منتديات قصيمي نت - انثر اشتياقك هنا لمن تحب...

منتديات قصيمي نت (http://www.qassimy.com/vb/index.php)

- قسـم الأشعار المنقــولة (http://www.qassimy.com/vb/forumdisplay.php?f=74)

- - انثر اشتياقك هنا لمن تحب... (http://www.qassimy.com/vb/showthread.php?t=550647)

رد: انثر اشتياقك هنا لمن تحب...

‏سيّدة هذا المسا كل النجوم اطفالك
اروي عروق العطاشى لطفك وهتّانه

لململي حلمٍ تلاشى في طَرَف فنجالك
هكذا يلقى حبيبك مجمل استحسانه

الغريق اشقاه موجه وارتما في جالك
في عيونه دمعتيين وفي يديينه دااااانه

مدّي احلامك عليه وشالك وسلسالك
انقذيه من الغرَق وآماله الذبلانه

احْزَن الشعّار يضحك في زمن متهالك
ما يعيش الشاعر الا من عظيم احزانه .

رد: انثر اشتياقك هنا لمن تحب...

-

ما هضمت غيابك تْصدق ؟ و اغص بـ كل يوم :
‏ينتهي .. ( ما مرني به صوتك .. و لا مرحباك ) !

‏تخنق العبره ( دقايقه .. و ثوانيه ) .. و تحوّم :
‏وسط ( قلبٍ ) حطمه موتك .. و روّح به جفاك !

‏و لو يهب البرد احس البرد ( في صدري سموم ) :
‏وش شتاه اللي ( يفرحني ) .. و انا فاقد دفاك ؟

‏ياااااااه يا كسرة غيابك .. ( كسرةٍ عيّت تشوم ) :
‏كل ما صبّرت قلبي .. ( جتني بـ صورة قفاك ) !

‏و انت وجهك نيّر … و لك مبسمٍ كنه نجوّم :
‏لا ضوا .. ( يعكس على الدنيا من انواره ضياك ) !

‏( و الله ان الحزن صحوه ، و ان ضحكاتي حلوم ) :
‏من نهار اللي ( ادفنوك ) و ماتت الدنيا معاك !