مجنون الحروف
10-05-04, 09:23 PM
طفله خاينه,,
السد باح وخاطري بان وش فيه
ياونتي من همي اللي بنيته
باسباب طفله ..جاهله ..كلها تيه
من حبها زاد العشق مااحتويته
واهدتني بلحظة ولَه شي ماابيه
طعنه قويه نزفها ماقويته
خانت وقالتها بفخر خنت ياهيه
عادي مزحنا... بس هذا هويته
كل الذي صار وحصل مافهمتيه؟
كله غدا مزحه ..كذب ماعنيته ؟
صدت وقالت ببتعد عنك واشريه
قلت ارحلي باقي عضو مااشتويته
جلست اقلب كل جسمي واخليه
فوق الجمر يصحى الذي ماكويته
صحيت من صدمه ..وطعنه ..وتشويه
حسيت به شي انتهى ماابتديته
.
.
.
ياخاينه جيت اسالك.. ليه خنتيه؟
وش هو السبب ؟ياخاينه مالقيته
اللي يحبك يعشقك ليه بعتيه؟
باسباب جاهل ؟ يسعدك ؟ ماهقيته
رخيص قدره ذا الثمن بس يكفيه ؟
ياليتني بعته قبل ماشريته
ماهمني.. لا..صدري اللي طعنتيه
لاهمني جرحٍ بغدرك شكيته
بس البلا في قلبي اللي سكنتيه
لا واحسافة حبي اللي عطيته
انهان انا ؟ قصدك كذا ؟ بسألك ليه ؟
اصلا إذا قلبي يحبك ..وطيته
لا والذي مد البحر ما أوطيه
راس رفعته من طلع ماحنيته
لا لا حشا وقت الردى فيك ابنهيه
وابدى زمن ليمن بغيته ..نخيته
جرح الغدر ماينّسى كيف اداويه ؟
لو زاد مع عمري عمر مانسيته
لكن انا ادعي ربي الله وارجيه
انوم واصحى ماحصل قد بريته
.
.
.
بكتب انا في دفتري شي ..واخفيه
وان مر طيفك رحت انا له قريته
من كل قلبي جعل ربي يثنّيه
ويذوقك ضعف الذي قد طريته
ويشب بك جرح ولهب مايطفيه
بحر ونهر وان بان قبرك سليته
واللي شريته يدعسك في مواطيه
ويقول لك خنتك بعد مابتليته
السد باح وخاطري بان وش فيه
ياونتي من همي اللي بنيته
باسباب طفله ..جاهله ..كلها تيه
من حبها زاد العشق مااحتويته
واهدتني بلحظة ولَه شي ماابيه
طعنه قويه نزفها ماقويته
خانت وقالتها بفخر خنت ياهيه
عادي مزحنا... بس هذا هويته
كل الذي صار وحصل مافهمتيه؟
كله غدا مزحه ..كذب ماعنيته ؟
صدت وقالت ببتعد عنك واشريه
قلت ارحلي باقي عضو مااشتويته
جلست اقلب كل جسمي واخليه
فوق الجمر يصحى الذي ماكويته
صحيت من صدمه ..وطعنه ..وتشويه
حسيت به شي انتهى ماابتديته
.
.
.
ياخاينه جيت اسالك.. ليه خنتيه؟
وش هو السبب ؟ياخاينه مالقيته
اللي يحبك يعشقك ليه بعتيه؟
باسباب جاهل ؟ يسعدك ؟ ماهقيته
رخيص قدره ذا الثمن بس يكفيه ؟
ياليتني بعته قبل ماشريته
ماهمني.. لا..صدري اللي طعنتيه
لاهمني جرحٍ بغدرك شكيته
بس البلا في قلبي اللي سكنتيه
لا واحسافة حبي اللي عطيته
انهان انا ؟ قصدك كذا ؟ بسألك ليه ؟
اصلا إذا قلبي يحبك ..وطيته
لا والذي مد البحر ما أوطيه
راس رفعته من طلع ماحنيته
لا لا حشا وقت الردى فيك ابنهيه
وابدى زمن ليمن بغيته ..نخيته
جرح الغدر ماينّسى كيف اداويه ؟
لو زاد مع عمري عمر مانسيته
لكن انا ادعي ربي الله وارجيه
انوم واصحى ماحصل قد بريته
.
.
.
بكتب انا في دفتري شي ..واخفيه
وان مر طيفك رحت انا له قريته
من كل قلبي جعل ربي يثنّيه
ويذوقك ضعف الذي قد طريته
ويشب بك جرح ولهب مايطفيه
بحر ونهر وان بان قبرك سليته
واللي شريته يدعسك في مواطيه
ويقول لك خنتك بعد مابتليته