ادخل مقاطع صوتيه يمكن اجيبها بعبارات و شكراا لك و لكلامك يلي مثل الفل و الياسمين فديتك |
رد: روايتي 3: الله يخليك ضمني و حسسني بالامان
اقتباس:
تسلمي عزيزتي كلامك شرف لي ووسام أعتز به لاخلا ولا عدم |
رد: روايتي 3: الله يخليك ضمني و حسسني بالامان
البارت الاول ....صلو ع النبي
في فرنسا و تحديدا في باريس الساعه 6 الصباح قامت وهي تتمغط جلست وهي تناظر الساعه وقفت اخذت لها دش و طلعت لبست بنطلون عودي مشجر و بلوزه بيضاا ساده و جكيت لون اسود رفعت شعرهاا لفوق و تعطرت و نزت شافت امها و ابوها ابتسمت : صباحوو امها: هلا الله يصبحك بالخير ابوها: هلا بدلوعة ابوهاا سلمت ع راسهم و جلست جنب ابوها: هلا فيك ي غالي ابوها: كيفك عساك طيب :الحمد الله ماشي الحال امها: كيف الجاممعه زفرت بهدو: تمام امها: تبغين فطور ولا بتفطري الكفاتيريا بالجامعه ؟ : لا بروح اشوي بتكون عندي محاضره ابوها:انتبهي لنفسك الله يخليك : لا توصي حريصه دلوعتك سلمت ع امهاا و ابوهاا و راحت دخلت الجامعه كان اول يوم لهاا لاكن مو اول مره في اوروبا كانت كل الانظار عليهاا و ع جمالهاا الرباني .وحده من بنات الجامعه:واو شاايفين الكل:باين انها اجنبيه مو عربيه وقف واحد من الشباب و غمز لهم و راح لها كانت تمشي وقف قدامهاا الشخص بالانقليزي: مرحبا<<<< اذا تكلمت باللغه الفصحى هذا للانقليزي ناظرت فيه و بهدو: نعم ؟ الشخص:اوو يعني عربيه ...باين جديده : و اذا جديده مثلا بتفيدني بشي ؟ الشخص بفشله: احم لا بس تعالي معانا بشله : شكرا بفضل اجلس لوحدي راحت و خلته الشاب انحرج و رجع: البنت عربيه الكل: من جد ؟ الشاب: تو متكلم معهاا وحده من البنات جاتهم: شفتوهاا ؟ الكل:اايوا ؟ ......: تراهاا بنت عبد الرحمن محمد ال...... الكل انصدم: اووووو اما عاد . . . بسعوديه تحديدا في جده صحي ع صوت ازعاج الباب : خيييييير رولا: هياا قوم الساعه 12 الظهر محاظرتك الساعه 1 تافاف: اوووف خلاص طيب يلا اشوي و الحقي رولا: طيب و نزلت قام وهو يبعد البطانه دخل التواليت اخذ له دش مرتب و طلع لبس بنطلونه الاسود و بلوزته الزرقا سكرر ازاريرها و خلا ثلاث مفتوحه رتب شرعه و و تعطر و نزل ابتسم: صباح الخير الكل: صباح النور و السرور الجد:هلا بحفيدي باس راس جده: هلا فيك جدي سلم ع امه و ابوهاا ووجلس ع الطاوله امه:فينك تاخرت اشوي بتبدا محاظراتك : والله راحت نومه علي امش تدري جو الشباب و اخذناا العب و الحماس ابوه: الله يعين اكل لقمتين و قام :يلا انا رايح سلم عليهم و اخذ اخته و راحو وصلهاا الثانويه و وصل جامعته متاخر 3 دقايق دخل الصف: احم السلام عليكم الكل:رد السلام ناظره الدكتور الدكتور: خير متاخر ي طالب : اعذرني ي دكتور كنت اوصل الاهل الدكتور: اهاا اجل اطلع براا <> الدكتور ما يعرفه لانه توه جديد رفع حاجبه:و مين انت عشان تطردتي برا المحاظره الدكتور عصب: انقلع الاداره بسرعه لاحقك واحد من الطلاب:اووو شكل الدكتور ما يعرفه ولد مين الدكتور سمعه: ولد مين هذا ؟ يلي شايف نفسه علينا رفع حواجبه: متاكد تبي تعرف مين انا الدكتور : اخلص علي ورايا محاضرات طالع في الطلاب: قولو مين انا واحد من الطلاب: هذا ولد خالد محمد ال....... الدكتور اول ما سمع القب خاف و قمط : احم تفضل ادخل ابتسم بسخريه و جلس ع اول كرسه شافه . . . . . . . خالد(48 سنه متزوج بنت خالته ...انسان حنون يدير شركه ابووه في السعوديه اكبر واحد في اخوانه) سميه(39سنه متزوجه خالد ولد خالتها اهلهاا ماتوو.... تحب اولادهاا اكثر من كل شي و تخاف عليهم من مدق الابره ابوها اجنبي متجنس الجنسيه السعوديه) بطل روايتنا فهد(20سنه بشرته برونزيه بنيته قويه معضل مبينه تقسيمات جسمهه و مخقق بنات جده ..ماخذ ملامح امه كلهاا لون عيونه وسط عسلي فااتح شعره سواده سواد الليل مو طويل و لا قصير انفه سلة سيف مهتم بنفسهه ما يحب يهمل عمره شخصيته: واثق من نفسه محترم ما يغلط ع احد عصبي اذا احد كسر كلمته او جادله في الكلام ما يحب السماجه ولا الدلع الكل يهاابه و يحترمه) رولا(18 سنه 3ثانوي بشرتهاا بيضا عيونهاا بنيه شفايفها ورديه وسط جسمها حلو شعرهاا لونه اسود يوصل لنص ظهرها احلا وحده من بنات عماتهاا يحبونهاا طيوبه و ما تحب احد يزعل منهاا تحب اخوها الوحيد لانه مدلعهاا) . . . عبد الرحمن(46سنه بعد خالد بسنتين يحب اخووه كثييييير ماسك شركه ابووه الثانيه يلي في فرنساا و متزوج فرنسيه عشان ما يقع في الحرام و عايش بفرنسا مدلع بنته ااخر دلع ما يقرد يقول لها لا ) كرستين(38 سنه تزوجت عبد الرحمن بعد ما اعجبت فيه ودخلت بالاسلام بعد زواجهاا اهلهاا تبرو منهاا يوم دخلت الاسلام صح بالبدايه زعلت بس مشت للامور ) تماره(19 سنه قمت الجمال فيهاا عيونهاا ازرق دخاني بشرتهاا في قمة البيااض لدرجت خدودها و كف يدينها احمر شفايفها حمرهاا صغيره خشمهاا وسط و خدودهاا حلووه شعرهاا المايل للاشقر و العسلي يوصل لاخر ظهرها ما قدرت تتعلم اللغه الفرنسيه لان امها تعلمت اللغه العربيه بعد اسلامها) . . . خلصت من محاضرتها اولى ما عرفت كيف ترتاح من انظار الناس لها و انو عرفو انها من عايله ال..... طلعت ع لكفاتيريا جلست ع وحده من الكراسي جاها واحد اجنبي جلس ع الكرسي مقابلهاا ش رفعت عينها و شللت السماعات تماره: ماذا هناك الشاب: لا شي فقد اريد التعرف اليكي تماره: لا اتعرف الى شبان و قامت و خلته انحرج ومقهور بنفس الوقت (سوف اوريكي) طلعت ما مداها تجلس الا بدت ماحضرتهاا تافافت و دخلت الصف جلست ع الكرسي انتهت المحاضره ع طول اخذت كتابها و طلعت راحت ع الفلا . . . . . عند فهد خلصت محاضراته طلع من الصف و حاسس نفسه طفشان اول يوم بالجامعه سامج اخذ شنطته و طلع كانت الساعه 2 الظهر دخل القصر دخل االجناح حقه و غير لبسه و لبس شي خفافي و نزل دخل المطبخ عارف الكل بشغل امه مديره بمدرسه اهليه و ابو بشركه و اخته نايمه بعظ ما رجعت من الثانويه سوا له سندوتش و اخذ كوب شاهي و نزلت لصاله الداخليه و جلس شغل التي في و جلس يتفرج . عند تماره دخل غرفتهاا غيرت لبجامه شرت لنص فخذهاا و بلوزه كنت نزلت ما لقت احد عرفت ان امها راحت المركز و ابوها ع الشركه . . . . . . . . . . .كذا بيكون انهيت البارت الاول من الروايه استناكم في البارتات الجايه |
رد: روايتي 3: الله يخليك ضمني و حسسني بالامان
البارت الثاني..........صلو ع النبي
عند تماره . عبد الرحمن:تماره وش رايك نروح السعوديه تماره: وش بنسوي هناك ؟ عبد الرحمن:نسكن هناك خلاص ..هنا غربه و انتي كبرتي ف لازم نرجع تماره ناظرت امها و ناظرت ابوها: ما يفرق معايا وين اسكن اهم شي راحتكم سلمت ع راسهم و راحت جناحهاا رمت عبايتهاا و شنطتها و انسدحت ع السرير تحس عمرها متكسر . . عند خلص من اكله و طلع الحديقه اخذ لفه و راح يمشي فيهاا دخل وهوو حده طفشان اشوي الا جواله دق رد عليه فهد:هلا ؟ ابو فهد: هلا فيك ..وينك فهد: بالقصر ! ابو فهد : جيت بدري ؟ فهد:مافي شي ضروري كله تعرف و كذا ابو فهد:اهاا طيب ..اسمعني روح خذ امك من المدرسه فهد: ليش وين السواق ؟ ابو فهد: معايا ابغااه بشغل فهد: ابشر ...قفل و ركب سيارته و طلع و راح ع مدرسه امه وقف و دق ع امه فهد:امي يلا ام فهد: يلا جايه طلعت و البنات طلعوو شهقوو يوم شافهوه وحده من البنات: واااااي يربي امه تجنن و هو احلا يربي وش هالعايله كلهم جنان فهد سمع كلامها ناظرهاا و هو رافع حاجبه ركبت امه و عطول انطلق ام فهد: اختك رولا اخذتهاا فهد: لا ذحين امرهاا طلع ع مدرسه اخته ووقف . بمدرسه رولا بحصه الاخير طلعت جوالها و جلست تلهب فيه دخلت الاستاذه شافت رولا معاها الجوال: هيي انتي رولا رفعت راسهاا و ناظرتها اشرت ع نفسها: انا ؟ الاستاذهة : لا امي وش يلي بيدك رولا وقفت : يلي بيدي جوالي عندك مانع ! الاستاذه: هاتيه ي وقحه ممنوع الجوال شكلك ما تعرفي رولا رفعت حاجبها: والله ي حبيبتي جوال ماني مديتكي اياه متى ما خلصت دخلته شنطتي الاستاذه تقدمت لها جات بتسحب الجوال لاكن بعدته رولا:قلت هذا جوالي الاستاذه: انقلعي انتي و جوالك للاداره اخذت جوالها و شنطتهاا لبست عبايتها تبي تقهرهاا ع اقل من مهلها و اخذت شنطتهاا: قد باي هههه طلعت و نزلت الاداره دخلت ع المديره:هاي المديره قمطت اول ما دخلت لانها تعرف عايلتها: هاا احم هلا رولا ناظرتها و جلست ع الكنب رفعت جوالها ودقت ع اخوها رولا:الوو فهد فهد:رولا ؟ مو انتي بالمدرسه رولا: الا ! احم تعال خذني مليت من هتبن يلي عايشته فهد: هههههه واقف اطلعيلي بس رولا ابتسمت: الله لا يحرمني منك ...ناظرت المديره يلي انشغلت في اوراقهاا قامت و طلعت رمت طرحتها ع راسهاا فتحت باب المدرسه و طلعت لقت اخ ها واقف ركبت ورا لانها شافت امها قدام فهد: لا بالقمر رولا:هلا فيك سلمت ع راس امها:هلا مامي ام فهد: هلا فيك ...ليش ماخذه جوالك للمدرسه رولا: مامي يعني اولي وم تعارف و كذا فاخذته بعدين انا ما اصور زي باقي قليلات الادب في المدرسه ام فهد: حتى ولو ي بنتي لا تاخذيه هذا لا يعني اني مديره او انك من عايلة ال.... تتكبري ع احد رولا:مامي خلاص..انا يالله افتك من الزفت يلي فيه اتا فهد: كفوو والله اختي ..ولا عيك باحد بس احد يسويلك شي قوليلي والله لاوريه نجوم الظهر رولا: ابشر هو بس خلي احد يقول شي .. فهد ابتسم . . . عند تماره حاطه السماعات وجالسه تلعب بجوالها اشوي دخلت كرستين عليهاا تماره شالت السماعات و عدلت جلستها و باست راس امها: اهلا تو ما نورة الغرفه كرستين: نورك ي قلب امك تماره: ماما اشك انك مو فرنسيه ؟ كرستين بضحكه: ههه ليش ؟ تماره: غريبه تتكلمي اللغه العربيه بطلاقه وش سرك ؟ كرستين: لي4 سنين اتعلمهاا و مع الايام الحمد الله تعلمتهاا تماره ابتسمت بس سرعان ما اخافت ابتسماتها: متى بروح السعوديه ؟ كرستين: خلال 3 شهوور عبال ما ننقل الاثاث تماره هزت راسها بايجابيه . . . عند الجد كان جالس دخل عليه فهد و رولا جلسو بعد ما سلمو ع الجد رولا: جدوو متى يجي عمي عبد الرحمن والله وحشني مره الجد ببتسامه: كلمني قبل اشوي يقول خلال 3 شهور راجع ع السعوديه و بيستقر خلاص فهد ابتسم بس تقلصت ابتسامته: زوجته و بنته بيجون ؟ الجد: ايهه رولا: جدي كلمنا عن البنت الجد مسك الظرف و فتحه اخذ الصور و مدهاا لرولا اخذتهاا و انصدمت من جمالهاا: جدي متاكد انهاا هي ؟ الجد: ايه هي الصوره الاول: جالسه فحديقه و متربعه و بحضنهاا كتاب و السماعات باذنهاا كان شعرهاا يلامس العشب الصوره الثانيه: كانت جالسه مع بنت و تضحك معاها الصوره الثالثه: كانت فليل جالسه بحوش الفلا وماسكه وررد بيدهاا الصوره الرابعه: كانت جالسه ع طاوله و بفمه حلاوه و كانت ماسكت طرف المصاصه رولا: ماشاء الله البنت باين تجنن من جد تحمست اشوفهاا فالحقيقه فهد اخذ الصوره و شافهاا رفع حاجبه هز راسه اعطاا جده الصور . . عند بنات العم و العمات رحاب: بنات والله ما اتركه بحاله لازم اسوب مقلب فيه رباب: المقلب بيكون بالليل يوم يجوو يناموو دانه: طيب كيف بيكون المقلب الكل بداا يفكر و يطرح افكار الين فالاخير قالت : لقيتهاا الكل طالعها روابي: وش رايكم نحط في بجايمهم دبابيس ؟ الكل ضحك: هههههههه والله حلوه روابي: يلا قومو من بدري عشلن مهر وحده ندمرهم اخذوو الدبابيس معلومه(العيال كلهم ينامو بغرفه وحده وعندهم دولاب يحطو ملابسهم سوا و كذاا و البنات نفس الشي هذا بببت جدهم) اخذوو الدبابيس ونزلوو ع الغرفه دخلوها مالقوو احد فتحو الدولاب و اخذو البجايم و طلعو غرفتهم حطو ببجايمهم ملابس وهم يضحكوون للي بيجيهم بالليل اخذ دانه الملابس و نزلت و رجعتهاا الدولاب اخفو الدابيس بالملابس و طلعت تجري شافت رولا فوجهاا سحبتها دانه مع يدهاا اول ما دخلت فرطوو ضحك: ههههههههههه رولا عقدت حواجبهاا و علمموهاا السالفه رولا: طيب ايش دخب فهد فالموضوع حرام عليكم روابي : كلي تبن انتي و اخوك هوو راس البلا حدي حاقده عليه . . مولازم اشرح لكم ابوهم و امها بس بقول اساميهم عبد الله<< ابو ماجد خلود<<ام ماجد ماجد(عمره 19 سنه عليه ملامح خاصتا نظرات عيونه يلي تحسسكي مسوي غلط و انتي منتي مسويه شي لونهاا بني غامق انفه سلت سيف شعره كثير لونه اسود بشرته برونزيه يحب يسويه سبايكي كل عيال عمه نفس الانف عيونه وسط مزيون يحب يرتب نفسه جسم معضل غامض كتوم مرجوج يحب يعمل مقالب للبنات ) دانه(17 سنه عيونها صغيره لونها بني شفايفهاا ورديه انفها وسط نحيفه جداا شعرها لنص ظهرهاا لونه بني غامق طول وقتهاا تضحك عمرها ما عصبت بس حساسه تخاف من قصص الجن) عبد الاله<<ابو الوليد مها<<ام الوليد <<فلسطينيه الوليد(اكبر حفيد عند جده من العيال 22 سنه عيونه وسط زيتيه انفه مثل ماجد بنيته قويه شعره رهيب كثيف جدا و احلا واحد فيهم بشعر لونه بني بشرته برونزيه اقرب واحد له فهد الكل يحترمه و يخافون البنات منه لا عصب بس وقت الفله يقلب 180 درجه) روابي(19 سنه عيونهاا وسط خضر افتح من اخوهاا شفايفها صفيره ورديه خدودهاا مليانه دكره احد يدغدغها ضحوكه تنحب ع طول بس بارده بعض الاحيان شعرهاا بكتافهاا اسود مثل سواد الليل) عبدالرحيم<<ابو حمد ايمان<<ام حمد >>اصلهاا اجنبيه متجنسه >>بريطانيه عيونهاا زرق حمد(عمره20 سنه عيونه كحليه احلا شي فيه نظراته شعره ع الون العسلي الغامق كثييييف بشرته بيضا يدرس اداره اعمال جسمه معضل كل البنات خافين عليه اقرب واحد له ماجد..ماخذ الرجه من ماجد صوت يجنن لا غناا يحرب اكثر شي يجلس لحاله يعشق الهدووء و الوحده) رحاب( عمرها 18 سنه عيونها كحليه عيونه وسط شفايفهاا ورديه بشرتها عاديه انفهاا صغير خدودهاا حلوه جسمها وسط شعرها لونه عسلي افتح من اخوهاا اشوي تكره مقالب ماجد حنونه و طيبه بس وقت الشر تقلب ) رباب(اختها من ابوها امهاا مي ايمان)(عمرها 18 سنه عيونهاا اسود وسك شفايفهاا ورديه وسط انفهاا صغير شعرهاا لونه اسوود حساسه جدا بس وقت الشر هي و رحاب يقلبون) اختها ما تقبلتهاا بالبدايه او بعدهاا مشت الين صاروو احباب . . . عند العيال ماجد: يربااه ابغاا اجرع البيت خلصوني حمد:ي شيخ اصبر اخذو مخك الوليد: ماجد اذا ما تبغا تلعب قوم عساك ما لعبت ماجد: يمه منكم اكلتوني بس العبو سريع الوليد:شكلي بكوش ام اللعبه اسكت دقايق حمد: بالع راديوو ماجد ضربه ع كتفه:قوول ما شاء الله حمد عند: ماني قايل قوم انقلع ماجد: ماراح اقوم و بقعد ع قلبك الوليد ضحك ع هالهم خلصوو لعبتهم و فاز الولبد و قام يتمطط:ابووكم ي شيخ ظهري تكسر جالس ساعتين حمد قام هو و ماجد يحركون اجسامهم: وش رايك نكلم فهد و رووح النادي احس من زمان عنه الوليد:حلووو وليش لا ماجد:يلا امشوو خلونا ندخل . .. . . . . انتهى البارت 2 القاكم بالبارت ال3 توقعااااتكم |
رد: روايتي 3: الله يخليك ضمني و حسسني بالامان
الله على ابداعك .. وقوة قلمك وروعتك في ربط الأحداث .. وتألقك في الانتقال من بارت لآخر هكذا انتي عزيزتي رورو مبدعه دائماً وستظلي مبدعه بإنتظار ابداعك بالبارت القادم حبي وتقديري لك |
رد: روايتي 3: الله يخليك ضمني و حسسني بالامان
قرأت البارت الأول من الرواية. بداية لا بأس بها. لكن لدي بعض الملاحظات على البارت الأول أو الرواية بشكل عام وهي التعريف بالشخصيات قبل البدء في البارت الأول. كذلك ذكر أسماء الشخصيات في البارت ليتسنى للقارئ الربط بين أحداث الرواية. شاكر ومقدر للأخت رورو جهودها المبذولة في هذا القسم. ولي عودة إن شاء الله لقراءة البارت الثاني في أقرب فرصة ممكنة. |
| الساعة الآن 04:06 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir