المساعد الشخصي الرقمي

مشاهدة النسخة كاملة : وظائف شاغرة في منتديات قصيمي نت !!!!!


شوي ..
17-05-04, 01:40 PM
السلام عليكم ورحمة الله وبركاته ..

تعلن منتديات قصيمي { قسم العضوية } ..

عن توفر العديد من الوظائف الشاغرة ..

والتي ترغب في شغلها من اعضاء المنتدى ..

وعلى الجميع ترشيح من يرونه مناسباً لشغل هذه الوظائف ..

علماً بأن الوظائف هي كما يلي ..

1- مدير استقبال ..

2- قهوجي ..

3 - مشرف استقبال ..

4 - متحدث رسمي ..

5 -محاضر ..

6- مسؤل المنتدى ..

7- سائق حافله ..

8- شاعر ..

9- رئيس قسم التشريفات ..

10- طباخ ..

11- كاتب قصص ..

12- واعظ اسلامي ..

13- مشرف تغذية ..

14-صيدلي ..

15- مشفل كمبيوتر ..

16- محاسب ..

17 -مدير مبيعات ..

18- حكواتي .. (راعي سواليف )

19- مدير التخطيط

20- مشرف عمال ..

21- مأذون انكحه ..

فعلى من يتم ترشيحهم احضار مايلي :

1- ارسال نسخة من السيرة الذاتية مع صورة مقاس 24×15..

2-ضرورة حضور ولي امر المتقدم ..

3- ملف علاقي اخضر ..

ومراجعة قسم انهاء العضوية في المنتدى ..

على العنوان ..

شارع الأنس المتفرع من شارع الإبتسامه ..

امام ميدان خلك في حالك احسن لك ..

وللجميع تحيات ادارة العضوية ..

وللجميع حق ترشيح من يرون فيه الكفاية من جميع الأعضاء لشغل هذه الوظائف ....!!!

سيف العداله
17-05-04, 02:17 PM
الوظائف هي كما يلي ..

1- مدير استقبال ..

غريب الماضي :rolleyes:

2- قهوجي ..

أسماء (d)

3 - مشرف استقبال ..

عبير :rolleyes:

4 - متحدث رسمي ..

أبو الطيّب

5 -محاضر ..

المتحد

6- مسؤل المنتدى ..

ناوي ابعاد

7- سائق حافله ..

أنا :p

8- شاعر ..

الزاحف

9- رئيس قسم التشريفات ..

فريق أول (aqwa)

10- طباخ ..

بنت نجد(qq)

11- كاتب قصص ..

شموخ نجمة :rolleyes:

12- واعظ اسلامي ..

ابو ريالين

13- مشرف تغذية ..

غنوده

14-صيدلي ..

الدختور يحيى :rolleyes:

15- مشفل كمبيوتر ..

شعبي

16- محاسب ..

مستغرب :rolleyes:

17 -مدير مبيعات ..

سامر ليل نجد(tt)

18- حكواتي .. (راعي سواليف )

همس البراطم :p

19- مدير التخطيط

قصيميه

20- مشرف عمال ..

سقراط :)

21- مأذون انكحه ..

ولد بريدة :p

مستغرب
17-05-04, 07:24 PM
كم تبون خبره

لا تكونون زي شركاتنا

يبغون خبره عشر سنوات ولا يزيد عمر المتقدم عن 20 عاما ويحمل شهادة الماجشتير



انا محاسب سيف واللي ضعتوا

همس الشفايف
17-05-04, 07:30 PM
1- مدير استقبال ..

غريب الماضي ماشالله عليه ماغير يهلي ويرحب وبعض الاحيان يغني يامرحبن بالمقبلي :o

2- قهوجي ..

بياله بنت عمي مع انها تصب باليمين وتقدم باليسار بس مايخالف ندربها :p

3 - مشرف استقبال ..
المشاغب ماشالله عليه كل ابو دايم مرتز عند البوابه مع غريب :o


4 - متحدث رسمي ..
ناوي ابعاد ماشالله عليه مافيه اطول من لسانه :p

5 -محاضر ..

المتحد ماشالله عليه يحب يتفلسف واجد :o

6- مسؤل المنتدى ..
فريق اول احس انه ماعنده يمه ارحميني الله يكفينا شره (aqwa)

7- سائق حافله ..
مستغرب ماشالله عليه عاد متعود على مسك الخطوط :p

8- شاعر ..

سقراط بس تراني ما افهم شعره كل ابو دايم يشعر بالفصحى :o

9- رئيس قسم التشريفات ..
قصيميه ماشالله عليها بنت سنعه وذوق وتشرفنا :rolleyes:

10- طباخ ..
بنت نجد بنت ظفره واتكانه وغيث السماء تعاونها وتغسل المواعين :o

11- كاتب قصص ..
شموخ نجمه بسم الله عليها عيني عليها بارده :rolleyes:

12- واعظ اسلامي ..
ابو ريالين ماشالله عليه
13- مشرف تغذية ..

غنوده
14-صيدلي ..

دكتور يحي مع اني ذاك اليوم صاكني رويسي ومالقيت عنده بندول
15- مشفل كمبيوتر ..
شعبي احس انه هو ياباني المنتدى :o
16- محاسب ..
عاااااااااد جينا للدراهم هذي خلوها علي ( شغل صباحي) :p

17 -مدير مبيعات ..
ايه الله يرحم ايا البسطه خلوهااااااا علي بعد ذي عندي خبره ( شغل مسائي) >>>>>>> حظرميه :p

18- حكواتي .. (راعي سواليف )
سيف العداله وخاصتن في القوايل تعال اسمع سواليفه:p
19
- مدير التخطيط
ماس ونجم (qq)

20- مشرف عمال ..
هذا انت يا شوي :o

21- مأذون انكحه ..
تبون مأذون والا خطابه :o
الخطابه حلات الكون تلقاها في كل عرس مرتزه وعيونها تلاقط في هالبنيات :p
والمأذون عاد ابو غانم الله يذكره بالخير


وهااااااااااااااه عاد عساكم بس توظفونا

وترى نبي الدوام على كيفنا ولا فيه خط احمر

اقووووول شوي لازم نجيب شهاده حسن سيره وسلوك ... عز الله اللي ماتوظفنا

سكري
17-05-04, 08:31 PM
اخي العزيز
شوي
سعودة ولا تقبلون اي واحد
اذا سعوده ماني متعب نفسي شد الرحال لبريدة العزيزه
واذا هي حرية فنا من بكره تلقني بالنقل الجماعي ومعي ملفي العلاقي
و4 صورة قمرية
وشهادة حسن على سلوكه
وخبره ماعندي

شوي ..
18-05-04, 09:54 AM
اهلاً ومرحباً بالمتقدمين للوظائف اعلاه ..

كل واحد منكم يتاكد من وظيفته علشان مايكون فيه تداخل بين الوظائف ..

اخوي سيف بن عداله ..

ترشيحك وصل ويبي لنا كم يوم ندرسه ونرد عليك ..

وياهلا فيك وبمرشحينك ..





اللي دخل الطابور من قدام { مستغرب } ..

مانبي خبره نبي رجال سنافي بس لازم يكون معه لغات ..

{ قال ماجشتير قال } .. حياك اخوي ..





همس الشفايف ..

ما ادري كل ماقراء اسمك اتذكر اغنية محمد عبده صمت الشفايف ..

زين اختي عز الله اللي ضمنا الوظيفه لا ومشرف اعمال ..

ماقصرتي يخليك ربي ...




اخوي سكري ..

لاتخاف بس صل الفجر عندنا علشان مايفوتك الدور ..

وابشر بسعدك وبعدين ليش نفرق بيننا وبين الشركات حنا واياهم واحد ..

{ عز الله اللي زاحموك الأجانب ياسكري } ...

الله يحييك ..

فريق أول
24-05-04, 05:55 AM
بسم الله الرحمن الرحيم ،،،

نحن الفريق أول رئيس هيئه الأركان العامه

والقائد الأعلى للمنتديات

أمرنا بما هو آت :-


أولا :


تعيين المشرفه همس الشفايف مديره استقبال

تعيين الابن البار سيف العداله قهوجي

تعيين المشرفه قصييميه مشرف استقبال

تعيين ابننا المتحد متحدثا رسميا.

تعيين الابن مستغرب محاضرا

تعيين العضو شوي مسؤلا للمنتدى

تعيين العضو أبو هاجوس سائق حافله

تعيين الشاعر والاديب أبو ياسر شاعرالمنتدى

تعيين العضو هبه رئيسه قسم التشريفات

تعيين المشرفه بنت نجد طباخ المنتدى

تعيين الزميل السابق صاحب السعادة كاتب قصص

وينصب منصب واعظ اسلامي الداعيه المعروف أبو ريالين

تعيين العضو تـــالا مشرفه تغذية

وينصب منصب الصيدلي الدكتور يحيى

تعيين حبيبي الشعبي مشفل كمبيوتر

تعيين العضو اسماء محاسب المنتدى

تعيين العضو حسام خفاجي مدير مبيعات

تعيين الابن سيف العداله حكواتي

تعيين العضو ناوي ابعاد مديرا للتخطيط

تعيين العضو سامر ليل نجد مشرفا للعمال

ويشغل منصب مأذون انكحه الشيخ المهذب




ثانيا :

إبلاغ أمرنا للجهات المعنية وأمرهم بتنفيذه (aqwa)

شوي ..
24-05-04, 11:26 AM
السلام عليكم ورحمة الله ..

بما انني اصبحت مسؤلاً عن المنتدى فأنه وإنطلاقاً من الصلاحيات الممنوحة لي ..

اطلب مايلي :

على المشرفه همس الشفايف مديره استقبال ان تعود الى مكتبها بسرعة ....

وعلى الابن البار سيف العداله قهوجي ان يصب قهوة للضيوف ولايفشلنا ..

المشرفه قصييميه مشرف الأستقبال عليها التواجد داخل الصالة ..

وبسرعة يالمتحد اعلن البرنامج اليومي للمنتدى .

وين االمحاضر مستغرب ما اشوفه ..

أبو هاجوس سائق حافله يالله ودي الضيوف للسوق القديم ..

الشاعر والاديب أبو ياسر شاعرالمنتدى لاتنسى الأمسية الشعرية للليله ..

العضو هبه رئيسه قسم التشريفات شكراً جزيلا على تواجدك ..

يا بنت نجد طباخ المنتدى علمينا وش راح تسوون لنا اليوم ...؟؟؟

صاحب السعادة كاتب قصص .. للتواجد مع ابوياسر لإحيا الليلة الأدبية ..

أبو ريالين .. قلنا وش هي محاضرة اليوم ..

العضو تـــالا مشرفه تغذية رجاء التنسيق مع بنت نجد لاتفشلونا اليوم مع الضيوف ..

الصيدلي الدكتور يحيى خلك جاهز يادكتور للظروف الطارئه ..

الشعبي مشفل كمبيوتر وين هو اليوم ..؟؟

العضو اسماء محاسب المنتدى اعطينا اليوم بيان عن المصروفات ..

العضو حسام خفاجي مدير مبيعات وش اخبار المبيعات اليوم..

يا سيف العداله حكواتي .. مد لسانك علشان يسمع الجميع سواليفك ..

العضو ناوي ابعاد مديرا للتخطيط يالله ياناوي انوي خير وقلنا وش خططت ..

العضو سامر ليل نجد مشرفا للعمال يالله ياصديق شوف نفر راح وين ..

ياشيخ المهذب متى العرس ؟؟؟؟

وسلامتكم يالربع .. شوي ..

همس الشفايف
24-05-04, 04:08 PM
شوي.... :o
على المشرفه همس الشفايف مديره استقبال ان تعود الى مكتبها بسرعة ....


ابد لاتخاف تراني مرتزتن بكرسيي الدوار عند الباب ادور به واتحرى احد يدخل على شان استقبله

وكل ماتحرك الباب افز اقوم وما القى الا داخلن قطاوة هايته من هالشوارع:cl:

وماغير طردي انا وياها

ياخي حطوا فراااااش للمنتدى يبزى هالقطاوه :eek:

هبه
25-05-04, 01:24 AM
شوفو سيف وهمس وش اختاروا لوظيفة حكواتي

سيف العداله

18- حكواتي .. (راعي سواليف )

همس البراطم :p

همس الشفايف

18- حكواتي .. (راعي سواليف )
سيف العداله وخاصتن في القوايل تعال اسمع سواليفه:p

بالله وش رايكم فيهم نبي نخصص لهم قسم بالمنتدى يهذرون علينا فيه :o

طيب شوفو القائد الأعلى وش اختار لشغل نفس الوظيفه الحكواتي :p

تعيين الابن سيف العداله حكواتي

ولا ومعينه قهوجي بعد ايه يحق له الابن البار :o

هذا كله كوم وصفطت شوي لسيف وهمس

لما شاف رد القائد الاعلى طبعا ومن يقدر يخالفه :p

طيب تعالو شوفوا تعيني من قبل القائد العام فريق اول (w99)

تعيين العضو هبه رئيسه قسم التشريفات

والله شكله رزه :p

بس ممكن سؤال وشو قسم التشريفات اول مره اسمع به :o

بــدر عنيــزة
25-05-04, 01:53 AM
خلي ملفك عندنا وراجعنا بعد اسبوع <<<<< (g)

سيف العداله
25-05-04, 02:02 AM
النص الأصلي مرسل من قبل هبه


طيب شوفو القاعد الأعلى وش اختار لشغل نفس الوظيفه الحكواتي :p



اسمه القائد الأعلى مهوب القاعد :p

هبه
25-05-04, 02:12 AM
سيف العداله (jdf)

ورى ماتهدي اللعب:o

بعدين عدل ردك كلش ولا القائد الأعلى

<<<< بتورطك معه خخخخخخخخخخخخخخخ















بيني وبينك ضحكت لما قلت بس
بس تدري شلون بما انه ابو طبع مايخلي طبعه
رايحه اعينك المدقق الأملائي تبعي ويصير ارسل لك الرد
على الخاص وتدققه وترجعه لي بس من دون تلاعب :o

أم أديم
25-05-04, 06:01 AM
والله هالوظايف شي



(qq91)


:p

نجم سهيل
25-05-04, 06:09 AM
السلام عليكم ورحمة الله وبركاته ,,,,,,,,,,,,,,,,,,,,,,,,,,,, وبعد
اتقدم انا نجم سيل بطلب وضيفه عندكم ولو على بند الساعات او الاجور او اللي يجي بس دبرونا تكفون وعلى فكره تراني مكلم واحد بيتوسطلي وتراه ضهر بس المشكله انه عسكري الفريق اول ,, رفيق لجدي دارسين جميع عام الفيل ويبي يتوسطلي مير خلوه تجيمنكم ازين وشكــــــــــــــــــــرا,,,
مقدم الطلب / نجم سهيل
التوقيع / شخاميط ,,::...؛؛؛""

أم أديم
25-05-04, 06:14 AM
:o

وقع صح والا ترى يطردونك :cl:

وزين التوقيع :p

واحده ملقوفه :p

شوي ..
25-05-04, 10:06 AM
السلام عليكم ورحمة الله ..

همس الشفايف ..

مايخالف الله يعافيك ..

بس الكادر لوظيفي مايوجد فيه وظيفة فراش وش نسوي ؟؟

تحياتي ..




هبه ..

قسم التشريفات الله يسلمك مخصص للترزز والتكشخ ..

هلا والله ...




سيف بن عداله ..

كله واحد يارجال القائد والقاعد المهم الهيبة ..

تحياتي ..



بدر عنيزه ..

مو بعد اسبوع إلابعد سنه يالله يمدينا نشوف ..

ياهلافيك ..




نجم سهيل ..

الموضوع تحت الدراسة والمهم استكمال الشروط ..

والله يحييك ..





قصيميه ..

ليش ماتقدمتي لبعض الوظائف ..

وإلا مو عاجبتك ..

فوليها يالله ..

تشكرررررررررات ..

همس الشفايف
25-05-04, 04:33 PM
هبه :o
شوفو سيف وهمس وش اختاروا لوظيفة حكواتي

سيف العداله

18- حكواتي .. (راعي سواليف )

همس البراطم

همس الشفايف

18- حكواتي .. (راعي سواليف )
سيف العداله وخاصتن في القوايل تعال اسمع سواليفه

بالله وش رايكم فيهم نبي نخصص لهم قسم بالمنتدى يهذرون علينا فيه


مهيب شينه ياهبه :p
والله فكره فنتاستيكيه :rolleyes: >>>>>>جاها شد عضلي وهي تكتبها :cl:

وبعدين تعالي جعلتس منيب قايله قاعدين على رويستس يامال الصلاح:eek:

مير ترى بعلم عليتس وش انتي تسويين فيذاك في قسم النواعم انتي وسوالفتس :p

شبيكه تعير المنخل :o

ولــد بريــدة
25-05-04, 07:25 PM
ولد بريدة ماذون انكحة

مو معقول اكبر داشر

ماذون نكحة

هبه
25-05-04, 10:28 PM
هموسه ياعسل :o

وبعدين تعالي جعلتس منيب قايله قاعدين على رويستس يامال الصلاح

لا والله متربعه بالقلب :p بس جاز لي توارد الخواطر عندك انتي وسيف العداله :md:

مير ترى بعلم عليتس وش انتي تسويين فيذاك في قسم النواعم انتي وسوالفتس

اقول هموسه استري ماواجهتي :o ولا تشميتي بي الأعداء (aqwa)

شبيكه تعير المنخل

المنخل وعرفته الي هو انا:o طيب الشبيكه الي هو انتي وش معناه خخخخخ

همس الشفايف
25-05-04, 10:57 PM
النص الأصلي مرسل من قبل هبه

المنخل وعرفته الي هو انا:o طيب الشبيكه الي هو انتي وش معناه خخخخخ



(a) وش معناه

هبه
25-05-04, 11:05 PM
والله ماعرف معنى شبيكه (g) وقسم بالله

همس الشفايف
25-05-04, 11:13 PM
قولي جعلي اسقط في كل سنه انتس ماتعرفينها :o

هبه
25-05-04, 11:25 PM
ههههههههههههههههههههههه
ههههههههههههههههههههههه
ههههههههههههههههههههههه

همس تبين تذلني انتي (oo)

طيب منيب قايله (a15)













هموسه وشي معناه (jdf)

بنت نجد
26-05-04, 02:30 AM
السلام عليكم ورحمة الله وبركاته

حيا الله أخوي شوي .. وحيا الله الجميع .. جيت أقدم على وظيفة طباخة للمنتدى :p .. عسى بس ماعينتوا أحد بدالي :cl:

المهم .. هذي مشاركتي بتوظيف المناسبين في الأماكن الشاغرة لديكم (qq)

1- مدير استقبال ..
ومن غيره غريب الماضي

2- قهوجي ..
الأخطبوط .. عليه سنون تخلي الضيف يشتهي القهوة :p

3 - مشرف استقبال ..
الغالية .... بنوته

4 - متحدث رسمي ..
ناوي ابعاد

5 -محاضر ..
شيخنا أبو ريالين

6- مسؤل المنتدى ..
وهل يخفى القائد الأعلى .. فريق أول

7- سائق حافله ..
سيف بن عداله .. يسوق الحافلة ويسولف

8- شاعر ..
أبو ياسر

9- رئيس قسم التشريفات ..
الغالية .. قصيميه

10- طباخ ..
الغالية .. بنت نجد :p

11- كاتب قصص ..
المتحد

12- واعظ اسلامي ..
النيباري والنجم 2

13- مشرف تغذية ..
سيف بن عداله .. يسير على كل طبخة ويذوقها :o

14-صيدلي ..
الدكتور يحيى

15- مشغل كمبيوتر ..
شعبولا

16- محاسب ..
الغالية .. أسماء

17 -مدير مبيعات ..
المشاغب

18- حكواتي .. (راعي سواليف )
الغالية هموووووسة (( ملح المنتدى ))

19- مدير التخطيط
ماااس

20- مشرف عمال ..
غالي الأثمان

21- مأذون انكحه ..
شيخنا المهذب

وسلامتكم ..:o

وبس خلصت الوظايف ومالقيت لي وظيفة (g)

يالله يا أخوي شوي .. دور لي على وظيفة .. دنا غلبانة (kk)

والله يحفظ الجميع

أختكم

بنت نجد

ناوي ابعاد
26-05-04, 02:46 AM
اها اثركم لاعبين الرفيع هنا :o

بسيطه يانا عندي لكم تعين كل واحد بسمه

واولهم الحكاواتي <<< طايح ميانه ماتلاحظ تقل قاط بسمك :p

ولا تهون الخطابه ... ما غير تسدح بكل عرس ابووووك لو تسمع طاري طق
تقل مخلينها اهلها على الهزاز او مفطومه على بيجر :eek:

محجوز ردي ...
راجع لكم بس بذاكر لختي :eek: عندها تقويم <<< مو اسنان تقويم امتحان :p :o

شوي ..
26-05-04, 11:11 AM
السلام عليكم ..

يسلمك ربي ويخليك بنت نجد ..

الوظايف مثل ماشفتي قدامك ..

لكن يمكن بعد تحوير الوظائف نحصل لك ..

تحياتي لقدومك ..





اخوي الغالي ناوي ابعاد ..

لاتبطي علينا الله يحفظك ..

ترى من تغيب الشمس نقفل واخاف تجلس براء ..

او ماتلقى احد يعبّرك ..

وياهلابك ..

سيف العداله
12-06-04, 05:09 PM
:)

المتحد
12-06-04, 06:54 PM
.
أحلى شئ حكواتي ..
على وزن ..
مازوراتي ..
أقصد
تشكراتي ..:o
.
كل اللي رشحوني ..(j)(j)(j)(j)(j) كمان وحده (j)
ولعيونهم سأحارب ظاهرة جفاف القلبان ..:o
.
بالأضافه إلى تعويض حقين الأوفر تايم ( خارج دوام )

(aqwa)

.