قصيدة اعجبتني

[أسراار البحاار]

السلام عليكم قريت هالقصيدة واعجبني وقلت اجيبه لكم وانشاء الله تعجبكم:::


البارحه يوم أكثـر الخلـق هجَـاع
عيّـا لذيـذ النـوم يـاوي لعينـي

أساهر اللـي بالسمـاء دوم لمّـا
عوأدراه كنه مـن حـدى والدينـي

وغديت انا للنجم حـارس وتبّـاع
أنظر طلوعه وأرقبـه ليـن يبينـي


ومن زود همي أحسب النجم سمّاع
وأسند له أبياتـي وأجـر الونينـي


على وليفٍ مـودعٍ قلبـي أمـزاع
وأصبحت من حبه سواة السجينـي

لولا الحنايا اللي تضبه والأضـلاع
شلّع سواة الطير عطـب اليمينـي

االلي غزاني في الهوى بعد مربـاع
وسلمت له قلبي الجريـح بيدينـي

وأبعد وخلاني على البعـد جـزّاع
وحالت ظروف الوقت بينه وبينـي

عـزاه ياقلـبٍ شفـوقٍ وملـتـاع
قلب طـواه البعـد بعـد الضنينـي

ومن عقب ماني بالسما طحت بالقاع
ومنـوّلٍ عنـدي وأجيـه ويجينـي

ومن بعد ماني بالوصل كنت طمـاّع
أقفـى وخلانـي لوحـدي حزينـي

بوعيونٍ سـود حلـوات ووسـاع
والوجه مثل البدر ضاوي الجبينـي

ومن لين عوده غادي له تمريـاع
مربـوع لانحيـف ولاهـو متينـي

لوّه ينادينـي غديـت لـه فـزّاع
يسوقني شوقـي وقلبـي وحنينـي

ياصاحبـي مــا للتغـلـي ولاداع
ترى التغلي يذبـح الشـوق فينـي

ويالله ياللي طالبـك مابعـد ضـاع
ياواحـدٍ نرجيـه طـول السنينـي

تردلـي خلـي حسيـن الأطـبـاع
اللي خـذا قلبـي وأبيـه ويبينـي

وعزّالله اني من ربعةٍ توفي الصاع
ميرالبلـى سلـم الهـوى مبتلينـي

ولاعاد لي قدره ولاعاد لـي نـاع
غيـر التمنـي والله انـه يعينـي
وسلامتكم
للأمانه::(q31) :م ن ق و ل
ولاتبخلوون عليناا بالردوود

[ولـيـد]

قصيده رااائعه
تسلم يمينك اختي على النقل

[سكري]

مرحبا اسرار
نقل جميل بجمال حضورك
ومعذره على التعديل الذي اطال الابيات ولكن لكي تكون جميله جرى التعديل
سكري

[أسراار البحاار]

مشكوووووووووووورين على مرووووركم