|
اقتباس:
ما شاء الله على هيك زوجه ما عاد لدحيم مشاركة بعد مشاركة ابو لمى الي شملت الاهم عاد هل تصدق مثل ما انا مصدق ان هالزوجة بمجتمعنا موجودة بكثرة (ما عدا طبعاً الشرط الأول يبي لنا تعديلاتٍ كثيرة الى ما تخلى بيوتنا منهن)، بس بالغالب تكون طايحة بزوج ما يستاهل ولا يشوف، فتتحطم وتبدا تنسحب على شوي شوي ما ادري هل هو تشاؤمٍ مني، ولا واقع الدنيا الي ما تكمل |
اقتباس:
ياسلام يابو فيصل هالجملة الي بالأحمر تختصر الكثير من حال واقعنا بس لو نفكر ونرتب امورنا بس أُعجبت بردك يابو فيصل، ولا تحرمنا من خبرتك لان الواحد يحتاج انه يفتِح آفاقه عشان يفهم ويفكر تفكير سليم ويعرف ما يحصل وليه يحصل (qq115) |
آسف أخيي الشيعوف صرت تسني راعي الموضوع ماغير أقتبس (qq22) بس وش اسوي الموضوع اعجبن والردود أكثر خصوصاً رد ابو لمى وابو فيصل الله يسعدهم وأتمنى يتفاعلون أعضاء القسم لأني مؤمن بأن عندهم الكثير فصورة دحيم مشوهة، وصورة سوير مشوهة كذلك ولو تسأل أي واحد عن سوير او وحدة عن دحيم بيقولون لك قائمة من الصفات التشاؤمية والاحباط تجاه بعضهم وكلٍ يلوم الثاني وما يتوقع منه الكثير!! فهل يعقل ان كل الدحيمين مثل بعض وكل السويرات مثل بعض؟! فلازم نعدل ونشتغل وبرأيي دحيم وسوير يحملون الافكار الصحيحة للزواج السعيد ويعرفون وش يبون من بعض، ولكنه حبيسة عقولهم، لم تدخل حيز التنفيذ او التنفيذ مقتصر على طرف واحد فمحتاجين نوفر بيئة مناسبة لاستقبال وتنفيذ هذه الافكار أشكرك من كل قلبي على الموضوع الجميل، بصراحة كل رد استفدت منه (qq115) |
في وجهة نظري إن كل من الطريفين لايجهل ماذا يريد منه الطرف الاخر.....
ويعرف ماذا يحب وماذا يكره وماعليه وما على غيره ولكن تقلب الآراء والمزاج لديهما هو الذي يسبب الاختلاف والتصادم بينهما فما يريده دحيم من سوير اليوم لا يريده غدا ومايريد غدا لا يريده بعد غد وكذلك حال سوير معه لذلك يجب عليمها أن يحتويان بعضهما بالتفاهم وتحديد الاهداف لحياتهما والسعي للحوار الدائم بينهمها في كل امورهم وعدم فرض الراي والرضا والقناعه بما يملك وما ينقص الطرف الاخر ..وأحسان الظن الله يعطيك العافيه على هذا الطرح المميز والهادف.... |
| الساعة الآن 07:18 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir