قصائد غزليه من التراث الجميل
الصياد: لا غــاب عن عينك حبيب ٍ تـــوده.....فاحسب نجوم الليل وامرح خلاوي هذا وانا لي عنه ياناس مـــــــده ....والقلب من جور المحبه شقاوي عن جيتي يمكن عذولـه يــــــرده.....وإلا بهجري ناعم العـود نــاوي مسكين قلب ٍ عودالحـــب ضـــده.....ماهو على خفق ٍ بفرقاه قـــاوي هجري تعدى مع هوى البال حده ....وبعده على قلبي كثير الــبــلاوي حبل الوصل يرخيه وإلا يــشــــده.....انا على درب المحبه رجاااااوي راشد بن جعيثن : منك انتهــينا يا مخـيـب رجـانـا %% الصــبر طال وعذبتنا المشـاويـر في موت حبك يجبر الله عزانـا %% بيدك رميته لا تــقـــول المقاديـر لـولاك حنـا ماتــبـدل غـلا نـاكل %% الوفا منا ولا منـك تـــقــديـــــــــر قلنا سحابه صيف تعـبر سمانـا %% وتزول ماله في سما الحب تأثير غدرك على نسيان حبك حـدانـا %% هذي ســــواتك ما تفيد المعاذيـر عفناك واللي عالم فـي خفانـا %% البعد عنك ارحم وقلبك مع الغير تبيعنـا واليـوم تـبــكـي هــوانـا %% لا يا عديم القلب فرقاك لـي خير عبدالله العليوي رحمه الله: شفتك مع اللي صار عقبي حبيبك %% واحتارت العبره بعيني وصديت مدري هي الصدفه لدربي تجيـبك %% مدري انا اللي في دروبك تحريت ملكتـني واقفـيــت ربـي حسـيــبـك %% ما تعرف الرحمــه بقلب توليـــت يا قلب جـرحـك سـبته من طبيبـك %% يا قلب لـيـتـك بالوفـــاء ما تماديـت من حبـنا كـل السـعــاده نصـيبـك %% يا فاقد الاحســاس عــــنـي تخلـيــت وش فايــده لا قـلـت عـنـي حبيبـك %% وانت بحياتــك يـــوم ماظـن حبـيـت عبدالله العليوي رحمه الله : خـلاص لاتــرجـع تــرانـا سلـيـنـا %% ما كنت اصدق يـوم انـي ابنـســـاك في بعــدكـم يامـا علــيــكـم بكيـنـا %% واليوم ما تطري على البال طرياك واناادري انك رغــم صــدك تبينـا %% لاشك ناس ٍ ضــدنا تقصــر اخطـاك خــل الـذي غيـر حــنــانـك علينــا %% يعطيك من قلبـه ربع ما عطينـاك وشــعــاد لا صــار السـلام بيدينـا %% قلبــــي وقلبك بيـنهـا دارت افـــلاك ودعـــت مــاضـي حبنـا وانـتهينـا %% وقلب ٍ نسيته يــــــوم لابـد ينـسـاك من سكرةالحب الصناعي صحينا %% حتى المجالس عفتها خوف ذكراك حـب ٍ جديـد ٍ غــيــــر حبـك لقـينـا %% حديتنـي جــعـــل اللــيــالــي تـحـداك |
اختيارت روعه وقصايد جزله
صح لسان قائلها وسلمت يمين ناقلها |
نقل في غاية الروعه والجمال
تسلم يمناك |
الله الله ع الذوق الراااقي
يسلموووووووووووووو ياعسل |
قصا~د رووووووعه
تسلم العيونك ... |
الساعة الآن 01:05 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir