تجارب زوجة (4)

[بنت علي]

السلام عليكم ورحمة الله وبركاته

فاكريني؟
انا نوره......
بقولكم اليوم عن تجربتي اللي مريت فيها..... وتعبتني لغايه مالقيت لها حل....
ومشكلتي تتلخص بصمت زوجي!!
كيف اكتشفت ان زوجي صامت؟؟
في البيت!!
لما عزم اصحابه عندنا في البيت وصار كل أربعاء جمعتهم عندنا( بسبب ترميمهم للاستراحه الخاصه فيهم)
لغايه هنا حلو....
اصبت بذهول لما صرت اسمع صوت زوجي وهو يلعلع من السواليف ووساعه الصدر والضحك وكيف انه يسابقهم بالنكته والتعليق...... تصدقون اكتشفت ان دمه خفيف!!
بس اللي ضايقني ليه عندي ساكت مايحكي... بس تلفزيون.... او نت... او ياكل.... او نايم!!
انا مو ثقيله دم ولا نكديه وراعيه نكته نمبر ون....بس تعلمت السكوت من كثر مااجلس معاه....
بس خطر على بالي فكره قلت خليني اركز على كلام الشباب وشو اللي يثيرهم للكلام وش اللي يخليه يسولف وشو اللي يجذبه
جلست وانا احط العشا في السفره اتسمع على كلامهم وطبعا اتحرك ببطء علشان اسمع اكثر
طلعت بعده نقاط:
1-سواليف عن الكوره والانديه من احسن لاعب ومن مدير نادي ممتاز
2-البر والمقناص والنوم بالخيام ومفك الصلصه على مين
3-العمل والمدير والزملاء
4-الحريمممممممممم.وماادراك مالحريم
5-الاقصاد والالتزامات
طيب عرفت هذي النقاط...
حاولت احكي معه بعمله وبعلاقته بزملاءه....نفخ على وقال : وش دخلك وبعدين انا ماابي سيره العمل بالبيت
قلت طيب.
سولفت عن الكوره وقلت: من فاز من انهزم قال: ماعرف الا انتي بالكوره
سولفت عن المقناص قال: لاتتكلمين بشي مايخصك
سولفت عن حياتنا وعن اقصادنا قال: تكفين ابي اروق
وش بقى الحريم!!!!!
قلت هيّن اوريك
كنا سهرانين ذيك الليله على الصمت المعتاد وفجأه قلت له ماقلتلك!!..... اسكت
قال: وشو!!
قلت: اصبر بوريك على الطبيعه
رحت ولبست قميص نوم احمر من الحرير اللي التف على جسمي كأني مو لابسه شي!
ورجعت وتكلمت ببرود وكان اللي لابسته انا مو هامني
وقلت: وحده يابندر شفتها بعرس لابسه زي هذا الفستان
صعق بندر ونطق وقا: معقول كذ
ا قلت: اسكت...... حتى قاعده تمشي كذا.... وجلست امشي قدامه يتمايل ونعومه وغنج.
تصدقون..... قعد على حيله
قال: وش بعد
قلت: وجلست ترقص بهذي الطريقه..... وشغلت الموسيقى ورقصت له بكل دلع وغنج وانوثه..
لما خلصت انطلق بندر بالسواليف يسولف من دون راي عن الحريم... وجنسهم..... وانواعهم... واللي يثير فيهم........... وشو يحب هو منهم.
تصدقون رحمته اثره كاتم بقلبه وساكت..........
اكتشفت ان زوجي جاهل فيني مو عارف كيف يحاكيني ومو عارف كيف يوصل اللي يبيه لي ...كل هذا بسبب جهله بطريقه التواصل معاي وانا ماالومه لان يمكن يكون خايف يجرحني بطلباته او رغباته فعلشان كذا فضل الصمت.....
قلت له تبيني اقولك منهي هذي الحرمه؟؟
داخله الفضول لغايه الموت وقال: لا لا مايجوز
قلت: ليه مايجوز هذي انا ياقلبي اذا شفتك...
بس ياقلبي لو تحبني اكثر وتحكي معي اكثر وتكون معاي صريح اكثر تكون بيننا الصداقه قبل العلاقه الزوجيه عرفنا نتكلم مع بعضنا ونكون اقرب لبعض.

بنت علي

[حنوووونة وحزينة]

بنت علي
مشكلة الي ذكرتيها اسمع من المتزوجات عنها ولستي وحدكِ
والله يحبب زوجك فيك اكثر ويكون بينكم من الحب والمؤدة والرحمه
اللهم آمين
تستاهلين كل خير عزيزتي
واضح عليك الطيبة والعفوية والصدق (asl)
بس حركتي خطيره ماتصلح بس انت ذكية (qq10)
ربي يحفظك ويسعدك
اتمنى لك حياة زوجية سعيدة وفقكِ الله

[حنوووونة وحزينة]

بنت علي
مشكلة الي ذكرتيها اسمع من المتزوجات عنها ولستي وحدكِ
والله يحبب زوجك فيك اكثر ويكون بينكم من الحب والمؤدة والرحمه
اللهم آمين
تستاهلين كل خير عزيزتي
واضح عليك الطيبة والعفوية والصدق (asl)
بس حركتي خطيره ماتصلح بس انت ذكية (qq10)
ربي يحفظك ويسعدك
اتمنى لك حياة زوجية سعيدة وفقكِ الله

[حنوووونة وحزينة]

بنت علي
مشكلة الي ذكرتيها اسمع من المتزوجات عنها ولستي وحدكِ
والله يحبب زوجك فيك اكثر ويكون بينكم من الحب والمؤدة والرحمه
اللهم آمين
تستاهلين كل خير عزيزتي
واضح عليك الطيبة والعفوية والصدق (asl)
بس حركتي خطيره ماتصلح بس انت ذكية (qq10)
ربي يحفظك ويسعدك
اتمنى لك حياة زوجية سعيدة وفقكِ الله

[حنوووونة وحزينة]

أسفه وش السالفه (qq50) تكررا بغير قصد (qq152)

[ساري بليل]

يمكن حديثك معه ممل

[عبادي نت]

ايه هذي السوالف الي تفتح النفس

من زمان يابنت علي

كان سولفتي عليه كذا

بس لو جلستوا مع بعض مره وحده في الأسبوع على الأقل

سوالف اخرى غير جنسيه تفضفضون لبعض

يكون افضل

[الدب الرومانسي]

يقولون من له حيلة فليحتل ومدام انك غير نكديه وتحبين الضحك انصحك انك تدخلين مواقع النكت علشان تنكتين عليه بس على حسب مزاجه.
ودمتم

[بنت علي]

حنوووونة وحزينة
مشكوره حبيبتي على المشاركه

ساري بليل
لا مو حديثي ممل بس اذانه هي اللي ماتعرف تسمع!

عبادي نت
ابشرك عرفنا طريق السواليف...واكيد سواليفنا مشكله بس زين اني عرفت المفتاح

الدب الرومانسي
يعني تقترح انت الحين؟

[النــــــــــــــــاصر]

سيدتي
الحمدالله على السلامه
قلم رائع وطرح جميل
نعم لابد ان يكون هناك نقاش بين الزوجين والتقرب في كل شيء
غير ذلك البعض لايكتشف أمور كثيره في زوجته أو العكس الا بعد فتره طويله والسبب الهجران والبعد عن بعض

وفقك الله ورعاك

النــــــــــــــــــاصر

[الدب الرومانسي]

ايه نعم اقترح انك تدخلين مواقع النكت وتحفظين لك كم نكته وتقولين له بس على حسب مزاجه ,لا تنكتين اذا صار فريقه مسنتر كم مره يعنى مهزوم يعنى انت ابخص بزوجك طبعا",لكن ابقول لك نكته وقوليه له عسى انه يفك الحجاج.
اقول لك يابنت على ولا يهون القارئ الكريم فيه 3 صعايدهـ يشتغلون عند 1 مسيحي المهم وهم يحرثون الارض كانوا دايم يرددون طب صلى ع النبى مره سمعهم راعى المزرعه وقال لهم اذا سمعتكم مره ثانيه تراى ابفصلكم , المهم فكروا وش يسوون واثر حولهم جدار طين كتبوا عليه صلى ع النبى وصارو يرددون (طب بص ع الحيطه )
هذا الحل اللى عندى وقد يكون هذا الحل هو بداية الحوار مع زوجك الذى اسال المولى عز وجل انه يكون فى البيت مثل ماهو عند ربعه واحسن .
تحياتى لك يابنت على (الدب الرومانسى)

[بنت علي]

الناصر
مشكور اخوي على المرور والمشاركه القيمه

الدب الرومنسي
مشكور على المرور..والسالفه مهيب سالفه نكت وبس علشان نحفظله كم نكته

[بنت علي]

للفائده

[مقراط]

بنت

السلام عليكم ورحمه الله وبركاته

ممكن بندر مصدوم من صفات الزوجه لكن حب يجاملها ويسير معها لو مره واحده

ممكن اقول لك صفه واحده مالي انصدم منها الحبيب بندر والباقي ماقدر اقوله ودي هي تسأل نفسها عن طريقك وتحاول علاج مايمكن علاجه

صفه تجسس الزوجه على الزوج صفه قبيحه

قال تعالى (ولا تجسسوا ولا يغتب بعضكم بعضا )

[مطنشه]

الله يعينك يارب.....

وترى عندنا وعندك خييييير مو بس انت :(

تبين ثقالة دم خذي ثقالة دم تبين هواش خذي هواش تبين تنقد خذي تنقد اللي تبيييينه كللللله عندنا.................

بس طنش تعش تنتعش (a26)

استمتعي بحياتك.. بعيالك بأهلك بصديقاتك استانسي انبسطي طوري نفسك.. لا تحكمين على نفسك بالإعدام عشان طبيعة زوجك المملة أهم شي قومي بواجباته وحقوقه وصلى الله وبارك... أما السواليف معه ما يحتاج أهم شي بس لا يهاوش ولا ينتقد يعني يا يقول خير أو يصمت....

يا شيخه الدنيا ما تسوووى نضيق صدورنا عشانها أهم شي بس اشغلي وقتك بالطاعات و بأشياء تحبينها وتنبسطين عليها...

الله يوفقك ويسعدك
ويصلح اللي عندك وعندي(q47)

[الــمــهــنــد]

بنت علي

انا عندي نفس المشكله وانشاء الله بسوي مثل اللي سويتيه ويارب يصير لي مثل ماصار ماك


جزاك الله خيرا

[بنت علي]

بنت
وراك ماتكمل... بنت علي!!
وشو اللي بنت..... اصغر عيالك انا؟

السلام عليكم ورحمه الله وبركاته
وعليكم مثله

ممكن بندر مصدوم من صفات الزوجه لكن حب يجاملها ويسير معها لو مره واحده
لاياشيخ؟
افدتنا انت الحين؟

ممكن اقول لك صفه واحده مالي انصدم منها الحبيب بندر والباقي ماقدر اقوله ودي هي تسأل نفسها عن طريقك وتحاول علاج مايمكن علاجه
مافهمت والله وش تقول بهذي النقطه ...وضح كلامك

صفه تجسس الزوجه على الزوج صفه قبيحه
هذا زوجي....مايحط خيط بالمخيط من دون علمي برضاه او غصبن عنه ...انت توحي؟

قال تعالى (ولا تجسسوا ولا يغتب بعضكم بعضا )
مشكور على المرور

[بنت علي]

الله يعينك يارب.....

وترى عندنا وعندك خييييير مو بس انت :(

تبين ثقالة دم خذي ثقالة دم تبين هواش خذي هواش تبين تنقد خذي تنقد اللي تبيييينه كللللله عندنا.................

بس طنش تعش تنتعش (a26)

استمتعي بحياتك.. بعيالك بأهلك بصديقاتك استانسي انبسطي طوري نفسك.. لا تحكمين على نفسك بالإعدام عشان طبيعة زوجك المملة أهم شي قومي بواجباته وحقوقه وصلى الله وبارك... أما السواليف معه ما يحتاج أهم شي بس لا يهاوش ولا ينتقد يعني يا يقول خير أو يصمت....

يا شيخه الدنيا ما تسوووى نضيق صدورنا عشانها أهم شي بس اشغلي وقتك بالطاعات و بأشياء تحبينها وتنبسطين عليها...

الله يوفقك ويسعدك
ويصلح اللي عندك وعندي(q47)
هلا وغلا مطنشه
شوفي انتي كلامك صحيح بحاله وحده
انك منتي حريصه عليه وعلى جلسه معه يعني مهنا ذاك الحب اللي يذكر
بس اذا كانت الزوجه تحب زوجها وتحب تسامره تكون مضطره انها ماتخليه بصوب وهي بصوب
الا اذا كان هو خبيّ مابه حيله..... وانتي خابره فمانقول الا الشكوى لله

[بنت علي]

بنت علي

انا عندي نفس المشكله وانشاء الله بسوي مثل اللي سويتيه ويارب يصير لي مثل ماصار ماك
جزاك الله خيرا
انتي وش يقالتس؟
انث او ذكر؟

[كاسر الحواجز]

بنت علي موضوع متميز لكن نقطة واحدة لوسمحت سأتحدث عنها وقرأتها في موضوعك

وشغلت الموسيقى


لا شك أنك تعلمين حرمت الموسيقى وعقاب سامع الموسيقى يوم القيامة صب الصديد الحار في أذنه

ثانياً : انتبهي يا أختي من الشيطان سيقتحم حياتكم الزوجية لأنكم فتحتم له الباب وعصيتم الله والبيت التي يعصى الله فيه تكثر فيه المشاكل مع الزمن

آسف يا أختي لكن أحببت التوجيه وأرجو أن تقبلينها بصدر رحب كما أحب لي الخير أحب لك ألف خير

[obadah]

لازم تلاقي طريقة تحاولي تلفتي انتباه زوجك لناحيتك بالتدريج. مثلا تغيير ببعض الامور الروتينية.....

[بلى حدود]

بصفة عامة المرأة بمجتمعنا عبارة عن جهاز تسجيل مع طرف وإخراج لطرف آخر فقط ، وغير قادرة على فتح مسار للكلام معه وتحليله ببديهة سريعة
شي أكيد .

[بنت علي]

كاسر الحواجز
مشكور جزاك الله كل خير
obadah
والله المسكينه ماقصرت نوره بس الرجل عاده ماعنده الرغبه من الاساس للاستماع للزوجه

بلى حدود
مو من حقك انك تعمم على كل النساء...ولايهونون الرجال اخوي

[ملك الرومنسيه]

بنت علي اسمحي لي اطلق عليك لقب دكتورة حب

[الجرح القديم]

بنت علي

رااائعه

والله خطيره

تصدقي ماشاء الله عرفتي كيف تستثيرين صمته

وياليت دوم تقولي لنا مواقفك الحلوه

دمتي بود

[بنت علي]

ملك الرومنسيه
الجرح القديم

مشكورين جدا للتفاعل والمشاركه

[لوليتالمبكا]

هههههههههههه ممكن ترى الرجال حبابين خبر عن سوالف الحريم وإذا سألتيه عن ربعه
قال هاه إش تبين فيه ماتعرفينه ؟؟!!!!يعني هو اللي يعرف الحريم؟؟!!!هههههههههه
بس والله الرجال كل واحد منهم له مفتاح وإذا عرفتي مفتاحه لاتستعملينه كثير بعدين ينكسر ههههههههه
واوقات الزوج يجي يسولف مع زوجته وهي بعد ودها تسكت ماتحكي يعني المسألة محتا جة لتقدير الظروف والوقت النماسب والحديث المناسب أكيد--------------------------------
بس انا وزوجي علاقتنا مع بعض الصداقة قبل كل شيء ----------------------بس أحس بالإحباط إذا قال أحياناً تصدقين وانا أسولف معتس أحس إنتس صديقي ؟؟؟!!!!--------------ماأدري إش يقصد
تحياتي للجميع
لوليتا
على فكرة عطر لوليتا لمبكا برائحة الفانيليا
ياأخوي الناصر

[بنت علي]

هههههههههههه ممكن ترى الرجال حبابين خبر عن سوالف الحريم وإذا سألتيه عن ربعه
قال هاه إش تبين فيه ماتعرفينه ؟؟!!!!يعني هو اللي يعرف الحريم؟؟!!!هههههههههه
بس والله الرجال كل واحد منهم له مفتاح وإذا عرفتي مفتاحه لاتستعملينه كثير بعدين ينكسر ههههههههه
لاماهوب منكسر....لان الكلام معاهم يطلع بالقطاره
واوقات الزوج يجي يسولف مع زوجته وهي بعد ودها تسكت ماتحكي يعني المسألة محتا جة لتقدير الظروف والوقت النماسب والحديث المناسب أكيد--------------------------------
صحيح كلامك صح
بس انا وزوجي علاقتنا مع بعض الصداقة قبل كل شيء ----------------------بس أحس بالإحباط إذا قال أحياناً تصدقين وانا أسولف معتس أحس إنتس صديقي ؟؟؟!!!!--------------ماأدري إش يقصد
يقصد انه يمون
تحياتي للجميع
لوليتا
على فكرة عطر لوليتا لمبكا برائحة الفانيليا
ياأخوي الناصر
مشكوره على المشاركة