اقــــرب واحـــد أو وحـــدة (( فنانين )) في الطبخ يدخلون بليــز ؟؟

[بــدر عنيــزة]

:o

مساء الخير , صباح الخير <<<<< كل واحد حسب توقيته:p

لاخفيكم اعجابي الشديد في هذا المنتدى الرائع

وقسمــــــــــــــــــــــــــــــــــــــــــــــ ـــــــــــــــــــــــــــــــين أنه روعه:rolleyes:



المهم ولا يكثر <<<<< (aqwa)


بقولكم شي بس وقسمين اني مستحي ؟؟


بس مو مستحي منكم مستحي من امي اقولها وشلون اسويها ؟؟

المهم لاتحسبوني بنت تراني ولد بس استحي أسأل امي هذا السؤال المحرج ؟؟


السؤال اللي عقدني ؟؟
^
^
^
^
^
^
^
^
^
^
^
^
^
^
^
^
وشلون أسوي قهوة ؟؟

لحد يضحك لاني ما اعرف صدق :(

[بنت السليم]

ولا يهمك يا اخيي انا اقولك

خذلك قدر وحط فيه كاس مويه ونص كاس حليب ونص كاس لبن وبيالة زيت

وحطه في وسط الفرن ربع ساعه وبعدين طلعه وحطه على اصغر عين لين يصير لونه بني

وبعدين خذ الدله وحط فيها القهوه وصب الي في القدر عليها

واذا خلصت قل لي النتايج(aqwa)

[دلع عيني دلع]

بدر الله يهديك احد يستحي من امه >>>>>> ست الحبايب

اسالها واذا ماعلمتك انا اعلمك0000


واتوقع لو سويت طريق اسمااااء الله يستر شكل امك تبي تنومك بالسطححححححححح


تحيااااتي000

[بــدر عنيــزة]

أي لايهمني :(


عليكي مقادير وربي مادري وش تبي :)


بس كل المقادير هذي نمشيها بس لبـــن ؟؟؟؟؟؟؟؟؟؟؟؟؟؟؟؟؟؟؟ (tt)


لبـــــــــــــــــــــــــــن وقهوة ؟؟ وربي ماتـــــــــــــــــــــــــــــــــركب :o


بس اذا كنتي ملزمه على اللبن .... وربي عندي فكره تجنن :rolleyes:


نوكل البقـــر (( هيل )) بدال الشعيــــــــــــــــــــــر 00 ونحلبها وتجيكي القهوه Freesh:rolleyes:

[بــدر عنيــزة]

هلا دلع 00

ياحبيلها بعد ست الحبايب 00

بس استحي اقولها اني ما اعرف اسوي القهوه ؟؟


:( والله يعين على السطح

[نجمة الخبر]

CC0066

[دلع عيني دلع]

بدر يله وانا اختك شمر عن ساعديك0000

<<<<<<<< ترى يمدحون النسكافيه اسهل00000

شوف بعد ماتجيب القهوه طبعاااا محمصه وبلا شك او تطريز مطحونه

تاخذ مقدار فنجان قهوه منها وتصب عليه ماء مغلي يعني كاس ونص تقريبا00

بعدين تخليها تطبخ على نااار هادئه لمده عشر دقائق

معاااي ولا جاك النوم00 طيب بكمل00
تحط بالترمس ملعقه هيل مطحونه واذا تحب القرنفل فش مانع000
وتصب القهوه وخلص00 في ناس يحبون يطبخون الهيل مع القهوه بس انا ماحب000

واذا تحب القهوه بدله صب القهوه وحط الهيل وممكن تغليها غلوه على الناررر

اي نسيت لاتنسى الزعفران00 واذا خلصت اجلس انت وست الحبايب وتقهوو

طبعااا مع التمر والحلى00 علمني بالمصاااايب اسفه قصدي النتائج

واي سؤال لاتستحي000

تحياتي00

[بــدر عنيــزة]

اختي نجمــة الخبر صحيح كلامك لكن لازم تصير كذا>>>>>> CC8894

مسوي يعرف وش السالفه <<<<< (q103)


-----------------



وربي النسكافيه ونـــــــــــــــــــاسه (bb)

احسن من قولة هيل ومطحون وزيت ولبن (a23)

الف شكر لك اختي بجربها واردلك (qq33)

[نجم سهيل]

اقول بـــــــدر انت مالك ومال القهـــــــــــــــــــوة
يمدحون نسكافيه بعد بشرط انك تشتري الجاهزه
هذي اللي تفكها وتكبها ماحار وتشرب وعساك تفلحوانا ااخوك
ترك فشلتنا عند البنات وخزياه الله يعين مرتك عليك
الله يخليلك الوالده شكلهامريحتك ماشاء الله

الله يخلف علينا انا زوجتي تدرس عندها امتحنات وانا راح جاي من المطبخ غداء عشاء شاي قهوة....

[أم أديم]

هههههههههههههههههه

ههههههههههههههههههههههههه

غربل الله ابليسك اسماء وش هذي الوصفة

:cl:

خذ بطريقة دلع

تراها دلع وكذا:rolleyes:

وهي الصح والا اسماء بتضيعك :o

[بنت نجد]

:oههههههههههههههههه :o

عزالله أن أسماء بتضيعك ..:p حسبي الله على شيطانك :o

وبالنسبة لدلع ماقصرت في الوصفة .. الله يعطيها العافية :rolleyes:

وهذي طريقتي بالقهوة ...

3 كاسات ماء مغلي
1 فنجال قهوة محمصة زين ومطحونة
شوي زعفران

تحطهم بدلة التلقيمة .. وتتركهم يغلون على نار هادية لمدة ربع ساعة ..
بعدها تشيل الدلة عن النار وتخليها على جنب لمة خمس دقايق علشان تركد القهوة :) وإذا شفت أن القهوة نقصت كثير تقدر تزيد عليها شوية موية مغلية ..

بعدين حط بالدلة أو ترمس القهوة الهيل المطحون والزعفران .. حسب رغبتك ثم صب القهوة عليها .. وإذا كنت بتقدمها بدلة ارجع وحط القهوة والهيل على النار لين يفور فورة واحدة بس ...

وعليك بالعافي يا أوخيي ...
والله يخلي لك حلوة اللبن ولا يحرمك منها ...

حفظك الله

أختك

بنت نجد

[همس الشفايف]

احم احم اشم ريحه قهوة فيذا :eek:

ابقووووولكم وشلون ازين قهيوتي:md:


اجيب البريز واصب فيه مويه الين تاصل المويه لحد زقم البريق :o>>>>ابوووك يالوصف

يعني احط نص البريق مويه

واخليه يغلي على النار غلغلتن (qq)

اذا فارت المويه احط عليها فنجال قهوه محموسه ومطحونه زين

واحط شوي زعفران وربع بياله حليب سايل او كوفي ميت

واخليه تطبخ على النار يمكن نص ساعه بعدين اقصر على النار واخليها خمس دقايق تقريبا

واصير حاطه في الدله ملعقه صغيره هيل

بعد سذا ابهر القهوه واحطها في الدله واخليه تفور فورة وحده بس

وخلاص عاد بعدها اروح بالقهوه عند جدتي واقعد اتفنجل انا وياها الين تظهر من خشومنا :cl:

وبسسسسسسسسسسسسسسسسسسسسسسسس

[بــدر عنيــزة]

الف شكر الى الاخوات الاعزاء على وصف القهوه (qq)


واخوي الغالي نجم سهيل :)

ياخي اتفشل هنا ولا اتفشل مع امي

وش تقول عني <<<<<<<< عمرك 21 ولاتعرف تسوي قهوه



ثااااااااااااااااااااانكيو فو ايفر :rolleyes:

[الخبوبي الوسيم]

يا ما حلى الفنجال مع سيحة البال ,,, في مجلس مافيه نفسن ثقيله

هذا ولد عم و هذا ولد خال ,,, و هذا رفيقن ما ندور بديله

القهوة هي رمز الضيافة العربية

كلمة " Coffee " بالإنجليزية مشتقة من الكلمة العربية " قهوة " وكانت كلمة " قهوة " قد تحرفت باللغة التركية إلى كلمة " كافيه Kabveba " واشتق منها الاسم الفرنسي لها " Cafea " والإيطالي " Caffea " والألماني " Kaffeea "

http://www.coffeeresearch.org/Pictures/coffeehistorycherries.jpg
نبتة البن

يقول الشاعر في وصف القهوه العربيه ...

دنـيـت لي من غـالــي البن مـالاق

بالكـف ناقـيها عن العـذف منســوق

احـمـس ثـلاث يانديـمـي على ســاق

ريحه على جـمر الغضا يفضح السـوق

وايـاك والنـيه وبالـك والاحــراق

واصـحـى تصير بحمسة البن مطـفـوق

الى اصفرّ لونها ثم بشّـت بالاعــراق

صفراً كما الياقوت يطرب لها الموق

وعـطـت بريـحٍ فاخـر فاضـح فــاق

ريحه كما العنبر بالانفاس منشــوق

دقـه بنجـرٍ يسـمعـه كل مشـــتـاق

راعـي الهوى يطرب الى دق بخـفــوق

لقّـم بدلـةٍ مولّــع كـنها ســــاق

مصـبوبةٍ مربـوبـةٍ تـقـل غـرنــوق

خـله تفوح وراعي الكـيف يشـــتاق

هـيلٍ ومـسـمارٍ بالاسـباب مسـحــوق

مع زعـفرانٍ والشـمطـري الا انسـاق

والعنبر العالي على الطاق مطـبوق

فيلا اجـتمـع هـذا وهـذا بتيفــاق

صـبه كـفيت العـوق عن كل مخـلوق

بفنجـال صـينٍ زاهـيٍ عـند الارمـاق

http://www.coffeeresearch.org/coffee/coffeetitle.jpg


لشرب القهوة ( زمان أوّل ) كان هناك دلّتان ، إحداهما تُسمّى [ دلّه ] و هي الكبيرة الّتي تُطبخ فيها القهوة

و الثانية تُسمّى [ مزلّه ] و هي الصّغيرة الّتي تُزلّ فيها القهوة أي : تُصفّى فيها لِتُقدّمَ للضيف

تحمس القهوة في محماس حتى يتغير لونها و تختلف درجة قوة القهوة على حسب درجة حمسها
http://www.kfshrc.edu.sa/arabian/assets/images/ghawah2.jpg
كما تختلف درجات ألوان القهوة العربية بحسب اختلاف البلاد ؛ ففي السّعوديّة -مثلاً - يحبّونها صفراء لونها فاتح - مع تكثير الهال - ، و أمّا في الإمارات فتتراوح بين صهباء داكنة إلى قريب السّواد ، و أمّا إذا كنت ضيفاً في بعض بلاد عمان فستشربها قريبة إلى السّواد إن لم تكن خالصة السّواد
http://www.foodmuseum.com/images/coffee2.jpg
ثم تدق بالنجر و تطحن طحن خشن بالغالب حتى يسهل ركودها

ملحوظة هامّة :

كيف تعرف إذا كانت القهوة - أي قهوة - طيبة في أصلها؟ الجواب : لا تشربهامخلوطة بأي شي ؛ لا هال و لازعفران و لا ماء ورد و لا مسمار و لا أي شي ؛ بتعرف إذا كانت زينه ، و طبعاً لازم تكون شرّيب قهوه قبل هذا كلّه و بعدين إذا ريتها زينة أخلطها بما تشتهي نفسك من الأطايب السّابق ذكرها .

تعددت أسماء الفناجيل التي تعارف أهل البادية عليها ومنها :

فنجان الهيف وهو أن يشرب المعزب أول فنجان من الدله امام الضيف لطمئنة الضيف بأن
القهوه سليمه .

*فنجان الضيف وهو بمثابة العيش والملح

*فنجان الكيف وهو خاص بالكيف والتذوق.

*فنجان السيف وهذا الفنجان يلزم الضيف بالدفاع عن هذه العشيره كما انه يعتبر عهد بالدفاع

المشترك بين المعزب والضيف واجمالا فنجان السيف يعني القوه والمنعه والشرف.

القهوة العربية :

هي قهوة تعتبر خفيفة توضع فيها حبات الهيل عند بعض أهل البادية والحضر من عرب , وهناك القهوة الغامقة عند البعض الآخر , وعادة تكون مرة وليس فيها سكر أبداً , وتقدم في فنجان صغير فمه أوسع من قاعدته .



القهوة التركية :
هي قهوة ثقيلة غامقة , تقدم في فنجان صغير بيد مع صحن صغير , وتعتبر فناجين القهوة التركية الأكثر شهرة في زخرفتها , كما يقدم معها السكر بدرجات مختلفة .

القهوة التركيه
القهوة التركية متوسطة القلية وناعمة مع هال مطحون او بدون حسب الرغبة
المقادير :-
فنجانين ماء
ملعقة صغيرة سكر (او بدون حسب الرغبة)
ملعقتين صغيرتين من البن قهوة مع هال مطحون او بدون
الطريقة :-
ضعي الماء في ركوة صغيرة و أضيفي السكر والبن وحركي على نار معتدلة الحرارة
عندما تغلي القهوة خففي النار واغلي لمدة دقيقة مع رفع الركوة واعادتها
قدمي القهوة التركية ساخنة

قهوة تركية بالكاكاو:
كوبين حليب مراعي + ملعق صغيره كاكاو + ملعقتين صغيرتين قهوة تركيةنخليها تغلي وتصفى عند التقديم في اكواب وممكن نضربها في الخلاط الكهربائي اذا حبينا تكون لها رغوه والتحليه اختياري عند التقديم


اسبرسو :
هي قهوة ايطالية خفيفة وغامقة جداً , تقدم في فنجان صغير مع صحنه يشبه في الشكل الفنجان التركي , ولكنه عادة يكون سميكاً وأبيض اللون , وتقدم الاسبرسو أيضاً بما يسمى Double Espresso أو Doppio Espresso وهي تقدم في فنجان كبير للمحترفين في شرب القهوة , والمحترفون عادة يأخذونها بدون تخفيف أو سكر , أما الآخرون فيقدم إليهم السكر الأسمر إن أرادوا تخفيفها , كما أن البعض يضع عليها قطرات من نكهة اللوز , وهناك أيضاً الاسبرسو المخفف Espresso Ristretb حيث يوضع عليها ماء قليل جداً مع الحرص على إبقائها بالكثافة نفسها .

الكابتشينو :
قهوة ايطالية تتألف من الاسبرسو بمقدار الثلث وثلث حليب وثلث كريمة مخفوقة , وتقدم في أكواب كبيرة , وتكون الكريمة المخفوقة مرتفعة على الوجه ويرش عليها بودرة الكاكاو أو بودرة الدارسين , ويقدم معها السكر لمن يحب

http://zizooo.ws/gallery/25/001.jpg

احلى كابتشينو
المقادير
!- فنجان قهوه سكر
2- فنجان قهوه نسكافيـه
3- فنجان قهوه ماء
توضع في خلاط البيض الى ان تصبح رغـوه
يغلى حليب ( اي حليب باستثناء الصافي واذا ثبت المراعي) حسب الرغبة
_ يوضع مقدار ملعقة من الرغوة في كل كوب ثم يصب الحليب المغلي من الاعلى ( يعنى من ارتفاع بسيط عن الكوب
ثم على الوجه قليل من بودره الكاكاو او قليل من النسكافيه



قهوة الحليب :
قهوة الحليب Café au Lait قهوة فرنسية وإن كانت كل دول العالم تعملها بتسميات مختلفة , وهي عبارة عن مقدارين من القهوة السادة مع ثلاث مقادير من الحليب المخفوق , وتقدم في فنجان كبير .


الموكا :
قهوة رائعة من اليد الفرنسية أو الايطالية , تتألف من القهوة السادة الثقيلة بمقدار الثلث , وثلث من الشوكولاته الحارة الغير محلاة , وثلث من الحليب الفوار إلى درجة إخراج رغوة , وتقدم بكوب كبير مستطيل معروف باسم Mug.


القهوة الايرلندية :
وهي قهوة ثقيلة تخلط مع الكريمة المخفوقة وتقدم مع السكر

قهوة فيينا Viena Coffee:
هي قهوة متوسطة الطعم تخلط مع ثلث مقدار من الحليب الكامل الدسم , ويرش على الوجه كريمة مخفوقة وفوقها دارسين ناعم وسكر أسمر .
والأمريكان هم من اخترعوا القهوة سريعة الذوبان , وأكبر مثال لها النسكافيه وهي القهوة الأمريكية , وتقدم في فنجان كبير أو كوب

[هبه]

وش حيثهم انا بعد بقولكم على طريقة قهوتي :o

اول شي تفوح الماء وتصبه بالدلة الي تبي تتقهوا فيها (علشان القياس)

بعدين ترجع تصب الماء الي بالدله :o في الملقمه (ابريق القهوه)

وتحط فنجال قهوه اذا حجم الدله وسط

وفنجال الا شوي اذا دلتكم صغيره:p

وتخليها تطبخ عشر دقايق بعدين تشوفها (يعني تصبها بالفنجال علشان

تشوف اذا هي خفيفه تحتاج زيادة بن ولا مضبوطه اذا يبيلها زياده بن

تزيدها واذا ماتبي ضبطت يعني تقوم طفي عنها وتخليها تصفي

علشان مايطلع لك حثل بالفنجال وانتم تقهون :o

اذا طفيتا عنها تقوم تدق هيل بالنجر خخخخخخخخخخ

لا امزح تحط هيل مجروش بالدله وبعدين تزل القهوه

وبالهناء والعافيه :p

يلا ياعم ورينا شطارتك شف كذا طريقه عندك

صحلها وقلنا وش صار معك :)

[بــدر عنيــزة]

الخبوبي الوسيـــــــــــــم
ماقصرت يالغالي >>>>>>>>> كفيت ووفيت

وصح لسانك خذ فنجال وعلوم رجال

والف الف شكر لك يالغالي عى جهدك الاكثر من رائع


-- ---------

الاخت الغاليه هبه
ابغى اجرب كل الطرق ون شاء اوافيكم بكل النتائــــــــج :rolleyes:

والف شكر لك


---

تحياتي

[فريق أول]

بدر عنيزه ،،

بعد ماعرفت تسوي القهوه ،،

متى إن شاء الله ناوي تعزمني ؟


:)

[طايرتن بوهتي]

وين اخواني يشوفون السنع تبي تسوي قهوه لاهلك
>>>>>>>>ما لت علينا ما احد يسوينا من الجنس الخشن الا قومي سوي لي قهوه

عاد اسمع التعليقات :p

ليه الدله طايشه
ليه القهوه غسال
ليه القهوه حاره لعطت لساني
ليه التمر مهب زين
ليه الهيل واجد
ليه ما جبتي بيز >>>>>>>>هذا اذا كانوا هم اللي يبي يصبون

بس من جد عاد لازم الولد الا بلغ 21 لازم يعرف يسوي قهوه

[حنونه]

والله ياخوي بدر مالومك لأنك ماتعرف تسوي قهوه ....انا لحد ماتزوجت ماعرف افرق بين القهوه والهيل ... بس الحمد لله جبرنا العرس على السنع وقهوتي تجنن خاصه لما تضيف لها الزعفران والمسمار ... حبيت اكتب لك طريقة القهوه بس ماشاء الله الخوات ماقصرو وعليك بالعافيه بس وافينا يالنتائج

[بــدر عنيــزة]

بااااااااااااااااااااااااااتس (vv)

هلا وغلا بالفريق اول عميد ركن (q6)

ابشر يالغالي بالعزيمة وابشر بالمفطحات :rolleyes:

بس ممكن تسلفني 500 >>>>>>>>>> موراه الا الدجــه(jdf)
شوووكرا حوووبي
-------

الغالي طايرتن بوهتي

تصدق اننا زيكم كل جنس خشن ماعندي خوات بس ست الحبايب في البيت
ولازم نسويها نكبر غير ذالكبر >>>>>>> تقولي امي كذا دايم (ehg)
ثانكيو عيوني
---------

الاخت الغاليه حنونه
والله يختي كان السنع بالعرس مابغاه >>>>>>>>> متعقد (q5)
والف شكر لك

[سيف العداله]

والله طلعن بنات المنتدى يعرفن يسوّن قهوه :p

زين بهن رجا بنات هالوقت (qq)

[فريق أول]

سيف ياويلك :eek:

[همس الشفايف]

8
8
8
8

تقول هالحتسي وانت مابعد عرفت اننا نعرف نصلح بيض عيون بعد (aqwa)

[دلع عيني دلع]

وازيدك من الشعر بيت سيف0000

وشكشوكه بعد 00000

[أم أديم]

هههههههههههههههههه

تصدقون يا جماعة الخير انكم

هبلتوا بولد عنيزة :o

الحين بيسوي اي طريقه

اكيد ان راسه الحين بروجه منكم :cl:


:p:p:p

[بنت نجد]

الرسالة الأصلية كتبت بواسطة سيف العداله
والله طلعن بنات المنتدى يعرفن يسوّن قهوه :p
زين بهن رجا بنات هالوقت (qq)

وهل في ذلك شك .. وإلا تطريز :p

[بنت نجد]

الرسالة الأصلية كتبت بواسطة سيف العداله
والله طلعن بنات المنتدى يعرفن يسوّن قهوه :p
زين بهن رجا بنات هالوقت (qq)

وهل في ذلك شك .. وإلا تطريز :p