معمول.....لذيذ.....يذوب.....بالفم

[هبه]

(qq137)

اليوم بقولكم على طريقة معمول جنان (q70)

يذوب بالفم يعني مايمديه يوصل للمعده:p

باسم الله الرحمن الرحيم نبدا :
المقادير :
500 جرام زبدة المراعي (لاتقولون كثيير اجل شلون يذوب بالفم:o )
3 حبات بيض
4 ملاعق سكر ناعم
2 ملعقة حليب نيدو
دقيق ابيض (بس ماعرف المقدار لانه ماقد حسبت الكميه الي احطه او احتاجه)
تمر سكري رطب( كمان علشان يذوب بالفم)

الطريقه:
اول شي طلعين الزبده برى وتحطينه بزبديه علشان يسهل خلطه

وبعدين تقومين بخفق البيض مع السكر

ثمن تضيفين الزبده الى خليط السكر والبيض او العكس الي تحبين سويه عادي

همن لما يصير الخليط ناعم تضيفين ملعقتين حليب النيدو وتخلطينه

وبعدين تقومين باضافة الدقيق شوي شوي حتى يصبح الخليط شبه متماسك
ولين وناعم وطري

هنا يجي دور التمر تقومين باخذ جزء بسيط من العجينه (راعي انه حجم المعمول
لازم يصير صغير علشان ناكله بلقمه وحده ) وتحشينها بالتمر يصير شكله
مثل معمول سولاف او سوالف الجاهز

بعدين دخلينه بالفرن بحيث يكون الصاج بالوسط ودرجة الحراره 125
ولما يتحمر من تحت تروحين مشغله الشوايه ومحمرته من فوق

بالهناء والعافيه

مع تحيات الشيف..هبه..(qq40)

ملاحظه:
اذا حبيتي تزينين المعمول اذا خلصتي حاشيته تقومين تغمسينه بيضه مخفوقه
ثمن بسمسم ودخلينه الفرن وبس

[طايرتن بوهتي]

تسلم ايدك و الله شكله يهبل بس لو تتممين معروفك و ترسلين لي شوي
>>>>>>>>>>>عجازه :o

[المتحد]

.
شكراً ياشيفه ..
شيفه يعني طباخه ..
مهوب شيفه --> شينه ..
قويه صح ..
عادي .
( وجه يضحك ) عيا يطلع .
.

[تــــــالا]

تسلم يدينك
أختي هبة :rolleyes:

[jwaher4]

تسلمين أختي

بس لو تحددي كمية الدقيق بالضبط

[همس الشفايف]

اخسسسسسسس ياهبه صرتي سنعه وانا مدري :o

مير تراتس جايزتن لي وبخطبتس لاخوي :eek:

تدرين ليش

لانه يحب المعمول والأقط اكثر من امه وابوه :o

وانتي عاد ورطتي عمرتس :p

[أم أديم]

ما شاء الله عندنا ثنتين شيف :o


انتِ وبنت نجد:p


كفو الله :rolleyes:


الله يعطيك العافيه :rolleyes:

[هبه]

طايرتن بوهتي...تامرين امر... بس مو قبل ماتصلحينه :o


السيد المتحد طنط هبه بترد عليك وبتقولك :
عفوا ياشيف ..
شيف يعني رئيس الطباخين ..
مهوب شيف --> شين ..
قويه صح ..
عادي .
:o

عليك بالعافيه اذا صلحته
عاد تدري شلون اتحداك تصلحه
واذا صلحته بالله صوره لنا :p

عندك من هنا لشهر لحد مارجع ان شاء الله (d)


تالا...ويدينك :) عاد اذا صلحتيه بتدعين لي من قلب:p
<<<<<واثقه الاخت


أختي جواهر
تسلمين أختي
بس لو تحددي كمية الدقيق بالضبط
شوفي انتي جيبي لك كميه من الدقيق زين وماراح تحطين كله بس
الي تشوفينه كافي يعني الى مايصير عندك عجينه لينه
وطريه وناعمه:p
واخره مره سويته قبل البارح وكالعاده ماقست الكميه وعلى ماسويه
مره ثانيه يبيلي شهر ياحبيلك اجتهدي وسويه وان شاء الله يضبط معاك :rolleyes:


همس الشفايف...احم احم شفتي يطلع منا:o

مير تراتس جايزتن لي وبخطبتس لاخوي
تكفيني الأولى هموسه تدرين ليش
لانه يحب المعمول والأقط اكثر من امه وابوه
وانا عاد مابي اورط عمري:p

ابي واحد يحب المعمول علشان انا مسويته مو يحبني علشان حب المعمول
ادري انك تمزحين بس جمله قرقعت فيني ولزمت الا تطلع :p


قصيميه...تسلمين والله على التشجيع...بس عاد هاه صلحيه
وقولي لي رايك


وهنا بعد استودعكم الله الذي لاتضيع ودائعه
ومع السلامه على امل اللقاء(g) بعد شهر او اقل ان شاء الله

[بنت نجد]

تسلمين ياعمري ياهبة...

بصراحة شكله يوكل بالشفايف مو بالأسنان :o..

بإذن الله بجربه .. والقلب داعي لك ياغالية..

وبغير في الحشوة .. بحط حشوة جوز وماء زهر .. تراها رهيبة في المعمول:rolleyes:

والله يحفظكِ يا الحبيبة .. بس ليش بتغيبن عنا شهر (g)

أختك

بنت نجد

[دلع عيني دلع]

الله يسلم هاليدين هبه0000

والله يرجعك بالسلامه 00 لو سمحتي الواحد مو يرجع ويديه فااااضيه

<<<<<<< تحلم بصحن معمول00000
يسلمووووووووووووووووووووووو

[نجم سهيل]

اللـــــــــــــــــــــه مير يجزك خير ,,,, ويعدي عنس ,,,, ويخليس لعين ترجيس
هذا دعا امي اذا ذاقت ها المعمول انشاء الله شكله رووووووووعه


اممممممممممممممممممممممممممممممممممممممممممممم

[هبه]

بنت نجد (j)

تسلمين ياعمري ياهبة...

الله مير يسلمك ويسمنن:o

بصراحة شكله يوكل بالشفايف مو بالأسنان

وبغير في الحشوة .. بحط حشوة جوز وماء زهر .. تراها رهيبة في المعمول

مافيه احلى من الابتكار بالاكل بس ممكن تقولين لي على طريقة الحشوه بالضبط شلون يعني تخلطينهم مع بعض الجوز وماء الورد

والله يحفظكِ يا الحبيبة .. بس ليش بتغيبن عنا شهر

لا خلاص هونت ماقدر على فراقكم :p
__________________________

دلع عيني دلع (j)

الله يسلم هاليدين هبه0000

ويدينك :p

والله يرجعك بالسلامه 00 لو سمحتي الواحد مو يرجع ويديه فااااضيه

الله يسلمك بس انا مارحت يعني ماني محقوقه بشي :o

بس بعد كلمتك تحلم بالمعمول بصراحه اثرت فيني

اعطيك وصف بيتنا تجين تاخذينه :p

بس قولي لي قبل علشان يميدني اصلحه

الي انتي وين ساكنه قريبه ولا بعيده

________________________

نجم سهيل (d)

اللـــــــــــــــــــــه مير يجزاك خير ,,,, ويعدي عنس ,,,, ويخليس لعين ترجيس

آمين

هذا دعا امي اذا ذاقت ها المعمول انشاء الله شكله رووووووووعه

وانا حبيت امك وان شاء الله يعجبها :p

[شـــــاهه]

اختى العزيزة

هبه

يسلموا اياديك

وربي يعطيك العافية

حفظت الموضوع

شفتى انك رهيبة


ودمتى بخير ان شاء الله


اختك


شــــــــــــــــاهه

[هبه]

اختي شاهه

مشكوره ياغاليه على التشجيع :)

[سيف العداله]

ثمن تضيفين الزبده الى خليط السكر والبيض او العكس الي تحبين سويه عادي

همن لما يصير الخليط ناعم تضيفين ملعقتين حليب النيدو وتخلطينه

وبعدين تقومين باضافة الدقيق شوي شوي حتى يصبح الخليط شبه متماسك
ولين وناعم وطري
:p:p:p
ثمن
همن
بعدين
:o
بدايات خطيره يا شيف هبه لكل بداية سطر

شكلك تحبين البلاغه :p

بس الصراحو معمول مهبول ومسكت :cl:

اثرك به رجا تنفعين اهلك :p

تشكرات يا شيف هبه ولا عمرك تعودينها (aqwa)

[هبه]

هههههههههههههههههههههههههه

بدايات خطيره يا شيف هبه لكل بداية سطر
عادي هذا اسلوب نجدي :p لشد انتباه القاريء ماقد سمعت فيه :o

شكلك تحبين البلاغه
ماذكر اني ذاكرتها (a)

بس الصراحو معمول مهبول ومسكت
عارف هاذي الجمله شفعت لك عندي عن الي بعدها (aqwa)

اثرك به رجا تنفعين اهلك
انا اصلا كلي خير وبركه :o اهلي مالهم غناة عني
وامي ماعندها نيه تتطلق صراحي :md:

تشكرات يا شيف هبه
العفو

ولا عمرك تعودينها
وشي البلاغه (d)

[فريق أول]

(qq137)
ثمن بسمسم ودخلينه الفرن وبس[/color]


أهم شيء الـ سمسم :)


يعطيك العافيه هبه ع المعمول


الفريق أول

[هبه]

يالله ذكرتني بالمعمول وبأيام مضت

بس اللي راح صعب يرجع

فعلا السمسم انا احبه مره

يعطي طعم ونكهه للاكل خاصه

مشكور قائدنا لا خلى ولا عدم

[الغندوره]

يممممممممممم يسلموا .........

المعمول طرقه كثير بس ماتضبط معي بجرب هاذي واقول لك وشكراااااا لك

........................................

[هبه]

الغندوره

ان شاء الله طريقتي تضبط معك وتستمعي وانت تصلحينه

وانتظر ردك وان شاء الله تكون النتيجه ايجابيه

[بنت اهلي]

يم م م م م م
يسلمووووووو ديااااتك هبه على هيك طبخات(qq6)

بس المعمول يضبط معي مافيه امل
<<نجوم السماء اقرب لها

يعطيك العافيه
ت.ح.ي.ا.ت.ي

[هبه]

بنت اهلي ياعسل

ياللي ردودك تجوز لي (qq8)

يسلمووووووو ديااااتك هبه على هيك طبخات

يسلمك ربي

بس المعمول يضبط معي مافيه امل
<<نجوم السماء اقرب لها
من قال انت بس جربيه وخلي توكالك على الله

صدقني اذا كنت انا ضبطته فمن باب اولى غيري يضبطه

اصلا ماتعلمت الطبخ والنفخ الا على كبر (q9)

يعطيك العافيه

يعافيك ربي

[رمانه الطائف]

رووووووووووووووووووووووووعه

[بسومة]

اممممممممممممممممممممممممممممممممممممم مشتهيه هالمعمووووووووووووووووووووووووووووول هبة

[جوهرة تميم]

لك جزيييييييييل الشكر

[ღ( ـآحـٍلآمً فُـًٍتــىًღ]

تسلم يدينك
أختي هبة

[... بنت الجنوب ...]

http://www.alfrasha.com/up/13579537831635274259.gif

[مـــ الورد ـاء]

تسلم الايادي

يعطيك العافية

[*أسيرة الذكرى*]

تسلمـ يدكـ قلبــووو

تشكرآآآت

:)

[الهنـوف]

يعطيك العافيه .

[حتى التعب مني تعب]

يعطيك العافيه
تسلم يدينك