المساعد الشخصي الرقمي

مشاهدة النسخة كاملة : يوميات غنوده في امريكا الحلقه الثانيه


غنوده
22-04-04, 12:08 AM
هلا وشاخباركم انشاء الله بخير هذا انا بكتب لكم الحلقه الثانيه من مذكراتي<<<< مذكرات بريتني سبير على غفله

المهم رحنا للصاله الثانيه ومليانه سعوديين عاد انا استانست شفت اهل بلدي :o
وبعد عشر دقايق سافرنا لواشنطن في واشنطن بغيت انهبل بس مبققه عيوني تقول ماشفت خير:eek::eek:
تابنات لابسين من غير ملابس وبس عيوني طايرتن في زوجي لا يناظرهن وزوجي متعود على هالمناظر اما انا اول مره اذكر قبل لااتزوج اذا طلعت لقطه في التلفزيون امي تشيل الرسيفر لمدة شهر وبعدين حرمنا مانشوف افلام وامي موجوده وتعتبر لقطه عاديه بالنسبه للمناظر اللي عندنا
مااقول الا الحمد لله على نعمة الاسلام
المهم واشنطن مليان عرب ومسلمين وخاصه المطار اغلب اللي يشتغلون فيه عرب مسلمين من افريقيا من الحبشه والصومال والسودان قالي زوجي بروح اشوف رحلتنا لنورث كارولينا وانتي اجلسي عشان المسافه بعيده <<< ياعمري خايف علي (w99)
وراح وانا واقفه امقق عيوني بها الخلق وانا اشوف ذاك الاسود الزنجي اللي من شافه خاف طول بعرض ولا لابس بدله بنفسجي بس انا شفته قلت بيخطفني وانا ميته من الخوف انتظر ابو الشباب يجي بس طول
ولا بزرانهم حاطيني تفرجه كل من مرني قال مام وت ذيس
عاد انا اقول بقلبي انا جني باكلك
شكل امهم تخوفهم فيني في الليل
جاني زوجي وصرنا نمغط صالات المطار رايحين جايين الطياره تاخرت طبعا حنا وصلنا واشنطن الساعه 9 الصباح وجلسنا بالمطار 11 ساعه
المهم وحنا جالسين سبحان الله فيه فرق كبيررررررررر بين مطارهم ومطار الملك خالد من حيث الترتيب والهدوء والنظافه وصجه البزران والمطاعم والموظفين بعد والكراسي

عاد كراسي المطار حقنا متقطع ولا مافيه كراسي فاضيه دايم زحمه المهم جلسنا نتغدى بيتزا وانا بس افتتها قالي زوجي ليش قلت مدري اللحم اللي فيها غريب طعمه خايفه لايكون بابا روني بورك قال لا انا طالب لحم بقر قلت بعد لحم بقر
واللي انحرم الاكل المهم جلسنا وقدامنا وحده وزوجها وعيالها عددهم اثنين سبحان الله ماتقول اعمارهم 4 _6 سنوات
اللي يشوفهم يقول 15 سنه من عقلهم وهدؤهم ياانهم مؤدبين مالهم صياح وصراخ ونبغي لعبه ولا خرابيط جالسين جنب امهم وماقامو يطامرون ويتلقفون على الجالسين <<<<< فرق بين عيالنا وعيالهم
مادريت الا تجيني وحده سمراء قالت لي انتي سعوديه قلت ايه عاد انا فرحت ابغى احد اتكلم معه عربي وقامت تسولف معي وبعد شوي قامت تسالني عن شنطتي وشوي شوي شحذتني عطري عاد اختكم كريمه زياده عن اللزوم رحت عطيتها عطر ودهن عود <<<<<<<(q36)
الطياره راح تتاخر عشان المطر على نورث كارولينا كثير وماراح نسافر الا لما يخف المطر وهذا حنا جالسين بعد شوي قالو المطر خف ورحنا ركبنا الطياره بعد ماربطنا الاحزمه قالولنا انزاو الطياره فيها عطل ونزلنا

عاد تخيلو التعب وانا صار لي يومين مانمت مضبوط ومرمطه نزلنا وجلسنا الين الساعه 8 بالليل بعدين سافرنا لنورث كارولينا واول مانزلنا فيها المطار زحمه من جد زحمه فظيعه كان الوقت 10 بالليل ومافيه ولا عربي ولا مسلم اتمنى اشوف اي جاليه مسلمه ماشفت جلسني زوجي وقاللي بيروح يجيب الشناط وبيودهم للسياره عاد سيارته موقفها صديقه بمواقف المطار ورحت للسياره واناظر بالسما ماني مصدقه اني بعدت عن اهلي ونروح للسياره وهاتي يادموووووووووووووووع(g)(g)(g)(q73)
زوجي قام يتمشى فيني بالمدينه ترى نورث كارولينا ولايه ومديتني فيها وجالس يوريني البنك اللي في الداون تاون اللي للامير الوليد بن طلال ويتمشى وانا ابكي مالي خلق
قالي تبغين نروح لمدينتنا الحين تبعد ساعه ونص ولا ننام في شارلوت وبكره نسافر انا قلت له ماني انا تعبانه مررررره ومافيني حيل اسافر مره ثانيه




نكمل بكره

انتظرونا في الحلقه الثالثه لما رحت لمدينتنا وجارتنا العجوز وبنتها

همس الشفايف
22-04-04, 05:03 AM
ننتظرتس يابعدي :rolleyes:

غنوده
22-04-04, 07:44 AM
شكل ماعجبتكم الحلقه(kk)

همس الشفايف
22-04-04, 07:56 AM
الا والله تهبل

بس والله متحمسه انا كملي :)

غنوده
22-04-04, 08:00 AM
هموسه ياملح النتدى ودي اكمل بس اصابعي تعورني مااقدر على موضوع طويل خليه بكره اوعدك اكسر الدنيا:o:o:o

عاد افلقيني اذا وصلت مثل اسلوبك في الكتابه ماشاء الله عليك اسلوب ولا اسلوبعبدالله الجعيثن ولا الخنيفر حقيقه انتي مبدعه






تحياتي لك(qq140)

همس الشفايف
22-04-04, 08:03 AM
ماعليتس زود يابعدي

وكلتس ذوق من تحت لفوق :rolleyes:

وانتظر تكملينها (qq)

مستغرب
22-04-04, 11:42 AM
:eek:

غنوده
22-04-04, 05:45 PM
مستغرب تحب العناد ترى اخر مره تدخل مره ثانيه بحط بودي قارد يمنعك<<<< على بالها
وعلى العموم خلاص ماني زعلانه عليك سامحتك
شكرا على مرورك

بس وين تعليقك على القصه:p

ماس
22-04-04, 09:05 PM
شكله فلم مكسيكي بحق وحقيقة المهم انا بعض المفردات تحتاج تاى ترجمه من العربي الى العربي مثل شحذت نو ابقبق عيوني وطايرتن بوهتي 00 الخ حتى تتحقق الفائده المرجوه من هذه المذكرات وتحياااااااااااااااااااااا - ماس - ااااااااااااااااااااتي

غنوده
22-04-04, 10:51 PM
مااااااس طايرتن بوهتي يعني مستغربه وخايفه ومدري


شحذت يعني طريت

ابقق عيوني يعني:eek:

أبوشـrاrه
24-04-04, 02:11 PM
ترى أنا جيت والله العظيم (a24)

<<<< طيب إحلف

لا خلاص حلفت ما تشوف؟ (a24)

أحلىىىىى يا غنوده صرتي قويّه شوي أقوى من الحلقه الأولى
أحس بديتي تتأقلمي مع إنك بكيتي وكسرتي خاطري والله (q19)

طيب ما شفتيني في المطار أتمشى؟ (qq23)

خخخخخخخخ تخيلت نفسي الحمد لله والشكر بس ههههه (a24)

ايه سوري على التأخير كنت مسافر في الويكند مع إني كنت قايل
إني بنتظر الحلقة الثانيه اشوى مافاتني شي (qq160)

أشكرك غنوده على مجهودك

<<< لاحظتوا إني مسوي ثقل اليوم؟ بغيت أموت البارحه في
حادث على الطريق السريع لكن ستر الله وأبعدت في آخر جزء
من الثانيه... (qq46)

حلاة الكون
29-04-04, 09:09 AM
اجل عطيتيه العطر ودهن العود....
صدزززز ينهك عليييييتس
لو انا منتس كان اتصيقه ولا كنّة قالت شي :o

يكفي اني بصير بغربة وذي تهك علي
آآآآآآخ لو انا منتس :(

<<<ولللللععععععععت

ننتظر الجزو الثالث :rolleyes:

غيث السماء
29-04-04, 10:17 AM
اقول غنوذه على ها المذكرات الحلوة ولله ولا مذكرات ابن بطوطة
ترى انتظر على احر من الجمر
مو طولين علينا :rolleyes:

حلاة الكون
05-05-04, 08:49 PM
غنوووودة
وش صار بالعجوز وبنتها :o

<<لقاااااافة :o

ريومة نجد
06-07-05, 03:30 AM
غنوده صدز اني ماشفت قصدي ماقريت الحلقه الاولى بس عاد عندي سوعال

وراتس توتس تصيحين؟ يوم وصلتي يعني ؟ انا لو انا بمكانتس كان زنيتها بكوه من يوم مادخلت مطار

الملك خالد .. عاد صدز يمكنتس بكيتي قبل؟





المهم قهرتين بسالفة العطر يالمهكه تقل ماصدقتي تسولفين مع احد وين رجلتس عنتس

عاد اكيد انهك عليتس مرتن ثانيه؟