المساعد الشخصي الرقمي

مشاهدة النسخة كاملة : هام لاصحاب الجوالات ابو كاميرا


naji2003
17-05-04, 02:59 PM
جوال كاميرا انتبهوا...أصحاب محلات الجوال يرجعون الصور حتى بعدالمسح
كل الي معاهم جوالات بكاميرا ... ومصور فيها اهله او خواته او بناته .... او البنات الي يصورون بعضهم بجوال الكاميرا خاصة في المناسبات العائلية الصغيرة يعني اقارب عيال عم او غيره .. وبعده يمسحون الصور من الجوال .. ترا ما تنمسح نهائيا
!!!
وفعـــــــــــــــــــــــــــــــــــــلا هذا الي صار معاي .. انا معي جوال نو كيا 6600 وفجئه اشوف شاشة الجوال والقى كلام بالانجليزي وفيه كلمة ERR يعني بالعربي خربان .. فقلت اروح لمحل زميلي عنده محل جوال في مجمع كبير ... وقلتله يافلان وش السالفة قال جوالك يبغاله اعادة تهيئه يعني سفت وير من جديد يعني بيحملي اصدار الباندا من جديد ... قلتله الله يخليك الا الارقام ما حفضتها لا بذاكره ولا غيره .. فقالي لا يهمك احاول اسحبها لك ...المهم حط جوالي بتوصيلات عنده موصله بجهاز الكمبيوتر .. وبعد نصف ساعه حملي اصدار الباندا الجديد وقالي خذ رجعت لك الارقام ما خليتها تروح مع التهيئة .. وحمدت ربي .. لكن تفاجأت لمن رحت للقائمة ورحت للاستديو .... حصلت الصور الي انا مصور به عيال اختي في البر العيد الماضي والله صور كثيرة فوق الاربعين صورة .. وانا كنت ما سحها من زمان ولا بقيت ولا صورة بالجهاز .... اندهشت وقلت له هذي الصور انا ما سحها قال ايه مو قلت لك ما ني مخلي ارقامك تروح قلت له .. الحمدلله ارقامي رجعت بس معقولة الصور ترجع ... قال لي ايه ترجع .. وقالي ياعمي شوف هالمحلات كلهم يحترون بس بنت تجي ومعها جوال الباندا او اي جوال بكاميرا وتبغى له صيانة ينبسطون يقولي والله فلان الي بعد المحل الي جنبنا لاقي صور بجوال وحده له ولخواتها اظهار كلهم حلوين ويشبهون بعض .. ويقول ومصوره نفسه وهي لابسة كذا لبس ..... قلت والله المسكينه الحين بتنتشر صورتها وصورة خواتها بالنت لو نشرها صاحب المحل ....... وقالي غيرهم كثير...........

________________________

فانـــــــــــــــــا اقول نصيحة لكل واحدعنده جوال بكاميرا لا تصور احد من اهلك بالكاميرا نهائي ولو على سبيل الضحك او اختك تبي تشوف وشلون بيطلع شكلها بالصورة وتروح تصورها تــــــــــــــــــــرا فيه ناس ما تخاف الله ........ فنصيحتي اذا بتصور لا تصور الا اطفال اطفـــــــــــــــــــــــــــــــــــــــــا ل وبس

رجاء نشر الموضوع للاهمية
الموضوع منقول للاهميه

سيف العداله
17-05-04, 03:11 PM
الله يستر
واعتقد اللي عندها جوال بكاميرا تتحمل كافة العقوبات واردى لها ان انتشرت صورها
من قالها تجخ بجوال كاميرا وتصور نفسها

والله يستر

بنوته
17-05-04, 03:17 PM
جزاك الله خير

بصراحة موضوع مهم جدا

لازم الجميع يعرف فيه

مصيبه والله :(

تــــــالا
17-05-04, 03:22 PM
الله يستر بس

غريب الماضي
17-05-04, 04:16 PM
الــســلام عـلـيـكـم


الله يـسـتـر فـعـلاً الأمـر خـطـيـر



ويـحـتـاج إلــى تـوعـيــة جـديــة


سـلـبـيـاتـة هـالـجــوال أكـثـر مـن أيـجـابـيـاتــة

ماس
17-05-04, 05:57 PM
كل ذنبه على جنبه ومااحد ضربكم على ايديكم 000

المحتار
17-05-04, 10:28 PM
السلا م عليكم

ياليت البنات يفهمون

بس انا عارف:(

ماعندك احد...

فريق أول
17-05-04, 10:36 PM
الله يستر ،،

على ما اعتقد نقاط التفتيش تصادر جهاز ( الباندا ) ،،

ناوي ابعاد
18-05-04, 12:53 AM
الله يستر
والله ما جانا بخير هالجوال ...

تصدق ان واحد من الربع مصورني بجواله .. وعلى بالي اني مسحتها http://www.bigsmileys.com/images/default/Aqua-Smiles/32/sad.gif

<<< عاد انت يسمونك ........

ليت ربعنا يفهمون

ابو سيف
18-05-04, 01:22 AM
شكرا لك أخي على هذا التنبيه
ورحم الله والديك على الغيره على اخوانك ..
إسمح لي بنقل تجربتك الى منتديات أخرى.

حنونه
18-05-04, 06:15 PM
شكرا لتنبيهك اخوي وانا ضد الجوال بكاميرا لأني احس انه مشاكله كثيره والله يستر