أنا هـواي وبـَـس ْ بنت الجزيرة

[يا عزوتي]

كتب أحد الشعراء هذه القصيدة بعد عودته من المغرب، فقال:




ياللي تنشد عن علوم الذي طاف "=" كل البحور وكل دوله وديـره
خذ من علومي علم اوصافه اوصاف "=" جزل سمين يشتعل له سعيده
الزين عقب المغربيات ينــعاف "="غيد لهن بالزين ذكره و ســيره
فيهن حلا طاغي ولين و تعطاف "=" وفيهن حنان يشعل القلب غيره
حلوات وصف وفاهمات بالاعراف "=" زيننات منطق صافيات السريره
بنات قوم طيبهم غصـب ينشاف "="اولاد مغرب بالليالي العســيره
ياللي تنشد عن علومي بالانصاف "="هرجي يكفي صامله عن كثـيره
الزين في لميا وتغريد و الطـاف "=" ماهوب في حصه وكشره و منيره

فرد عليه طلال الرشيد - رحمه الله - بهذه القصيدة:




يابن الحلال ان طعتني خل الاسراف "=" واترك جمال الغيد لاهل البصيره
الزين موبس في الملامح والاوصاف "=" الزين روح وعفه وطيب سيره
مانيب من يهوى سريا وانصاف "=" انا هواي وبس بنت الجزيـره
بنت الخليج اللي تماري بالاعراف "=" وحنا نماري باسمها كل ديره
مالي غرام بقول وخا وبالـزاف "=" اذبحتني عند الطرحه المستديره
احب قولة ياهلا وعل وماخلاف "=" من بنت ثوبي بنت الارض النضيره
اللي تحلاها الظبي حلو الاطراف "=" جمال في عفه ورقه وغيــره
واللي بها سحر مهو سحر عراف "=" ياعل عين ماتراها ضريــره
عطف وحنان وذوق في لين الاعطاف "=" والى كشفت لثامها شفت أميره
صعب على اللي بالردي شاف ماعاف"=" وحلوه علىاللي سنه الله ضميره
شمس الى من اشرقت والدجا طاف "=" غابت نجومك غصب لو هي كثيره
السيف مايزهى سوى كف سياف "=" والخيل دون حصانها مستخيـره
بس أنت دورلك على قدك لحـاف "=" وان طعتني دور بدلنا عشيـره

[كاتم الونة]

تسلم يمينك يالغالي على نقل رد الشاعر طلال الرشيد رحمه الله

والخير والطيب موجود في كل ديرة

تحية وتقدير

[فاتن عسيري]

الله يرحمه ويغفر له آمين عطانا حقنا وانصفنا تسلم علا النقل ياعزوتي زين ما اخترت

[Asatir]

يسلـــــــــم طلالاة..مو غريبة علية هالأنسانية..

اللة يجمعنا فية بالجنه..

أختيار موفق..لاهنت

[دلوووعة الريـــاض]

يسلمووو خيوووو

رووووعه بل تفوق الوصف والخيال ,’,’,’

لاعدمناك ,’,’,’

* تحيتي المعطره بالورد *

[مذهلــــــــــــــــه]

شكرا على القصيدة ورحم الله الشاعر

[ميره]

تسلم اخويه ع القصيدة ... وربي لا صغرك ولا هانك

[النجديه]

تسلم يديك ياخوي على هالنقل الرائع

والله يرحم الشاعر طلال

[الكتالوني]

ياسلام عليك

[مخلوق فضائي]

تسلم على هذا النقل الراااااااااااااااااائع

ويرحم الله الشاعر طلال الرشيد