|
يعطيك العافاية اخي المبدع ( خاز باز ) -----> وش معناه لقد استمعت بالقصيدة كثيرا والحين هي بجوالي أسمعها بين فينة وأخرى لكن ودي أسأل : أحياناً اسمع بعض الناس يقولون والمطوع لو يشوف خديد سارة طبق المصحف وعجل بالصلاتي والمكتوب : والمطوع لو يشوف خديد سارة طبق المصحف وعجل بالصلاتي فأيهن الصحيح ؟؟؟؟؟؟؟ |
فتى الريف
مساك الله بالخير شرفتني بتواجدك بالنسبة لمعنى //خازباز سبق ان اجبت عنه اختنا النجدية وهو لاعلاقة البتة بين /خازباز// وبين ما ذكره بن لعبون فرمزي مستمد من كلمة /khazbazوهي ما يسمى ب/ال col sin ويستخدمها هواة اللاسلكي للمراسلات بعيدة المدى وكان ذلك قبل تنظيم الهواة الجديد حيث اصبح رمزي المسجل دوليا hz1lb فاذا قرأت الكلمة السابقة khazbazبالعربي تكون /خازباز للمعلومية جرى ايضاحه اما طبق المصحف او ضيع المكتوب وقران الصلاة فكما تعرف ان القصايد ممكن تروى على عدة روايات وانا اوردت الرواية التي اعتقد انها الاقرب شكرا لك مرة اخرى |
رائـــــــــــــــــعـــــــــــــــــــه
رائــــــــــعـــــــــــــــــه رائـــــــــــعــــــــــــه يسلم هالصــــــــــوت يا مبدعنا والله يحرسك بسمه العظيم عن عيون الجن والشياطين (qq6) ( هذي دعوة جدتي المفضله هههههه ) حالف مااسلى ولا انسى حب ساره كود أهل شقراء يخلون الصلاتـي هذا الحب والا بلاش صح السان الشاعر والله يرحمه تسلم على هالابداع ياخوي والله يعطيك العافيه بس بصراحه ياخوي انا سمعت القصيده بشكل اخر مع اختلاف بعض الابيات هذه هي القصيده ونتمنى نسمعها بصوتك كامله اذا ما عليك كلافه
هيض ابن حصيص في تالي نهاره = ألف قاف من ضميره مد لجاتي * الجو جو القرائن في بستان يعرف بحسوم الأطرميا وجودي وجد مكسور الجباره = آخذ تسعين ليلة ما يباتي أو وجود اللي خذ الحاكم دياره =خذ حلاله والحريم مسلباتي عقب ما هو تاجر راعي أماره = صار فلاح وأموره هيناتي ارتحل يا حمود منبوز الفقاره = آركي واحبال كوره كالفاتي أركي ومربع عشب القراره = ما علاه الشد من عشر سنواتي ديره ابن دعيج مافيها صقاره = كود شيبان وعجز مدبحاتي من خشوم إكميت إلى حد الزباره = جعل تمحل والوشوم مربعاتي صاحبي في الجو مدها له وداره = ما سكن في ثرمداء والإ مراتي ليت ينزل عندي مظعون ساره = واهتني بصويحبي عشر سنواتي كن في عينه من الفرقي شراره = أو مخاليب الوحش الطايرتي دلهتني بالهواء والحب ساره = دلهتني عن غنادير البناتي يا حسايف بنت بن سلوم ساره = في الحظيرة تدلج مثل المهاتي ريق ساره مثل شكر في غضاره = أو حليب أبكار عرب مسمناتي والنهيد ازبيدي في دعب قاره = في محير الماء القراح مصلعاتي والثنايا قحويان في زباره = زاهي نبته على كل النباتي رأس ساره ذيل شقراء وسط غاره = والجدايل بالرشوش مجدلاتي والمطوع لو يشوف أخديد ساره = طبق المصحف وعجل بالصلاتي بندور صاحبي ظبي الزباره = أبو عيون يا حمود مدعجاتي ما ذكر جار ذبح بالحب جاره = بالمبيسم والثنايا المرهفاتي حالف بالله ما أنسى حب ساره = كود أهل شقراء يخلون الصلاتي لايمي يعطي حنيش في خباره = سمه يشظي العظام الصالباتي لا رماني لا يمين ولا يساره = مار صوبني بحد المرهفاتي حطني لاهل الهواء والمجمول شاره = مثل نيشان المعاطيب الرماتي |
الله يعطيك العافيه مبدعنا لاعدمناك |
|
النجدية
شكرا على هذا الاطراء والله يرحم جدتك ويسكنها الجنة هذه القصيدة لها اكثر من رواية بل قيل انها تتكون من الف بيت لقوله الف قاف من ضميره00000000000وربما يكون ذلك مبالغة النص الذي اوردتيه موجود لدي وبترتيب ادق مما اوردت ولدي مسجل بصوتي الا انني اتلافا نشره لما فيه من الاشارة الى بعض الاسماء تحقيقا لرغبتك سأعمل مونتاج لذلك الملف الصوتي بالنص الذي اشرت اليه واقوم برفعه في اقرب فرصة شكرا لمشاعرك الطيبة |
الاخت العزيزة //ام اديم
هلا بك ومرحبا ومن طول الغيبات جاب الغنايم تراي امزح اعرف انك مشغولة ولاهية فيما هو اهم |
محب قصيمي نت
يعافيك ربي على تعليقك وحضورك |
اقتباس:
اقتباس:
|
النجدية
عليك بالكفارة وتراي نزلت القصيدة حسب النص الذي اوردتيه الظاهر صابتني عدوى منك كبيت الفطور والغداءوالعشاء ومعها رجاحة |
| الساعة الآن 08:29 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir