طالق طالق طالق ... هل هي عادة أو لا مبالاة..؟

[أخوان الغول]

الزوجه : اقول يا ابو فلان
الزوج : نعم
الزوجه : بعد العصر ابيك توديني عن صاحبتي...
الزوج : ماظنيت والله .. تعبان توني جاي من الدوام ومانمت ... وش فيك !!
الزوجه : اقول انت وعدتني .. والله لتوديني
الزوج : وتحلفين علي بعد .. هيا والله ما اوديك
الزوجه : الله لايشكر فضلك
راحت تكلم اهلها يرسلون لها السواق
وصل السواق وجت نازله
الزوج : وين .. وين وين رايحه بدون احم ولا دستور...
الزوجه : السواق تحت ينتظرني بيوديني عند صاحبتي .. الله لايشكر لك
الزوج : اقول والله ماتروحين
الزوجه : انا قلت بروح يعني بروح ... باي...
الزوج : اذا طلعتي اعتبري نفسك مالك رجعه لهالبيت
الزوجه : احسن بعد
الزوج : يالله تدرين ... روحي وانتي
طالق طالق طالق ...

السؤال الاهم واللي ابي اجابة عليه ....!!!!

* هل صارت الحياه الزوجيه وهي ايه من ايات الله رخيصه لهذه الدرجه ؟

* هل صار الطلاق حلا لخلاف نقص سكر الشاي او زياره الصديقه ...؟

زوجان ارعنان لايعرفون معنى طيب المعاشره ..

ماللذي جعلهم لايفكرون الا في الطلاق ..

اهو شباب اليوم اللذي يتهم باللامبالاه ..

ام هو الدلال الزائد في بيت الاهل قبل الزواج ..

تذهب البنت من بيت اهلها وتعود له بعد ايام او شهور لاسباب تافهه يحتقرها عقل الصغير...