حوار بين شاب وشايب..

[عذب الكلاااااام]

السلام عليكم..


هذا حوار دار بين شايب عاش اغلب عمره في الزمن الماضي وقاربت شمسه على المغيب..تقابل مع شاب يعيش في العصر الحديث بكل ثوراته العلميه والتكنلوجيه والانترنتيه..(qq166) اترككم مع الحوار..


الشاب/ السلام عليكم ياعم..!

الشايب/ وعليكم السلام ورحمة الله وبركاته

الشاب/ ياعم وراك جالس بها الشمس..!!

الشايب/ يعني وش هقوتك العب كيرم!! جالس بذا الشمس عشان تلين ركيباتي اللي يبسها البرد..

الشاب/ يا عم ليه ما تجلس في بيتك عند الدفايه وعند ام العيال!!

الشايب/ انت وكيل ادم على خلقه؟ حتى المشراق بالشمس متكاثرينه علينا يا عيال النيدو؟

الشاب/ لا يا عم مو القصد ..بس حز في نفسي انك جالس لحالك هنا!!

الشايب/ وش حز جعله يحزك الرشا مع رقبتك!! احتس زين عشان افهم وش تقول..

الشاب/ طيب ياعم كيفك مع السياسه؟ <<< يصرف:hgfyhg14k

الشايب/ وش فيها السياسه بعد..انا اعرف امريكا واعرف الهند واعرف البحرين..

الشاب/ لا اقصد انت متابع للاحداث السياسيه؟

الشايب/ اجل مثلك تمبلي..ايه اتابع الاخبار..

الشاب/ زين اجل مثقف..!!

الشايب/ وش تقول انت؟ تراك بديت تكثر الخرابيط والبربسه اللي مالها سنع..

الشاب/ افا ليه ياعم..!

الشايب/ احتس زين واكرب حنسك ..

الشايب/ تعال انا بسالك..!

الشاب/ سم ياعم اسئل

الشايب/ تعرف الصدر والرشا والدراج والهودج والمنحاة والصميل والكر والمزوده والمنحاز والقفان والصفه والميبر ..... والهيشه؟(qq122)

الشاب/ يؤ يؤ وش ذا ياعم ما فهمت شي..!!

الشايب/ هذا تراث.. ودام انك ما تعرف لها الامور لا تجي عندي بذا وتميلح وتسالني عن شي ما له لزمه..

الشاب/ طيب لا تزعل يا عم..حبيت اسولفك معك..

الشايب/ زين بس باتسر تعال مثل هالوقت ومعك رد هماه..؟؟

الشاب/ وش هماه؟؟

الشايب/ اذا جيتا باتسر عملتك..ياعشبة الظلال..(qq122)


في الحلقه القادمه نواصل مع الشاب والشايب فرد العضلات..(ern) انتظرونا

شكرا لكم..

[الملقوفة]

الله يعين هالشاب على هالعجيز

[مزيونة الكل]

هههههههههههههههههههههه

خوش حواار

حوار راااااائع وكثر منه بعد

ههههههههههههههههههه

مشكور اخوي الرجل الغريب على هذا الموضوع الرائع ..

تقبل مروري وردي ..

** مزيونة الكل **

[عذب الكلاااااام]

الله يعين هالشاب على هالعجيز


هلا بك..

الشايب ما عليه خلاف ..بس هالصفيق وش نوحه!!


شكرا لمرورك الكريم..

[عذب الكلاااااام]

هههههههههههههههههههههه

خوش حواار

حوار راااااائع وكثر منه بعد

ههههههههههههههههههه

مشكور اخوي الرجل الغريب على هذا الموضوع الرائع ..

تقبل مروري وردي ..

** مزيونة الكل **


هلا بك المزيونه..

العفو..

ومرورك اسعدني واسعد الشايب(vv)

[ضايق الخاطر]

يسلموووو خيوووووووو

رائعه

[علوووش]

الشايب/ انت وكيل ادم على خلقه؟ حتى المشراق بالشمس متكاثرينه علينا يا عيال النيدو؟


خخخخخخخخخخخخخخخخخخخخخخخخخخخ

بعدي والله يالشويب ماعندوه يمه ارحميني

ياجعلنا مانطيح بين يدينه هاليابس

[وأنينو]

الشايب/ احتس زين واكرب حنسك ..حنتسك كككككك

ياحبي لوووووووووووووووووووووووووووووووه

امووووووت بالشيبان

[المُهرة]

كلام هالشايب نفس كلامك زعووووووور
خخخخخخخخخخخخخخخخخخخ

[ملقاط]

الشايب حجر لي الشاب هههههههههههههههههههههه

[عذب الكلاااااام]

مكرر

[عذب الكلاااااام]

يسلموووو خيوووووووو

رائعه

العفوووو

وشكرا لمرورك الكريم..

[عذب الكلاااااام]

خخخخخخخخخخخخخخخخخخخخخخخخخخخ

بعدي والله يالشويب ماعندوه يمه ارحميني

ياجعلنا مانطيح بين يدينه هاليابس




هلا بك علوش..

الشياب ترا فيهم ركاده ..بس بعض الشباب يستفزونهم وهنا يكمن الخطر(ghqv)

شكرا للمرور والاضافه..

[عذب الكلاااااام]

وأنينو..

هلا بك..

بس انتبه ترا شايب عن شايب يفرق.. (qq10)

شكرا للمرور والاضافه..[/CENTER]

[عذب الكلاااااام]

كلام هالشايب نفس كلامك زعووووووور
خخخخخخخخخخخخخخخخخخخ



هلا بالمهره..

منهو زعووووووور:( (a28)

شكرا لمرورك الكريم والاضافه..

[عذب الكلاااااام]

الشايب حجر لي الشاب هههههههههههههههههههههه


هلا بك ملقاط..

الشيبان بلشه..اذا ما عجبهم الوضع

شكرا لمرورك الكريم..

[عذب الكلاااااام]

نرجع مرة اخرى للشايب والشاب..

الشاب/ مسيك بالخير ياعم.

الشايب/ مسيك بالنور..عسا جبت جواب للي قلت لك امس ؟

الشاب/ لا والله ياعم ما لقيت لها جواب..(asl)

الشايب/ خبز ايدي يا الطفيخ.. اعرفكم ياعيال التوالي ما وراكم فود..

الشاب/ افا ياعم ليه التحطيم؟(q78)

الشايب/ ما انيب اتحلطم..

الشاب/ لا اقصد ليه انت تكسر مجاديفي؟؟(q79)

الشايب/ عاد انا معي محش ولا ساطوره؟؟ ما اقول الا ليت معي عجرا الحين اتمردغ بها في ظهرك..

الشاب/ افا يا عم ليه وش سويت.؟

الشايب/ ماسويت شي..بس ما احب الرخمه من الاوادم..اللي مدودي

الشاب/ رخمه.!! وليه التحطيم..!!

الشايب/ هماني قايل لك احتس زين..لاعد تجي عندي وتبربر بشي ماله سنع

الشاب/ طيب ياعم انا ودي اتعلم منك عشان اعرف لهجتكم (qq171)

الشايب/ يا قوم.. اول انت تعلم وشلون تصف الكلام همين تعالى تعلم لهجتنا

الشاب/ خلاص اسكن عندك ثلاث شهور عشان اتعلم اللغه بالممارسه

الشايب/ ياجعله يمرسك ثور في سكيك..وش اعلم فيك..انت مثل القطو الكبير ما ينتربى

الشاب/ افا ياعم اشوف الامور سوفلت..وش هالالفاظ.!!(qq11)

الشايب/ ما عندي لك الا ما طرق الحداد..جايزن لك ولا قم..(ekaj)

الشاب/ والله اثرك عنيف

الشايب/ وش عنيفه؟ انت ما فيك ذرابه ولا تعرف السنع..

الشاب/ طيب ياعم كم عمرك.؟

الشايب/ انا مولود سنة الدبا..وعليك الحساب..

الشاب/ وش الدبا.؟

الشايب/ الحين ما عرفت الصفه والصميل وتبي تعرف الدبا..ياقوم

الشاب/ طيب مو ذنبي انا عايش في عصر غير عصرك

الشايب/ يمال العصره اللي تعصر هالدمجه

الشاب/ يؤ يا عم هد اللعب

الشايب/ جعله تلعب في ظهرك خيزرانه

الشاب/ طيب يا عم ليه انت عصبي ؟؟

الشايب/ جعله تقطع اعصابك يا التنكه

الشاب/ وش ذا خلاص انت شكلك ما تنفع في اي حوار!!.. شكلك تسلل(q69)

الشايب/ حوار وتسلل ؟ ما اعر ف الا حوار الناقه..يمال السلال اللي يسل مخك

الشاب/ ايه هذا مستواك

الشايب/ جعله يتسويك جنط لوري..قل آمين

الشاب/ وش اللوري؟

الشايب/ انت ما بك فود..صيفت على صلاة الظهر اشغلتن.. قم صل وخل عنك الهرج اللي ما له سنع..

الشاب/ طيب ياعم ليه اذا جيت تمشي..تمشي على جنب كنك بتشوت بلنتي؟
(q69)
الشايب/ انا فيني عصف في ركبتي ودايم اذا جيت امشي احذف يسار شوي اهون لي

الشاب/ طيب ياعم تعرف كوفي عنان.؟

الشايب/ ايه اعرفه مهوب اللي دايم اصقع ما يلبس غتره يظهر في التلفوزيون وحاط لحيه صغيره كنها ركبة عنز ؟(qq172)

الشاب/ الا هو وترا اسمر..

الشايب/ اعرفه يدافع عن اليهود جعل قبارهم مايرفع ظهره





انتظرونا في الحلقه القادمه..من اللقاء المارثوني بين الشاب والشايب..

شكرا لكم..

[ملقاط]

هههههههههههه اول شي طب الشايب على الشاب بالقوة بعدين ارخاه الشاب وبعدها شبك معاه
بس يا ليت تكمل بسرعه تحمست هههههههههههه امون وانا مدري

[حنا أهل التوحيد]

عذب الكلام
صراحه أنك أسم على مسمي
هههههه خخخخخ ههههههههههه
عجزت أسك بطني
تكفا تحسمنا ماودي أستنا اذا الله أحينا لبكره
متعه هالحوار مره تكفي كملنا
هههههههههههههههههههههههههههههههههههههههه
الله لايحرمك أو يرمج الجر العظيم اللى رسمــــت فيـــــــــه أبتسامتـنا

[عذب الكلاااااام]

هههههههههههه اول شي طب الشايب على الشاب بالقوة بعدين ارخاه الشاب وبعدها شبك معاه
بس يا ليت تكمل بسرعه تحمست هههههههههههه امون وانا مدري


هلا بك ملقاط..

الشايب عصبي شوي..شكله شارب زنجبيل (q69) ..

شكرا لمرورك..

[عذب الكلاااااام]

عذب الكلام
صراحه أنك أسم على مسمي
هههههه خخخخخ ههههههههههه
عجزت أسك بطني
تكفا تحسمنا ماودي أستنا اذا الله أحينا لبكره
متعه هالحوار مره تكفي كملنا
هههههههههههههههههههههههههههههههههههههههه
الله لايحرمك أو يرمج الجر العظيم اللى رسمــــت فيـــــــــه أبتسامتـنا



هلابك..

بس وش أسك بطني؟؟(qq168)


شكرا لمرورك والاضافه..

[عذب الكلاااااام]

الشايب مع هالمطر والبرد..كمشت خشته..ويعاني من اضمحلال في التواصل الفكري والطرح المتجدد:hgfyhg14k ..وفي انتظار عودته المحموده اكثر نشاطا واكثر قدره في مجاراة الشاب في المارثون القادم..

[عذب الكلاااااام]

الشايب متسند على الجدار في المشراق وممدد رجليه..ويهوجس.. ويرمق الشاب القادم من بعيد بنظرات فيها تحفز واستعداد للهجوم والمباغته مع تقطيب للحاجبين وكرمشه في الجبهه(q30)

الشاب/ مسيك بالخير ياعم..

الشايب/ مسيك بالنور..يالله حيه..وين توك جاي يالكديش؟

الشاب/ توني جاي من صالة الاسهم..تعرفها؟؟

الشايب/ ايه اعرفها..هالاسهم مثل الزليب اللي مالها قاعه..بلعت الدراهم وعقبها الاوادم

الشاب/ اي والله خسروا الناس فيها امول كثيره..

الشايب/ ايه..من بغا الدح ما قل اح..

الشاب/ وشذا مافهمت وش تقول!!

الشايب/ انت كرتون ما تفهم شي..يبي من يحك راسك بليفه عشان تركد وتبيصر وتصير تفهم (q85)

الشاب/ ياعم انت على طول هجوم ما فيه يوم دفاع!!(q84)

الشايب/ ياجعلها تهجم عليك ذيابه في ليل اظلم..توني مستانس في هالمشراق وتجي تنكد على بسوالف مالها سنع..

الشاب/ طيب وش تبي اسولف فيه..

الشايب/ عطنا علوم الربيع والسيول والفقع..

الشاب/ يوووه ياعم هذي يبي لها جيوب وسيارات تحمل طورقة البر..

الشايب/ وانت ما عندك سياره..

الشاب / الا عندي كامري تعرفها..مهيب حقت بر

الشايب/ لا ما اعرفها ولا ابي اعرفها ؟؟ اكيد من سيايير هالتوالي اللي كنها قوطي لو يصدمها سيكل انثرها..

الشاب/ ايه هي سياره صغيره ما تحمل بران

الشايب/ راحوا اهل البران

الشاب/ من تقصد؟؟

الشايب/ اقصد اهل البر الرجاجيل القروم..مو مثلك يالرخمه

الشاب/ قروم ورجاجيل..وش قالوا لك بنغزي المريخ..

الشايب/ ياجعله تمرخك عجرا بين كتوفك

الشاب/ الحين الدنيا تطورت فيه ناس تروح للبر معها كراسي تقعد عليها وطاولات

الشايب/ يمال الشطوب والحوازيز..(qq166)

الشاب/ ايه ناعمين مو مثلكم ياجيل الجريش واللقيمي

الشايب/ ايه انتم مثل عشبة الظلال لو تطرقها الشمس شوي تكرمشت..وين منول الواحد منا رجلينه كنها سواكيف وتلقا اصابع رجليه كنها قفول دكاكين ..وتلقا رجليه فيها شطوب لو ينفضها طاح منها قعران وعقارب ..مليانه(qq166)

الشاب/ ايه وتلقا بعد ايده كنها مفك جلمبو من القوه..الله من التشليخ(q30)

الشايب/ اجل مثلكم الواحد كن يده قصبه شاب فيها الدباس...يمال المشق اللي يشب في رقبتك (q84)

الشاب/ ايه ياعم فرصتك تشلخ علي..باتسر بكمل معك السوالف..فمان الله

الشايب/ فمان الله يمكن ما تلقاني باتسر!!

الشاب/ ليه وين بتروح؟؟

الشايب/ اذا جيت علمتك..

في الحوار القادم نتظر الشايب..وين كان رايح..وش جديدهه في حواره مع الشاب..(qq122)

[ملقاط]

هههههههههههههههههههههههههههههههههههههههههههههههههه
اما الشايب ما عنده وقت بس لا تطول حمستنا
شكله انت الشاب ههههههههههههههههههههههههههههههه صااااااادوه

[عذب الكلاااااام]

ههههههههههههههههههههههههههههههههههههههههههههه ههههه
اما الشايب ما عنده وقت بس لا تطول حمستنا
شكله انت الشاب ههههههههههههههههههههههههههههههه صااااااادوه




هلااا بك ملقاط..

تخيل شايب في المشراق ومعه لاب توب(qq168)

شكرا للمرور والاضافه..

[ملقاط]

اما لاب توب هذا البااااقي عااد ههههههههههههههههههههههههههههههههه

يا حبي لك يا شيخ

[ابوهتون]

ياحليلهم الشيبان غبار المستقبل

الواحد منهم لاصار كبير وشب في العمر يصير وش محله اذا كان يتكل

اما ان كان عليله وكلش هو يفهم فيه نكبه

جدي الله يطول بعمره لين الحين يسدد الفواتير من الصرافين اللي في البنك ويجبرهم يختمون علي الفاتوره انها مسدده
واذا قالو له الصراف ياخال قال ماتسروني لاماشبكو التلفون وش يثبت لهم اني مسدد

[ملقاط]

ههههههههههههههههههههههههههههههههههههههههههههههههه كلامه هو الي يمشي
مهوب جدك بس حتى ابوي بعد

[النجديه]

الشايب/ احتس زين واكرب حنسك ..

ياحبي له هالشايب ههههههههههههههههههه

الشايب/ تعرف الصدر والرشا والدراج والهودج والمنحاة والصميل والكر والمزوده والمنحاز والقفان والصفه والميبر ..... والهيشه؟

تبغا اشرحها لك يا عذب(ghqv)

[مفحطه بكل نعومه]

ههههههههههه يحليله الشايب مشكور اخوي

[عذب الكلاااااام]

:اما لاب توب هذا البااااقي عااد ههههههههههههههههههههههههههههههههه

يا حبي لك يا شيخ

ايه لاب توب ..وش فيها(ask) ترا فيه شياب متطورين يشتغل على اللاب توب باصبع واحد (vv)


سلمني على عدنان وعبسي:gg4mpup:

[عذب الكلاااااام]

ياحليلهم الشيبان غبار المستقبل

الواحد منهم لاصار كبير وشب في العمر يصير وش محله اذا كان يتكل

اما ان كان عليله وكلش هو يفهم فيه نكبه

جدي الله يطول بعمره لين الحين يسدد الفواتير من الصرافين اللي في البنك ويجبرهم يختمون علي الفاتوره انها مسدده
واذا قالو له الصراف ياخال قال ماتسروني لاماشبكو التلفون وش يثبت لهم اني مسدد



هلا ابو هتون..شرفت يابعدي

ياحليل جدك..سالفته ذكرتني بسالفة شايب الله يذكره بالخير اذا راح بيراجع دائره حكوميه اول واحد يقابله عند الباب يقعد يشرح له الموضوع ..حتى لو هندي(qq15) فيهم حرص مقطعهم ..والحياة الاوله علمتهم الحرص والتكازه

تسلم على المرور والاضافه الرائعه..

[ملقاط]

التكميله وينهي ياولد كملنا
امنا بالله
سوالي فيها بدوي