مواسرجي ازعر
24-10-06, 06:15 PM
احلى اشي في العيد هو اخر تلات ايام برمضان....هاي النتيجه توصلتلها بعد طول عناء
عجقه العيد هي الحلوه ........شراء الملابس واللف بالشوارع لبعد نص الليل طبعا مش عشان
الواحد يشتري ...بس نوع من التقليد السنوي ..سهر ..وترمس... وسندويشات فلافل....وتطقيس
عالبنات....ليله حلوه عن جد ...والتحضير للعيد هو الاحلى ..بتبدأ النسوان تعزيل في البيوت
وتنظيف وغسل كل اشي ...حتى انه في نسوان بتطلع الملابس المغسوله وبتغسلها كمان مره
قال احسن ما يحكوا عنها (مره خامه) يعني ست بيت وسخه
ولازم تشتري فسيخ عشان تفسخ صيامك .....كنا واحنا زغار نفكر انه اذا ما افطرنا اول يوم العيد
فسيخ فلازم نضل صايمين ...لانه الشغله الوحيده اللي بتفسخك عن رمضان هي الفسيخ
واهم اشي بالعيد هو الكعك...وبدونه ما بزبط العيد...احنا او عيلتنا ما بنشتري كعك جاهز
وبنعتبر اللي بشتري جاهز شخص فاشل مطبخيا......لازم تشتري سميد ناعم وسمنه الغزال
ومحلب وشومر وكلفه الكعك وتعمله بالبيت بطقوس اقرب الى الطقوس الدينيه واهم اشي هو انك
تبس السميد مع السمنه وكلمه تبس معناها تخلطه كويس مع الضغط عشان يصير روح واحده
ما بعرف اذا الفعل بس يبس بسا موجود باللغه العربيه
وتبدا بعد ذلك مرحله التدوير والتكوير والقوالب والشوي والتحمير بالفرن وبتصير تشم الروائح اللي
بتشهي ..ويا ويلها اللي بطلع كعكها يابس .بفضحوها جاراتها وبتهموها بعدم بس السميد جيدا
كنا زمان ننشد نشيد قبل ليله العيد وهو:
بكره العيد وبنعيد....وبندبح بقره السيد
والسيد ماله بقره.....بندبح بنته هالشقرا
والشقرا ما فيها دم...... بندبح بنته بنت العم
هونا مقص وهونا مقص....ابو شلولو طقع....ص
مش عارف ليش كنا مصرين انا ندبح بقره السيد وبنته....وبطلت اسمع اطفال اليوم بنشدوها
الظاهر انها صارت من التهم الارهابيه ايضا لانه فيها دبح (للسيد)
هاي هي ليله العيد لمعظم الناس وبعتذر اذا في ناس ما فهموا شويه مصطلحات من كلامي وهذا اخر موضوع الي وبنتظر شئ كم يوم لبعد العيد (a26)
وكل عام وانتم جميعا بالف الف خير http://www.mahjoob.com/ar/forums/images/smilies/hat.gif
عجقه العيد هي الحلوه ........شراء الملابس واللف بالشوارع لبعد نص الليل طبعا مش عشان
الواحد يشتري ...بس نوع من التقليد السنوي ..سهر ..وترمس... وسندويشات فلافل....وتطقيس
عالبنات....ليله حلوه عن جد ...والتحضير للعيد هو الاحلى ..بتبدأ النسوان تعزيل في البيوت
وتنظيف وغسل كل اشي ...حتى انه في نسوان بتطلع الملابس المغسوله وبتغسلها كمان مره
قال احسن ما يحكوا عنها (مره خامه) يعني ست بيت وسخه
ولازم تشتري فسيخ عشان تفسخ صيامك .....كنا واحنا زغار نفكر انه اذا ما افطرنا اول يوم العيد
فسيخ فلازم نضل صايمين ...لانه الشغله الوحيده اللي بتفسخك عن رمضان هي الفسيخ
واهم اشي بالعيد هو الكعك...وبدونه ما بزبط العيد...احنا او عيلتنا ما بنشتري كعك جاهز
وبنعتبر اللي بشتري جاهز شخص فاشل مطبخيا......لازم تشتري سميد ناعم وسمنه الغزال
ومحلب وشومر وكلفه الكعك وتعمله بالبيت بطقوس اقرب الى الطقوس الدينيه واهم اشي هو انك
تبس السميد مع السمنه وكلمه تبس معناها تخلطه كويس مع الضغط عشان يصير روح واحده
ما بعرف اذا الفعل بس يبس بسا موجود باللغه العربيه
وتبدا بعد ذلك مرحله التدوير والتكوير والقوالب والشوي والتحمير بالفرن وبتصير تشم الروائح اللي
بتشهي ..ويا ويلها اللي بطلع كعكها يابس .بفضحوها جاراتها وبتهموها بعدم بس السميد جيدا
كنا زمان ننشد نشيد قبل ليله العيد وهو:
بكره العيد وبنعيد....وبندبح بقره السيد
والسيد ماله بقره.....بندبح بنته هالشقرا
والشقرا ما فيها دم...... بندبح بنته بنت العم
هونا مقص وهونا مقص....ابو شلولو طقع....ص
مش عارف ليش كنا مصرين انا ندبح بقره السيد وبنته....وبطلت اسمع اطفال اليوم بنشدوها
الظاهر انها صارت من التهم الارهابيه ايضا لانه فيها دبح (للسيد)
هاي هي ليله العيد لمعظم الناس وبعتذر اذا في ناس ما فهموا شويه مصطلحات من كلامي وهذا اخر موضوع الي وبنتظر شئ كم يوم لبعد العيد (a26)
وكل عام وانتم جميعا بالف الف خير http://www.mahjoob.com/ar/forums/images/smilies/hat.gif