|
>>الزوج العصبي المزاجي<<
الزوج العصبي المزاجي (ekaj) الزوج المصاب بشدة الغضب عبارة عن قنبلة ذرية..على أتفه الامور ينقلب مزاجه..ويهلك نفسه بقوة الأنفعالات وكثرة الصراخ..ويثور لدرجة تصل الى تكسير وتحطيم ما امامه.. في لحظة من اللحظات قد يخسر أقرب الناس له ( زوجتة ) .. قريبه لي في بيت أهلها وطالبه الطلاق والسبب عصبية زوجها الغير طبيعية..ذكرت لي موقف واحد لعصبية زوجها..تقول:كنت طالعه معه في السيارة وطلبت منه حاجه وثار فيني على طول..سحبت نفسي وسكت..قال لي:زعلتي صح طيب انا أوريس..ويسوق السيارة بسرعة جنونية..تقول: أحسب إنا صرنا في الجو من قوة السرعة بس سكرت عيوني وقعدت أتشهد وأقرا قرآن..ولا اكتفى بذا الشي قعد يصدم الأرصفه ويدخل في التقاطع والاشارة حمراء..ويوم شافها خايفه قال لها:أحسن خلينا ننقلب المهم وصلت للبيت عقب ما إنهارت من الخوف والرعب وكانت حامل في الشهر الثامن..تقول ما صار له ربع ساعة إلا يوم جاء يبوس كل شي فيني حتى أقدامي علشان بس أرضى عليه..وهذا غيض من فيض..واللحين صار لها ثلاثة شهور طالبه الطلاق وهو رافض..لكنها تقول:لو يعلقني العمر كله ما رجعت له أهم ما عندي سلامة رقبتي..( وللعلم هذي الزوجة طبعها هادي وأقول سبحان الله لوكانت عصبية نفسه وشلون راح يعيشون مع بعض).. والاسئلة التي تتضارب في مخي: *ماهو الحل مع الزوج العصبي المزاجي في نظركم؟؟ *وما رأيكم في موقف هذه الزوجة من الطلاق هل هي على صواب؟؟ الوافيــــة (qq140) |
اقتباس:
وبقولك كيف اعامله لما يكون معصب اتركه يعني لو بغرفه اطلع لو براء البيت ادخل اكثر شيي ادخل لغرفتي حتى يهداء ما افتح معه اي موضوع نقاش ابدا لانه اذا ماوافقت رايه وهاذا الغالب بيصارخ وتسير سالفة طويله واذا هو فتح اسكت واسمع الى مايخلص بغالب اخلي احتكاكي معه جدااااااا قليل وابعد عن مايثير عصبيته خصوصا انها نوبات والحمد الله مايعيش معي بنفس البيت اما صاحبتك موضيع النقاش تفتحها بليل بغرفه هناك اعتقد بيكون هادي او في مطعم يكون وقت نقاش تبتعد انه تحتك فيه وقت رجعته من الدوام او وقت يكون في السياره هاذا رايي عموما تحاول تبعد عن مايثيره واعرف لك وحده الثنين عاصبيين وتهاوشو بسياره على موضوع تافه قام وضربها كف وهي ماقصرت خذت جزمتها << وانتم بكرامه واضربته على وجهه وصار يتضاربون حتى ضربو رصيف وانتهو بمستشفى مكسرين(a14) اما سؤالك الثاني ماني مؤهله للاجابه |
حنا نتكلم الان عن الزوج العصبي خلقه الذي يفقد اعصابه بسرعه ويفعل امور غير طبيعيه ومن ثم يندم عليها الزوج هذا يبيله ترصيص من قبل اهل الزوجه واعطائه مهله لتحسين وضعه وياخذون منه تعهداد وان لم ينفع معه فالطلاق افضل من الموت مع هذا الزوج |
الاحتوى هوافضل حل الرجل يحتاج من يحتويه والمراه خير من يحتوي الرجل ويمتص غضبه
|
اها الوافيه
الشخص العصبي مافيه اطيب منه يمكن تستغربين هالكلام بس يبغى شخص يفهمه يعنى يلزم السكوت اثناء غضبه . فيه اشياء ممكن انها تقراها في معالجة مثل هالحال وطريقة التصرف معها لايطلب منه شئ اثناء غضبه . تحاول انها ماتسمعه الا الشئ اللى هو يتمناه واذا بغت شئ منه تطلبه منه وهو هادي لاكن الطلاق تخليه آخر الحلول لان على مايبدو ان توهم متزوجين فيمكن يتعدل مع الوقت لان يمكن انه مازال جاهل ومع القت يتعلم لان كثير اللى في بدايت حياته الزوجيه ما يعرف يتصرف بس مع الوقت يتعلم .. وعسى الله يصلح زوجها ويسهل امورها |
ما عندي احد عصبي حتى انا بارده خخخخ بس الي اعرفه ان العصبي حيييييل طيب وتقدرين تاخذين منه الي تبين من روحات وطلبات و و و لو تطلبين لبن العصفور جابه لك بس هذا وقت هدوووئه ووقت غيضه لا تناقشينه لان بالاخير بتكونين انتي الخطا راكبك راكبك لو هو الي فيه الخطاء |
http://www.qassimy.com/vb/showthread...28#post3429328
كتبته بعد ماقريت موضـــــوعك الله يصبرها ياارب وأتوقع العصبيه طبع مستحيل تقدر تغيــــــره بس تتعوذ من الشيطان وترجع له مادامه يعتذر ومتمسك فيها دليل على حبه لها خليها تحاول تكسبه وتبعد عن الأمور اللي تغضبه الله يصلح مابينهم ويلهمها الصــــــــــبر ... |
هلاااا وغلاااا حبيبتي سحر
اقتباس:
|
اقتباس:
تشرف موضوعي بمرورك الكريم ومداخلتك القيمة وكلام صحيح ما ذكرت..ولكن في وجهة نظري أن هذا الزوج مستحيل يتعدل من مواقف ومشاكل تحصل له ونسمع عنها..وأبو طبيع ما يوز عن طبعه.. وأوافقك الرأي الطلاق افضل من الموت مع هذا الزوج.. لك فائق احترامي وتقديري |
اقتباس:
الشي إذا زاد عن حده انقلب ضده أخي الفاضل كابرس أسعدني مرورك الكريم |
| الساعة الآن 03:08 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir