فتية العزاب هبوا !!؟

[ابـوآمال®]

نعود اليكم بأحد الاعمال

هبوا :: فتية العزاب :: هبوا

http://atlg2.siteatnet.com/foreign/atlg2/AZZB.rm

لمن اراد الحفظ الله يرزق كل العزابية (http://atlg2.siteatnet.com/foreign/atlg2/AZZB.rm)



اعداد واخراج ابو آمال

[بونواف]

ابوا آمــــــــــــــــــال .....(qq)


والله انك مبدع بس ماقلت النا من المهندس



ماشاء الله بعدين انت اعرس ثمن انصح الناس

[بنت السليم]

مسكــــــــــــــــــــــت:rolleyes:

والله ان قلت روعه فأنا كذبت بصراحه اروع من الروعه :rolleyes:

بالله عليك وش خليت لحورنيات

أطلق مطوع للانتاج الاعلامي والتوزيع

ياشين الواحد لامنه رفع خشمه(qq)

سقها سقها جزاك الله خير

ما فهمت وش معناها(tt)

ولا كلمه شبابيه مالي دخل فيها

والايتين الي قريتهم فيها اخطاء تجويديه كثييييره عاد اسهل حكم النون المشدده وما طبقته

أنصحك تدخل دوره لتعليم التجويد


ما دامك ياخي نسيت الصدى خلاص...

الي يتكلم رافع ظغطي<< هي بالظاء ولا الضاد (asl)


والانشوده بعد الصدى والمُأثرات ما عليها كلام


كان معكم في الانشاد أبو عبد الملك ولا حامد ولا أبو علي يمكن أبو مهند ولا سمير البشيري يمكنن ولا عمر الضحيان أقولكم أبو أبو ارييييييييج

أشوفك صاف اسمك معهم يامال الصلاح

أشهد انك ازين من الضحيان

أما ابو عبد الملك وأبو علي وأبو سمر, هئووووو<< عرفت تقراها

أتحداك توصل لهم

يا اخي الحقيقه مقطع بس تبي أقول وخرو عني بس فاضيلك انا ما عندي شغل

يا شينك لا قمت تغلى(aqwa)

دورت شي أسبك ولا أنقدك فيه ما لقيت
أخوي ابو آمال والله أنك بــــــــارع

وأتمنى أنك تتحمل مزحي الثقيل بصدر رحب:)

اختك/ أسما

[سيف العداله]

رااااااائع يا اطلق مطوع :p

رهييييييييييب اجل ما بعد حطوا صدى :o

الصراحه ملف صوت خالع من زينه :rolleyes:

اما اسماء هاللي لسانه يلوط اذانه (qq)
الله يعين زوج المستقبل عليك :p

[تــــــالا]

ألف شكر لأبو آمال

[ابـوآمال®]

هلا باللي احبهم واحب ردودهم (tt)

ابو نواف جزاك الله خير وماقصرت
ومكتوب فوق اعداد واخراج : سميره بسيوني (g)

اسماء ماشاء الله ردك يبيله دفتر ابوامال قصدي ابو اربعين:cl: قاعده تسوين بحث على موضوعي من جد تفصيل مفصل اشد التفصيل :o

من ناحية رفع الخشم .. الله لا يقوله (qq) بس من باب التجديد في الهبال:o

اما سقها معناها درجها مشها اهم شي غير السالفه(aqwa)

والقراءه على قولتك لازم ادخل دورة وكنت مستعجل ولا لقيت احد يقرا (kk)

عاد كلش الا ابو حسه :p هذا ابو اصيل حساوي الله يجزاه خير مصرقع لاخر جغمه:cl:
تصدقون مسجل وهو في الشرقيه

اما اسماء المنشيدن هذي من جد مدري كيف قلتها مالها دخل في الموضوع:( ولا من زين الطبايع مسجلها وتوني صاحي من النوم الفجر حتى واضح من الصوت ان الغمص معبي اذنيه :cl: قصدي عيونه(d)

حتى التغلي مسجلها في نفس وقت اللي فوق يعني مافي شرهه صديك

اما ردك من جد قلق وتسطير وحركات شكل ابلتكم اول معقدتك

الله لايجيب الزعل :( وسعي صدرك الدنيا فانيه ولا تهتمين كثبر(tt)




سيف العداله انت الرائع :)

خالع اجل شكلك متابع الموضه (qq)

مو يلوط اذانها وبس الا.. جرر عميلتها بعد:o

بس ترى اسما ماردت هالرد الطويل العريض الا لتقديرها واحترامها لكاتب الموضوع:)



تالا تسلمين يا عذراء الوادي :)

[بنت السليم]

[align=center]
السلام عليكم:)
والقراءه على قولتك لازم ادخل دورة وكنت مستعجل ولا لقيت احد يقرا

ياخي ما قلت لك اقرا مثل الحذيفي

النون المشدده ما تعرف تطبقها(tt)

تعال عندنا عشان تعلمك اختي الصغيره(a24)


تصدقون مسجل وهو في الشرقيه

في الدمام ولا الحسا (asl)

<<< وش دخلتس

اما اسماء المنشيدن هذي من جد مدري كيف قلتها مالها دخل

لا بالعكس أحس انها مره حلوه

بس الي ماله دخل انك تحط اسمك معهم(a24)

وانا عارفه ان المسأله كلها مزح في مزح

و لو قلت الضحيان بس كان قلنا ما يخالف

مع ان صوتك ازين من الضحيان

مو يلوط اذانها وبس الا.. جرر عميلتها بعد

ما أدري وراي ما أشوف

الشكوى لله النظر شجر وانا امك

بس ترى اسما ماردت هالرد الطويل العريض الا لتقديرها واحترامها لكاتب الموضوع

متأكد:md:

[النابغة الأزدي]

اخووووووي ابو آمال المقطع مايشتفل عندي !!! ليش

[شموخ نجمة]

فتية العزاب هبوا... والى الشمال اسعوا...

فهناك المهر رخيص... والفتاة ترضى بالقليل...

وانتم راجعين هاتوا معاكم لنا منكم بديل..

بصراحة مليناكم ومليتونا ..وقررنا نحسن النسل السعودي..

هههههههههههه

ابو آمال ماشاء الله عليك.... لايهمك كلام اسما ترى صوتك بس يبي له تمرين شوي

وتصير أحسن من محمد المساعد:)

بجد ابو آمال الله يوفقك ..ثابر... ومن سار على الدرب وصل..

دمت بخير

أختك في الله

[ابـوآمال®]

ابو هاجوس .. جرب مرره ثانيه :o

الشمال !! وين الشمال الشمال طويل عريض :o


تسلمين يا شموخ نجمة .. ما قصرتي يالغاليه :)

[همس الشفايف]

وربي اقلاااااااااااااااااااااااااااااااع :rolleyes:

وينا عنه من مبطي

بصراااااااحه قمه يابو امال :rolleyes:

وما اقول الا اعرسوووووووووووووووووووو ا:o

[ابـوآمال®]

همس

انتي القمة في الاقلاع والملح اللي يقطر منك تقطير:md:

وترقبوا الجديد باذن الله :rolleyes: